السيارة نوبل

[filledenile]

حد ياجماعة سمع عن العربية الصينى الجديدة اللى اسمها نوبل ياريت لوحد سمع عنها حاجة يقولى لانى عايزة اشتريها

[Hacker5]

لو عايز صينى هاتى اسبيرانزا A113 لكن النوبل دى اللى شبه علبة الصلصة لا

عربية صغيرة جدا و موتور ضعيف و خامات زاى الزفت لاو و بـ 51000 :)
زودى الف كمان و هاتى الاسبيرانزا

عشان وليد توفيق بيستهبل خاليهاله بقى هوا يركبها :)

[elassar2010]

Hacker5انا بتفق معاك لية تشترى عربية محدش يعرف عنها وتسيبى عربية فى كل شارعتلاقيها؟؟؟؟؟؟؟؟؟

[mhaaew]

I saw one of it burned (mewala3a) in fornt of ashraf far3'ali genina mall it was totaled

[hetlar4u]

علبه الصلصله دي نفس تصميم المرسيدس سمارت
وكمان فيها كنبه ورا يعني بتشيل اربع افراد
وفى منها نسخ سقف بانوراما
باي حال هيا العربيه جميله
وانا كنت ناوي اجيبها
بس قابلت واحد مشتريها
وقلتله لو عطل فيها حاجه بتجيب قطع غيارها منين
قالى معرفش :)

[tornadooflove]

السلام عليكم و رحمه الله و بركاته انا احب كاواحد من ملاك المقلب اللي اسمه الكتكوته اني احذر كل الناس من العربيه دي كفايه المقلب اللي اخدته فيها و بندم على اليوم اللي جبته فيها و عايز ابيعها و غلطتي اني جبت العربيه بعد ما نزلت بيوم واحد و مصبرتش فا لازم تعرفوا و لازم يظهر قانون حمايه المستهلك هنا و المقاله ددي لازم تتنشر في الجرائدو الناس كلها لازم تعرف
العيوب:
1 .العفشه ناشفه جدا جدا جدا و بتحس بكل المطبات اللي في الدنيا في ظهرك
2. بربط عافشه كل شهر و العربيه عندي بقالها 3 شهور.
3.الزجاج لو مش مفتوح نصفه تسمع صوت رجه و تخبيط فيه و انت ماشي
4.اللمبه بتاعت الصالون و دي حاجه مشهوره قوي في العربيه دي مفتاحه زي فانوس رمضان اتكسر من اول يوم في كل العربيات و الحل تفك الغطاء و تولع النور و تطفيه و تركب الغطاء
5.حاجه مهمه جدا الفتيس ناشف جدا و بيشحر في النقلات و مبيشبكش الغيرات بسرعه.
6.دواسة البنزين تقيله و الدبرياج و الفرامل واطين جدا مشوار علشان يلقوتو.
7.ال abs مقلب كبير و اي كلام جدا بجد و الله و ابرز العيوب لماشتري العربيه تلاقي لمبة الايه بي اس منوره و تروح لهم ياما يعيدو برمجتها يأما يغيروهازي مغيروهالي و برضوا ولا ليها لازمه
8.الفرامل بتصفر من اول 500 كيلو و يقولولك دي خامه فرامل علشان شالو الاسبستوس منها و حتى لو غيرتهولك حيصفر بعد يومين و ده بالاضافه ان لو انت ماشي على عشرين تلاقي العربيه بتصفرزي العصفوره حقيقي كتكوته تخيل عربيه جديده ماشي بتصفر منك فضيححححححححححححححه.
9.البواب عايزه عافيه معاها علشان القفل.
10.الكاسيت سماعاته صغيره جدا و واطيه جدا و الله العظيم علشان اسمع اي اغنيه لازم اقفل الزجاج علشان اسمعها.
11.الشمسيات ملهاش لازمه خالص صغيره و مابتلفش
12 الراديو ضعيف و انا ساكن في الرحاب مبيلقطش نجوم اف ام و العادي في المدينه مشوشه كانك قافل الانتنا اللي هي اساسا ثابته.
13.و طبعا العربيه غير عمليه في الشيل هما اربعه مزنوقين من غير عفش و مع تقديم الكراسي اللي قدام شويه علشان اللي ورا يقعودو كويس و برضوا مزنوقين.
14. ريشه المكيف الوسطيه مبتثبتش تضبطها عليك و تمشي شويه تلاقيها نزلت لوحدها.
و العيوب اللي زياده عندي انا :
1.صوت زي صوت الكوبلن عند اللف ناحيه اليسار و روحتلهم كذا مره اسمعهالهم سعات يظهر و ساعات لا و قالولي العربيه زي الفل اقولهم اشمعنا في اليمين و الشمال لا يقولولي مفيش حاجه في العربيه بجد انا قرفت.
2.الكاسيت بكره التعليه و التوطيه تبقى ماشي تلاقيها بتعلي لوحدها.
اما المميزات :
1. الماتور حلو بصراحه و هو ماتور سوزوكي التو 1100 سي سي 68 حصان.
2. استهلاك البنزين كويس يعني التفويله ال40 لتر تعمل 500 كيلو بس مش زي ما هما قايلين.
3.الحجم كويس قوي في الركن و التخليص في الزحام.
4.ميزه و عيب شكلها حلو بصراحه و الناس بتتفرج عليها و تسالك في كل مكان و ده يشمل الحاسدين برضوا.
لو حد عايز يستفسر على حاجه مني يسالني شخصيا
اسم الضحيه المسكين/ طاهر يحيى سعد الدين

[mahamedaraby]

ده بجد ربنا يعينك والله ويصبرك على اللى انت فيه

شوف والله لو عرفت تبعها بيعها عالطول

[sa3dawy]

انا ركبت العربية فى معرض عجبتنى جدا جدا .... كنت فاكرها المانى بقا وفرحان وقاعد اقول بص الخامات عاملة ازاى ... المانى بردة :d
اول ما الراجل قالى دى صينى دخلت تانى وقولت اية القرف دا .. دا منظر خامات ولا شكل ؟
الموضوع ايحاء نفسى اظاهر بقا :d
المهم انا شايف انها عربية زبالة ومتستهالش امتر من 30 الف وكتير كمان

[ouba2]

بلاش وهات كيا بيكانتو احسن بكتيييير

[carfreak]

the car that you saw wasn't noble, it was a smart for two
I know because I saw it too :)