في الأخر لا يصح إلا الصحيح
مش عيب إننا نغلط ...كل بني أدم خطاء
العيب عدم الأعتراف بالغلط و المكابرة و عدم تحمل مسئولية اصلاحه
بصراحة توكيل محترم و يستاهل التقدير
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
الموضوع ده حصلى من كام يوم بس حبيت اكتبه لم اوصل لنهايته لانى كنت متضايق جدا
اسيبكم مع الموضوع
فى يوم كنت بافحص مستوى الزيوت وسؤال التبريد والفرامل ...الخ فى السيراتو
واكتشفت ان مستوى زيت الفتيس الاتوماتيك اعلى من الطبيعى على تدريج عصا القياس فى الحالتين (البارد والساخن) بمقدار 5سم
وكمان وجدت زى رشح زيت على بطحات المساعدين الاماميين ومن اسفل ايضا فوق العجل من الخارج , طبعا اتعكننت جدا ,انا مش حاسس بأى تقصير فى عمل المساعد امال الرشح ده جاى منيين ؟؟!!!
طبعا قلت اجرب النمرة الجديدة للتوكيل 19kia وكلمت الكول سنتر فالراجل بكل ترحاب بعد ما سمع المشكلة قال حضرتك تتفضل بكرة علشان نطمن على العربية - طبعا انا تفجأت لسرعة تحديد موعد- وطلبت منه يؤجل الموعد لبعد الغد لارتباطى بمواعيد عمل وبالفعل حجزت موعد فى اليوم الذى يليه الساعة 10 صباحا وادانى رقم الحجز
ذهبت فى الموعد المحدد واما البوابة سئلنى الامن عن الاسم وقلتلوه اسمى ورقم الحجز فراجع دفتر معاه وفتح البوابة وقلى اتفضل ....واتفضلت
ركنت العربية فى ساحة مخصصة وكان المكان تقريبا فاضى الا من عدة عربيات يتعدو على صوابع اليد الواحدة , دخلت الى الاستقبال وقابلت احد مهندسى الاستقبال اللى طلب منى رخصة العربية وشيك على رقم الحجز وسئلنى ... ايه المشكلة وحكيت له فابدى استنكاره الشديد بقولى المساعد من حواليه زيت وجاوبنى بكل قرف "زيت !!!!" اذا كان المساعدين دى غاز اساسا - الحقيقة استفذنى اسلوبه جدا - وقلتله بكل سخرية معلش اعذر جهلى بنوع المساعدين , انا عندى مشكلة والمفروض انك تبص عليها - طبعا هو لاقى اسلوبى كده راح اعتذر وقالى لا ابدا يا افندم اتفضل ورحنا على العربية فى مكان الخدمة السريعة مش فى الورشة الرئيسية ونادى احد الفنيين وفتحو الكبوت ولما شاف الزيت قالى لاء ده بخار الزيت والشحم اللى موجود على الكرتيرات علشان تحمى العربية اتناء الشحن ومع سخونة الموتور بيسيل وبيتكون عليها تراب (بينى وبينكم ماقتنعتش بس قلت عديها طالما المساعد سليم)
وخلى الفنى يفحص مستوى الزيوت ولاقى مستوى زيت الفتيس عالى وقال انه مش مؤثر قلتله مش مؤثر ازاى اذا كان مانيول السيارة بيوصى ان مستوى الزيت يكون لا اقل ولا اكثر ؟!! فقلى خليها ملحوظة عند صيانة الـ5000 كم .... حاجة غريبة مانا هنا والمشكلة موجودة ليه استنى صيانة الـ5000 كم فقال علشان تكون جمعت كل الملاحظات على العربية – مش عارف ايه اللى خلانى سكت – ولقيت الفنى بيقس مستوى زيت الموتور وبيقول ده ناقص شوية هو حد لعبلك فى العربية طبعا انا كنت هاولع وقلتله انت بتقول ايه العربية زيرو وعاملة 1500 كم انت اول واحد يلمسها وبعدين هو حد يقيس زيت الموتور والعربية سخنة وجاية من مشوار طويل مش المفروض تصبر عليها شوية يكون الزيت وصل لمستواه علشان تعرف تقيسه .
