تجربه ايجار سيارة للمرة التانيه من Europcar

**محمد عز** · 06-10-2008 09:19 AM

السلام عليكم ورحمة الله وبركاته
كل سنة وانتم طيبين يا شباب نايل موتورز
كنت متوقف عن الدخول للمنتدى من يوم 23 رمضان وده تاريخ بدايه اجازتى لان مكنش فيه امكانيه الدخول للانترنت فى المكان اللى كنت فيه وبالاضافه طبعا لضيق الوقت ان الواحد يروح سايبر

طبعا لفت نظرى ان المنتدى طرا عليه بعض التغييرات زى التصنيف الجديد للاعضاء وبعض التحسينات وده شىء ظريف

علشان مطولش عليكوا انا هحكى تجربتى التانيه لايجار عربيه من يورب كار للمرة التانيه وتقدروا تقروا المرة الاولى من اللينك ده

https://www.nilemotors.net/Nile/28919-europcar.html

طبعا كنت حاجز الرينو كليو الاتوماتيك (على قد فلوسي) من حسن حظي ان الكليو مش موجودة وعملولى Upgrad للميجان بنفس التمن من غير اى تغيير
طبعا كنت سعيد جدا ونفس المعاملة المحترمة والحمد لله مافيش اى مشاكل
مافيش شيكات
مافيش ضحك على العميل
بتبقى مطمن وانت بتتعامل معاهم (ناس فى قمة الذوق والاحترام)

الحقيقة انا كنت مبسوط جدا لان انا بحب الميجان جدا وعربيه محترمة وشيك وربنا يبارك لاصحابها فيها والحقيقة بعد ما سقت الميجان ايقنت ان فرق كبير بين العربيات اليابانى والعربيات الاوربي لصالح الاوربي طبعا

بس كان يعيب الميجان الاتوماتيك ان السحب مكنش قوى (لكن كان كويس)

طبعا كان نفسي يبقى فيه مقابله علشان اقابلكوا بس للاسف المقابله تمت قبل ما انزل مصر يمكن الاجازة الجايه نتقابل ان شاء الله

طبعا نفس احكيليكوا انا عملت ايه فى الاجازة بس حاسس انه هيبقى موضوع اجتماعى شخصي مينفعش احكيه هنا

ودمتم سالمين

**محمد عز** · 06-10-2008 02:51 PM

45 واحد يامؤمنين شاف الموضوع محدش هان عليه يقولى حمد لله على السلامه

**Nour_Peugeot** · 06-10-2008 02:57 PM

انا اول واحد هيقولك حمد الله علي السلامة يا باشا و ان شاء الله نشوفك في الاجازة القادمة

و السيارات الاوروبي اتطورت جدا وضربت الياباني في حجات كتير

**beautiful0mind** · 06-10-2008 03:00 PM

انا اول مرة اعرف انى فى ايجار منغير القلق اللى بيعيشوك فى وصل امانه وحبس لو حصل حاجه واكلام اللى عرفينه (اللى يخليك تعمل حدثه من كتر القلق اللى تبقى عايش فى ) بس عايز اسأل حضرتك كام سؤال

ايجار السيارات دى بالموده ولا عادى عدد الايام

وتعاملهم كله بالعملات الاجنبية ولا معترفين بالعمله المصرية

وممكن حضرتك تكتبلى عنونهم بعد اذنك عشان ارحلهم على طول

ولك كل الشكر

**محمد عز** · 06-10-2008 03:20 PM

ايجار السيارات دى بالموده ولا عادى عدد الايام

وتعاملهم كله بالعملات الاجنبية ولا معترفين بالعمله المصرية

وممكن حضرتك تكتبلى عنونهم بعد اذنك عشان ارحلهم على طول

ممكن تاجر العربيه يوم واحد
وتعاملهم بالجنيه المصري
وده الموقع بتاعهم
http://europcar-middleeast.com/index...FQTnlAod3n4mEQ

وده رقم تليفونهم 22671815

**محمد عز** · 06-10-2008 03:20 PM

انا اول واحد هيقولك حمد الله علي السلامة يا باشا و ان شاء الله نشوفك في الاجازة القادمة

و السيارات الاوروبي اتطورت جدا وضربت الياباني في حجات كتير

الله يسلمك ياحبيب قلبي وان شاء الله نتقابل قريب

**beautiful0mind** · 06-10-2008 03:28 PM

اية السرعة دى والله فجأتنى

واسف اصل لمفجأه شدتنى شوية

حمدلله على السلامة ويارب الاجازة كانت سعيده

وقبال بقيه الاجازات

**sherif_m72** · 06-10-2008 10:54 PM

الف حمد الله على السلامه ونورت بيتك وبلدك
وياريت تعذر باقى الاعضاء على انهم نسوا وده ممكن يكون بسبب انهم اتشدوا لموضوع التجربه
بس اكيد احنا كلنا ومن كل قلوبنا بنقولك حمدلله على السلامه يا استاذ محمد