إلحق يا قبطان المركب بتغرق؟؟؟؟؟؟!!!!!!

[ahmed1981]

تسجل الصندوق الأسود للعبارة السلام 98
أو عبارة الموت بدون حساب
راح فيها ألف واحد للعالم الآخر
وبعد كده تم التصريح أنهم لن يسمحوا لعبارة مخرومة أنها تشتغل تاني!! :?: :!:
حسبنا الله ونعم الوكيل

دى اخر 3 دقايق فى الصندوق الاسود للعبارة السلام
دى لحظات الموت
دى لحظات النهاية
وادى النص الكامل للتسجيل ده

النـص الكـامل للتسجيــل

صوت القبطان: ممكن تشوف فيه "سكعة" جاية من جنب يمين زيادة.. وصلنا 18 درجة
صوت القبطان: شوف كده هل فيه حاجة في الجنب يمين بتدخّل مية
لحظات سكون مع صوت صفارة في الخلفية
صوت لاسلكي: لا مفيش حاجة يا قبطان مفيش حاجة في الجنب يمين
صوت القبطان: طيب أومال إيه ؟ ده ده الطرمبة شغاله والـ واااا و"المـَـلص" بيتملي ومعملتش أي حاجة.. "السكعة" بتزيد
صوت مساعد القبطان: ..... المية في الصراف اليمين ....حد يشوف
صوت القبطان: طيب شوف هل المية بتزيد في جنب يمين ولا إيه ؟
صوت لاسلكي: بنحاول
لحظات سكون مع صوت صفارة في الخلفية
صوت مساعد القبطان: مفيش حاجة إسمها بتحاولوا مفيش حاجة إسمها هنشوف
صوت القبطان: حاولوا طب تشوفوا "المـَـلص" احنا نزلنا عشرين درجة دلوقتي يا جماعة.. المركب هتقلب
صوت مساعد القبطان: كل واحد مكانه في مكانه واحد بيتكلم يرد علينا بيريّحنا
لحظات سكون مع صوت صفارة في الخلفية
صوت القبطان: أرجوك يااا يا شيفـ يااا فيرست شوفلنا حاجة للمية لاحسن المركب "بتسكع" 20 درجة دلوقتي
صوت القبطان: تعالى علي اليمين كده واحدة واحدة
صوت مساعد القبطان: هنروح فين يمين....... يكمّل الرد بصوت ضعيف غير مسموع
صوت القبطان: أنا عايز أقول يمكن
صوت مساعد القبطان: لأ............. يكمّل الرد بصوت غير مسموع
صوت القبطان: أصل الريح في اليمين يعني بدل ما هو... جايز هو مقصر معانا.. لو نيجي بعلُوّ شوية
صوت مساعد القبطان: خطر يا قبطان
صوت مساعد القبطان: لازم يا قبطان تستحملوا شوية
يبدأ الرعب في المركب ويبدأ الركاب في الصراخ وفي التخبيط على باب الحجرة
صوت مساعد القبطان: هَدّي الناس.. هدّي الناس.. هدّي الناااااس
صوت القبطان: كلمولنا الـ ... يعني مش عارفين يعملوا "المـَـلص" أنا مش قادر أفهم برضه يعني
صوت أشياء تسقط نتيجة للميل الكبير في المركب
صوت مساعد 2: السكعة دلوقتي 25 يا قبطان
تبدأ أصوات الصفارات المتقطعة في البدء منبهة ان هناك خطر جسيم
صوت مساعد 2: الوضع خطر جداً يا قبطان دلوقتي
صوت القبطان: نقطة ضباء.. نقطة ضباء.. نقطة ضباء
تستمر الأشياء في السقوط وتتعالى أصوات الركاب والصراخ يملأ المكان
صوت مساعد 2: المركب بتغرق يا قبطان
صوت القبطان: أطلب ضومان
صوت مساعد 2: النـــاس
أنا هأقف هنا عند الصوت ده، صوته خلاّني أبكي، إفتكر مسئوليته، الوحيد اللي إفتكر الناس في اللحظة دي
لمّا هتسمعه الصوت هتحسّوا إنه خايف فعلاً، صوته مرعب.. صوت النفس بتاعه خلى جسمي يقشعر.. تخيلت نفسي مكانه، تخيلت نفسي شايف اللي هو شايفه، ناس بتغرق ناس بتجري ناس بتصرخ.. لحظة مميتة.. والظلام والبرد والبحر من كل اتجاه بالخارج يرسم صورة مرعبة للمصير الأخير
صوت القبطان: كله شمال
صوت مساعد 2: كله شمال
صوت مساعد 2: المركب بتغرق.. المركب بتغرق يا قبطان
صوت القبطان: نقطة ضباء
صوت مساعد 2: الناس
صوت القبطان: كله شمال
صوت مساعد 2: كله شمال
صوت مساعد 2: المركب بتغرق يا قبطان
صوت القبطان: كله شمال
صوت القبطان: كله شمال
صوت القبطان: كله شمال
صوت مساعد 2: المركب غـرقت يا قبطان
صوت الركاب يظهر من الخارج: لا حول ولا قوة الإ بالله.. لا حول ولا قوة الإ بالله
صوت مساعد 3: أشهد أن لا إله الإ الله ... وأشهد أن محمداً رسول الله
صوت مساعد 2: المركب غـَرقت يا قبطان
صوت القبطان: إستنّونا بس يا جماعة
صوت مساعد 2: إستنونا إيه يا قبطان المركب غـَرقت
صوت مساعد 2: مفيش لايف جاكيت هنا يا جماعة... أي لايف جاكيت
.......صوت القبطان: هاتوا لنا
انتهى التسجيل وانتهت معـه ألـف حيـاة :!:

[Dr Ahmed]

أنا سمعته فعلا قبل كده ولم أفهم معظمه ، أشكرك لكتابة نص الحديث المؤلم وحسبنا الله ونعم الوكيل فى المسئولين اللذين لا يتحركون إلا بعد الكوارث وحتى تحركهم يكون دون المستوى!!

[د.أحمد سمير]

صوت مساعد القبطان ، وأنا أتخيله يلف الدومان ( دريكسيون المركب ) ، وهو يقول ، الناس ... الناس .. المركب بتغرق يا قبطان ، الناس ...
وصوت الناس وهم يصرخون لا إله إلا الله ، خلاني أوشكت على البكاء والله .
لا حول ولا قوة إلا بالله العلي العظيم .. مأساة بكل المقاييس .
أنا أب وزوج ، وأتخيل أب في هذه الكارثة يحاول أن ينقذ فلذات أكباده ، وزوجته ، ولا يستطيع ، ويراهم يموتون أمام عينه واحداً تلو الآخر ، أبشع موقف ... حسبنا الله ونعم الوكيل في هذا البلد
على فكرة كارثة السلام وعدد ضحاياها ، يقترب بشدة من حادثة التايتانك الشهيرة التي حدثت منذ 100 سنة وراح ضحيتها 1300 شخص
100 سنة فرق ، شوفوا الاهتمام بحادثة تايتانك في العالم قد إيه ، وكيف أنهم اعتبروها أكبر كارثة بحرية ، ولا زالوا يحققون في أسبابها حتى الآن ، واحنا هاين علينا أرواح ألف بني آدم ( رقم رسمي ) ، 2000 (رقم فعلي )
حسبنا الله ونعم الوكيل
اللهم تقبلهم جميعاً برحمتك وتغمدهم بفضلك وتجاوز عن سيئاتهم .

[PAYOO]

الملف ده عندي من فتره ولما بيكون عندي زوار في البيت والكلام بيننا يسخن ويوصل الكلام للفساد والظلم وخلافه ، على طول أفتكر الملف ده وأشغله لأنه بجد بيعبر عن مدى الظلم الواقع على الناس خصوصا وأن دي مش أول حادثه غرق لنفس الشركه ولو تفتكروا العباره "سالم أكسبريس"

وحسبي الله ونعم الوكيل

[سمير يونس]

بسم الله الحمن الرحيم

وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ

بسم الله الحمن الرحيم

وَفِرْعَوْنَ ذِي الْأَوْتَادِ «10» الَّذِينَ طَغَوْا فِي الْبِلَادِ «11» فَأَكْثَرُوا فِيهَا الْفَسَادَ «12

بسم الله الحمن الرحيم

رَبَّنَا أَخْرِجْنَا مِنْ هَـذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا

صدق الله العظيم

و حسبي الله و نعم الوكيل

[hazem_khidr]

حسبي الله ونعم الوكيل علي الاهمال والتسيب

[m10_10]

بسم الله الحمن الرحيم

وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ

بسم الله الحمن الرحيم

وَفِرْعَوْنَ ذِي الْأَوْتَادِ «10» الَّذِينَ طَغَوْا فِي الْبِلَادِ «11» فَأَكْثَرُوا فِيهَا الْفَسَادَ «12

بسم الله الحمن الرحيم

رَبَّنَا أَخْرِجْنَا مِنْ هَـذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا

صدق الله العظيم

و حسبي الله و نعم الوكيل

حسبي الله ونعم الوكيل
اللهم تغمد الضحايا برحمتك
واسكنهم داراً خيراً من ديارهم
واخلفهم بأهل خير من اهلهم
ووسع قبورهم

[mada121977]

لا حول و لا قوه الا بالله ( اللهم اليك نشكو ضعف قوتنا و قله حيلتنا و هواننا على الناس )

[sh_masry]

اشهد ان لا اله الا الله و اشهد ان سيدنا محمد رسول الله
لا حول و لا قوه الا بالله
ده انا شعر راسى وقف يا رجاله ....

[Kisho]

اللهم ارحمنا و ارحم موتانا جميعا