فرد مهندس الاستقبال وقال لاء بسيطة زودله الزيت ومستوى سائل التبريد وكمان علشان اطمنك على العربية.... شغل الرفعة ودخلنا تحت العربية وبيقولى شايف العربية زيرو (بالذمة انتم ردو اقوله ايه :cuss:) سكت وقاى تعالى اعملك تصريح خروج.
شكرته وادانى التصريح ورحت لاقيت الفنى مقفل العربية وكل حاجة تمام ومع السلامة ياباشا ... خدت العربية ومشيت وانا مش مبسوط قوى من مستوى المهارة وطريقة تعاملهم مع الامر
قفلت الازاز وشغلت التكيف ومع صوت الاخ جورج واصوف من سي دى العربية ابتديت الرحلة من ابو رواش الى مدينة نصر مقر شغلى حوالى حوالى 48 كيلو ووصلت وركنت .... والساعة 6 مروح ...
بادور العربية صوتها غريب المهم ركبت وخليت الازاز مفتوح وكل مادوس بنزين صوت عالى كأن الشكمان مخروم ... ايه الحكاية .... كملت شارع الطيران وقلبى وجعنى من الصوت الغريب رحت راكن وبطلت العربية وبفتح الكبوت ....... وعنيكم ماتشوف الا النور ........... الفنى المحترم سايب غطاء الزيت مفتوح وحطه على فبرة الموتور (كويس انه موقعش ) وزيت الموتور غرق الدنيا انا جالى هلع مغولى :drool5: وقلت يادى المصيبة اعمل ايه الموتور راح ولا ايه ... المهم ربنا صبرنى وهديت شوية علشان اعرف اتصرف استنيت حوالى 10 دقائق والعربية ملحقتش تسخن اصلا واستهلكت الوقت فى تصوير العربية بالموبيل علشان كنت ناوى اعمل ميل زى الزفت للشركة الام مرفق فيه الصور , وقست مستوى الزيت ..الحمد لله قرب الرينج الحمد لله ان الفنى الحمار زود زيت بزيادة ... قفلت غطاء الزيت وجففت اللى اقدر عليه من بحيرة الزيت بواسطة الكلينكس ودورت الحمد لله الموتور صوته نعم تانى زى الاول , كان صوته عالى علشان غطاء الزيت كان مفتوح .
رووحت وانا كاره نفسى والعربية والتوكيل ده عمر الميكانيكى العادى ماعمل معيا حركة زى دى
كلمت الكول سنتر وسئلتهم عن اسم مدير مركز الصيانة وادونى اسمه ومواعيد عمله وسئلونى اذا كان عندى مشكلة فقلت لاء انا هكلم مدير الصيانة بكرة فى مواعيد عمله اصرو يعرفو فيه ايه فحكيت لهم فاعتذر بشدة وطلب من ان اتفضل بكرة لفحص العربية فقلتله انا مش فاضى كل شوية اخد اذن من شغلى انا هكلم الراجل بكرة ولما اشوف .
تانى يوم الساعة 9 كنت بكلمهم وعاوز اكلم مدير الصيانة وبعد فترة قالولى هو مش على مكتبه وهو هيكلم حضرتك فى خلال ربع ساعة ...فعلا الراجل كلمنى بعد ربع ساعة وعرفته بنفسى وقلتله لو قتك يسمح اشرحلك الموضوع او الافضل ابعتهولك ميل فقلى اتفضل وكان صبور وسمع كل التفصيل والراجل الحقيقة كان خجلا جدا واعتذرلى بشدة واكثر من مرة وطلب منى ان ارسل له فاكس بكل التفاصيل وهو هيكلمنى بعد ربع ساعة
