من له الحق فى قيادة سيارة المعاق

[mohsen]

لو سمحتوا
مين يقدر يسوق سيارة المعاق من اقاربه(بدون وجود المعاق فى السيارة) طبقا للقانون لان الموضوع ده فى اجتهادات كتيرة اوى منها على سبيل المثال:
1-ناس بتقول الاخ او الاخت او الزوج او الزوجة او الاب او الام(مع وجود رخصة السائق ورخصة المعاق ورخصة السيارة وتوكيل بإدارة السيارة)
2-ناس تانية بتقول ان لازم يكون المعاق موجود فى السيارة بصرف النظر عن مين الى سايق
3-ناس تالتة بتقول ان اى حد يسوقها غير مالكها (المعاق)العربية بتتاخد ومش عارف بيروح يطلعها منين ب 500 جنيه
4-ناس رابعة بتقول ان اى حد يسوقها غير مالكها (المعاق)العربية بتتاخد ومش عارف بيروح يطلعها منين ب 2000 جنيه
لدرجة ان واحد صاحبى بيقولى ان مراته عندها عربية لانها معاقة وبيسأل انه هل المفروض انه يدفع 10000 جنيه علشان يفك حظر بيعها ومراته تبيعهاله علشان يقدر يسوقها هو فى اى وقت؟
وهل يا ترى قانون المرور الجديد اتكلم عن الموضوع ده
ولكم جزيل الشكر

[mo3tazelgamal]

ممنوع قيادة سيارة المعاق إلا للشخص نفسه ولا يجوز بتاتا قيادة السيارة من قبل أى شخص أخر حتى لو معاق أيضا (بتفرق حسب درجه الأعاقه ونوع التجهيز داخلها للقيادة)
أما بالنسبه لموضوع فك الحظر فدة فعلا كلام صحيح وحسب علمى المبلغ 9600 جم

[sherif_m72]

ممنوع منعا باتا ان اى حد غير المعاق انه يسوق العربيه مهما كانت درجه الصله بينهم
والحاله الوحيده الى فيها استثناء
هى ان يكون المعاق نفسه يحتضر بيموت يعنى ويكون فى طريقه للمستشفى وتكون هيه دى بس الوسيله الوحيده للانتقال وبيكون القائد من اقارب الدرجه الاولى ومعاه رخصه طبعا
وللعلم والانتباه
ان فيه لجان خاصه بتطلع بصفه دوريه لتوقيف النوعيه دى من العربيات والكشف على جهاز الاعاقه كمان وياويله لو مكنش هوه اللى سايق
وفيه كمان لجان من الافراج الجمركى بتروح كل فترة لعنوان صاحب العربيه وتتأكد انها موجوده وتقابل صاحبها المعاق وتكشف عليها برقم الشاسيه رقم الموتور واحيانا عداد الكيلو
نصيحه اخ بئه
بلاش بلاش تسوق عربيه اعاقه عليها حظر
لانك هتضر نفسك وهتضر المعاق معاك

[hazem_khidr]

محدش يسوقها غير مالكها فقط
و لو اتمسكت اول مره بتدفع غرامه 2500 جنيه
تاني مره ببتصادر العربيه و مش بتشوفها تاني