كل مايهمك عن الواجا الجديدة لسة مستلمها امبارح

[hass_fin]

اولا : انا ببارك لزوجتى حيث اننى اشتريت هذة العربة لها ( هدية جوزنا للسنة العاشرة ) ايضا ( لكى اريح دماغى من النادى والاولاد وهات عيش وانت جاى وجبن وخلافة )
ثانيا : انا يمكن تقييمى للعربية ميعتبر اساسى لانى راكب بيجو 307 اس دبليو بانوراما فمعتقدش فية وجة مقارنة فى الاوبشن وبعض الحاجات الاخرى هاحاول انى اعقد بعض المقارنات ولكن ان كان فية غلطات انا اقبل النقد كما اننى ذكرت سابقا ان تقييمى ميعتبرش هو الاساس




العربية كشكل من الامام مش بطالة مع الشكل الجديد




العربية من الخلف برضة مش بطالة



دة التوصيف الجديد للبروتون واجا بس لاحظ فية نقطة ناقصة عندى بين الرقمين


دة شكل الشكمان



دة شكل الجنط



دة شكل جانبي للدركسيون ولاحظ ان مفيش مثبت سرعة او محدد سرعة



شكل يوضح الدركسيون وفرامل اليد والفتيس والمهم هنا هو الكونسول ال بين الكرسين الاماميين



دة فتحة التابلوة ولا حظ انها بتتقفل بالمفتاح
وفوقها فتحة الايرباج اليمنى الفتحة الاخرى فى الدركسيون



دة الباب الامامى من اليمين ولا حظ ان الزجاج كهرباء فى الاربع ابواب
يوجد بالعربة ست سماعات زى الفل فى الصوت ودى واحدة منهم






دول اثنين منهم



ودى فى الخلف فى اليمين وطبعا زيهم شمال



دى فتحة التكييف ال على اليمين



ودى فتحة اخرى على اليمين بس جنب السماعة
وبكدة يبقى عندنا اربع فتحات تكييف على الجنبين الشمال واليمين دة غير فتحتين فى النص ال فى الصورة الا جاية

دى الا فى النص




دى صورة تجمع بين فتحات التكييف تحتها كاسيت ال سى دى اسطوانة واحدة بس + الراديو طبعا
وتحتة التكييف وتحتة الولاعة والطفاية للمدخنين الوحشين مالها الشيشة




دى ازرار البحث عن محطات الراديو من الدركسيون



دى ازرارتعلية وتخفيض الصوت من الدركسيون



المراية



الشماسة

الدوسات



مفتاح فتح الكبوت على شمال الدركسيون

طبعا مفتاح فتح الشنطة والبنزين من الداخل زى معظم العربيات
ولكن فية ميزة اخرى فى فتح الشنط اذا استمريت ضاغط على مفتاح
فتح العربية اقصد زر الريموت فترة يفتحلك الشنطة اتوماتيك
المريات كهرباء ويمكن ضبطها من مفاتيح داخل العربية على شمال الدركسيون

ملاحظاتى على العربية
1 - موتور العربية قوى جدا بالنسبة للبودى بتاعها حسيت ان البودى مش هيستحمل الموتور
2 - فرامل العربية فيها تزييقة خفيفة او يمكن علشان جديدة
3 - السماعات وال سى دى حلوين ولكن يعيبة ان فتحة ال سى دى فتحة واحدة عندى فى البيجو ستة سى دى
4 - المساحة فى الكنبة الخلفية لو الا قدام خد راحتة تبقى صغيرة شوية
5 - وانت طالع بالعربية من الصفر عزمها زيادة شوية يعنى لو واحد داس غلط ممكن العربية تنطر

كنت اسمع ان الموديل القديم كان فية مثبت سرعة بس معرفش دة صح ولا غلط هنا مفيش مثبت سرعة لكن فية 2 سنسور للركن الخلفى

ارجو انى اكون عملت حاجة تستاهل ويارب اكون افدت اى حد

[Islam_galal]

ربنا يباركلك فيها و يكفيك شرها
الف مبروك

[aif]

ربنا يباركلكم فيها ....
تقييم ممتاز وصور ممتازة .....شكرا علي المجهود الكبير دة
لما تاخد وقتك ياريت تقييم الثبات واستهلاك البنزين واداء المحرك والجير الاوتوماتك
مبروك مرة أخرى

عينى ان شاء الله اول مارخص واستلم الرخصة هطلع بيها مشوار طويل واخدها يومين اعرفلكو كل حاجة عنها ان شاء الله من الف للياء عينى دى قبل عينى دى

[Hassan]

الف شكر على التقيم الجميل دة
برجاء الافادة عن سعرها و هل يوجد بضاعة حاضرة ,او يلزم الحجز

[hass_fin]

لازم تعرفوا ان مفيش غير خمسين سيارة فقط هم الا نزلو مصر بس و الباقى حجز واستلام بعد شهر تقريبا والوان الا نزلت الباذنجانى الغامق زى الا فى الصور والاسود المحمر والرصاصى
السعر : 89900 اتوماتيك فول اوبشن

[momenhamdy]

الف الف مبروك يا سيدي الفاضل علي السيارة و ربنا يبارك لك فيها و يكفك شرها

[Ahmed Samy]

الف الف مبروك و في انتظار التقييم بتاع الأداء

[mody_halawa]

مبرررررررررررررررررررروك ربنا يعطيك خيرها ويكفيك شرها

[mahamedaraby]

الف الف الف مبروووووووووك وربنا يعيطيك خيرها ان شاء الله