فعلا بعت له الفاكس ولقيت تليفون بعد نصف ساعة ولقيت مهندس بيعرفنى بنفسه واسم فلان الفلانى مدير الورش والذى اعتذر بشدة واكثر من مرة وابلغنى انهم قامو بفصل الفنى واعطاء جزاء لمهندس الاستقبال بعد تحقيق سريع فقلتله يابش مهندس انا مش هدفى قطع عيش حد او جزاء لاى حد انا عربيتى تعرضت للضرر ولن يفدنى جزاء المهمل مش قضيتى فقلى لاء دى رولز الشركة قلتله على عينى وراسى رولز الشركة المهم عربيتى انا و ان سبب شرائى ليها فى الاساس سمعة الوكيل يطلع الموضوع كده مافيش اى احتراف !!!!... فقلى انا هاجى بنفسى بعربية الصيانة السريعة ونعمل كل اللازم حتى الموتور هنغسله بالفوم و...الخ , بس بعد مواعيد الدوام الرسمية علشان انا مصر اجى بنفسى واطمنك على العربية ولو فيها اى حاجة اوعدك هنديلك عربية لحد مانكشف على العربية ونرجعهلك زى الفل وانا متأكد انها مافيهاش اى حاجة فقلت له طيب وانا مش مقتنع
انتظرت حتى الساعة 8 مساء وجدت مهندس اخر يطلبنى لتحديد مكان يجلى فيه وقلتله العنوان وكان عندى بعدها بنصف ساعة وراكب عربية سيراتو مكتوب عليها كيا سيرفيس وبعد مزيدا من الاعتذارات ان مهندس فلان ارتبط بعمل مهم وانه مكانه... وقام بفتح كبوت العربية ووجد الموتور وكل مكوناته غرقانة بالزيت فقام بفك الفبرة اللى بتغطى الموتور وقام بتجفيف الزيت بواسطة فوطة فأنا اضيقت جدا وقلتله مع احترامى ليك انا كان ممكن اعمل كده مش ده اللى قال عليه المهندس فلان وبعدين الدنيا ضلمة وفين الفوم ...؟ الحقيقة انا مستاء جدا... فقلى الافضل انك تيجى المركز علشان نكشف على العربية ونغسل الموتور صح ..طيب ياجماعة مقلتوش ليه كده من الاول ...مش عاوزين نتعب حضرتك ؟؟؟!!!!
وحددت موعد يوم السبت (امبارح) ورحت الساعة 12 قابلنى مدير مركز الخدمة بمزيدا من الترحاب والاعتذارات واجلسنى فى مكتبه وكان يوم مزدحم بالعملاء وطلب من احد مهندسى الاستقبال ادخال العربية فورا وسئلنى هل فيه اى شكوى تانى بخلاف اللى حصل فقلت لاء وطلبلى نسكافيه واتكلمنا شوية على ان الموضوع اول مرة يحصل ودى اخر مرة ...الخ وان الوكيل عامل مفجاءة ان هينزل سيراتو 2009 بس شكل جديد ومش هى الفورتى وهى دى المفجاءة ... ...الخ
وبعد نصف ساعة قالى تحب تتفرج على العربية فقلتله ياريت دخلت الورشة الرئيسية وكانت العربية مرفوعة على الرافعة وفرجنى على كل حتة فيها وقابلت مدير الورش اللى كلمنى قبل كده ورحب بى وقلى اننا شيكنا على جزء فى الموتور وكل حاجة تمام وطلما لمبة الزيت منورتش فامفيش اى ضرر وعملو فحص بجهاز الاسكانر وغيرولى الزيت وكل ده امام عينى وكنت مستمتع جدا بمستوى الورشة العالى واحترافية الناس هناك بعد ان شكيت فيهم الحقيقة .
ونزلوها من على الرافعة وغسلو الموتور بالفوم ورجع انضف من الاول وقلى مدير مركز الخدمة نقعد فى المكتب علشان الحر على مالعربية تتشفط بالهوفر وتتغسل
وسبنى وبعد نصف ساعة لقيت مهندس بيدينى اذن خروج وقالى دقايق وتقدر تستلم عربيتك يافندم شكرته ولقيت فى الوصل التكلفة زيرو وخرجت علشان استلم العربية لقيت مدير مركز الخدمة بنفسه جاى سايق العربية انا الحقيقة مصدقتش ان ده فى مصر ونزل وادانى المفتاح وقالى انا عملت دبل تشك بنفسى واحنا بنعتذر لحضرتك مرة تانية ولو فيه اى حاجة ماتترددش انك تكلمنى طبعا شكرته جدا على اهتمامه وحسن ادارته للموضوع
والراجل الحقيقة فضل واقف وبيودعنى وانا خارج فله جزيل الشكر.
