مثلث التحذير الصيني المحترم ..ضربه لمثلث (عقل) ّمصورّ

**Ahmed Samy** · 22-09-2008 02:16 AM

من فترة ظهرت في الأسواق مثلثات التحذير بشكل كثيف و بجودة متفاوته و أسعار متفاوته بالطبع ...

و الكل عارف انه موسم للمثلثات دي و كان ايجاد مثلث جيد مطابق للمواصفات -او مرضي للسائق على اقل تقدير- و بسعر مناسب عملية شاقة

و ظهر مثلث عقل (انتاج مصانع عقل بالدقهليه) كمثلث مميز و بسعر جيد أيضا و ان كانت جودته شجعت البعض من التجار على رفع سعره الى 60 و 70 بندق* .....

علما بأن سعره في المصنع لا يتجاوز الثلاثين بندق* و كان بـ 14 جنيه قبل صدور القانون مباشرة

المهم ان مصنع عقل تبنى سياسة غريبة و مش غريبة ...اللي عايز مثلثات لازم ياخد بضاعة بـ 5000 بندق من البضائع الأخرى (طاسات فوانيس فانلات شرابات) اي حاجة من منتجاته ... و العدد لا يتجاوز 10 مثلثات في الطلبية الواحدة !!!!!!!!!!!!!!!!!!!!!!!!!!!!!!

و ده طبعا أثر على سعر المثلث و و لم يؤثر على توزيعه لأن الانتاج أقل من الطلب ...

المهم ...النهاردة جالي تليفون من واحد قريبي بتاع كماليات و قاللي تعالى بلا عقل بلا بتاع

روحت بعد الصلاة و لا قيت مثلث صيني ...نسخة طبق الأصل من مثلث عقل
العاكس الجيد ..الوزن المناسب 800 جرام الخامات الجيدة و ان كانت خامة عقل أفضل حاجة بسيطة جدا يعني الفرق لا يلاحظ حتى ...

ودي الصور ...و السعر في الأخر

ده و هو متطبق

ده وشه و لا حظو العاكس

ده ظهره برضه احتياطي

ودي قوايمه ..معدن محمل و رجل بلاستيك

السعر أنا خدته بأربعين جنيه من قريبي ده
بس لو في حد عنده طاقه ممكن يكلم المستورد و يتفق للأعضاء على عدد حسب الطلب و أكيد هاناخد خصم كويس

و دي بيانات المستورد

شوفوا بقى حد من الشباب ينزل التوفيقية و يشوف القصة دي
و الله من وراء القصد

**NaderNabil** · 22-09-2008 02:26 AM

مشكور علي المجهود:)

و على فكرة المثلث ده موجود في كارفور ب 45 جنيه....و فعلا خامته كويسة بس من غير علبة

**Ahmed Samy** · 22-09-2008 02:31 AM

ده بعلبة يا نادر و معقوله هي خفيفة شوية بس علبة و ليها غطا

و محفور عليها Made For Egypt

**bee** · 22-09-2008 02:40 AM

والله مش بعيد مدير المرور الجديد ييجي صيني عشان يبقى من دقنه وفتيلو :)
شكرا على المعلومة
انا معايا المثلث من قبل القانون كنت جايبة من بنك الاسكان بــ 25 جنيه :)

**Dr Ahmed** · 22-09-2008 03:00 AM

عقل حب يصطاد فى الميه العكرة
التاجر الصينى صعب يتغلب بالذات مع نظريات عقل

**theking2690** · 22-09-2008 03:32 AM

انا شفت المثلث ده كتيييييييييييييييييييييير فى التوفيقيه و تقريبا كان ب 65 و هحاول بإذن الله انزل التوفيقيه و اوصل للراجل المستورد ده و اعرفلكوا ايه الحوار بس المفروض نحدد الكميه تقريبا هتكون كام علشان نعرف هنتكلم معاه على اساس ايه

**Ahmed Samy** · 22-09-2008 03:54 AM

كويس لاقينا متطوع

يبقى اللي عايز يقول هنا و نجمع نفسنا و نتوكل على الله

انا ممكن أحتاج تلاته أو أربعه لعربيات اخواتي

**theking2690** · 22-09-2008 04:03 AM

انا عن نفسى هحتاج 3 وممكن كل واحد يقول محتاج قد ايه و بعدين نروح نتكلم مع الراجل وممكن نلم الفلوس بنفس الطريقه اللى لمينا بيها فلوس الفطار بتاع رمضان ايه رأيكوا وممكن نبقى نعمل نفس الموضوع فى شنطة الاسعافات الاوليه بس لما يرسوا على شنطه و يوافقوا عليها