والنهاردة بعت له فاكس اشكره على جهده وهو الحقيقة راجل يستحق ... والحمد لله الواحد بقى معروف فى ابورواش وكسبنا معرفة هناك...... وفعلا رب ضرة نافعة.
كل سنة وانتم طيبين
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
رقم العضوية : 1375
تاريخ التسجيل : 08Jul2007
المشاركات : 2,957
الحالة :
في الأخر لا يصح إلا الصحيح
مش عيب إننا نغلط ...كل بني أدم خطاء
العيب عدم الأعتراف بالغلط و المكابرة و عدم تحمل مسئولية اصلاحه
بصراحة توكيل محترم و يستاهل التقدير
رقم العضوية : 10752
تاريخ التسجيل : 15May2008
المشاركات : 1,825
النوع : ذكر
الاقامة : Alexandria
السيارة: HYUNDAI Verna 2014 M/T
السيارة[2]: Proton GEN2 A/T 2008
دراجة بخارية: no
الحالة :
استاذ احمد معلش علي الي حصل و الحمد لله علي كدا .....ربنا يبارك لحضرتك و يمنع عنك اي شر ...... و رمضان كريم
Eng.Mo'men Hamdy Fahmy
رقم العضوية : 805
تاريخ التسجيل : 28May2007
المشاركات : 1,608
النوع : ذكر
الاقامة : Cairo
السيارة: Daihatsu Charmant 83 , Kia Rio 2011
السيارة[2]: Suzuki SX4 sedan 2009
دراجة بخارية: لا يوجد
الحالة :
ايه الجمال ده
فعلا حاجه كويسه اوي وتوكيل محترم جدا
بس ماقلتش ايه رايك في الشكل الجديد للسيراتو ؟؟؟
وماعرفتش هتنزل امتى وبكام ؟؟؟
سبحان الله وبحمده ... سبحان الله العظيم
تحياتي ,,,
أحمد مجدي
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
رقم العضوية : 1319
تاريخ التسجيل : 04Jul2007
المشاركات : 1,152
النوع : ذكر
الاقامة : القاهرة الجديدة
السيارة: nooooo
السيارة[2]: هيونداي فيرنا
دراجة بخارية: لا املك
الحالة :
رقم العضوية : 172
تاريخ التسجيل : 25Apr2007
المشاركات : 511
النوع : ذكر
الاقامة : Nasr City - Cairo
السيارة: 127
السيارة[2]: KIA Picanto 2006
دراجة بخارية: لا
الحالة :
أكيد زي ما حضرتك شوفت إن الناس هناك محترمه جدا . بس للأسف قله قليله هناك ممكن يكون ماعندهمشي وعي بالمسؤليه تجاه العميل وناس زي ده بتخلي العميل ياخد إنطباع سئ عن التوكيل عامة.
الغريب في الموضوع إني كنت بعمل صيانة ال 30k بتاعت العربيه عندي يوم السبت اللي فات وكنت هناك الساعه 10:30 ومشيت من هناك على 2 وشوفت كذا عربيه سيراتو دخلت التوكل ( هي عربية حضرتك لونها أيه )
أنا من وجهة نظري في التوكيل ده بالذات . إن أي حاجه تتعمل في العربيه تتعمل في الورشه الأساسيه بتاعتها . ال quick service ده معمول للحاجات السريعه والمفروض مايتعملشي فيها حاجه جامده وكله يبقى فقط visual inspection
بس كويس إنهم خلصوا الموضوع كده وعلى فكره التوكيل ده لسه خارج من مشكلة كبيره ومش من مصلحته أبدا أبدا إن عميل يشتكي منه.
على العموم الحمد لله إن الموضوع عدى على خير وماتكونشي حضرتك لسه متضايق منهم.
أنا الحمد لله عامل لغاية دلوقتي 6 صيانات معاهم وماحصلشي أي مشاكل خالص
بإذن الله مايكونشي فيه أي مشاكل تاني في العربيه .
ويبقى إحكلنا حصل أيه لما تعمل صيانة ال 5k
م/محمد علاء
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
رقم العضوية : 172
تاريخ التسجيل : 25Apr2007
المشاركات : 511
النوع : ذكر
الاقامة : Nasr City - Cairo
السيارة: 127
السيارة[2]: KIA Picanto 2006
دراجة بخارية: لا
الحالة :
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
المفضلات