صيانة ال 20 الف للسريون

[معاذ الشرباصى]

السلام عليكم و رحمة الله و بركاته

يوم الاثنين 10 نوفمبر عملت الحمد لله صيانة ال 20 الف للعربية

تكاليف الصيانة كالاتى:

262.5 عمالة
165.32 فلتر هواء
10 تشحيمات
ضريبة 43.78

الجمالى: 481.5 جنيه

العربية اتعمل فيها تقريبا نفس اللى اتعمل فى صيانة ال 10 الاف:

عمل rotation للعجل
ظبط الفرامل سواء الامامية و الخلفية
check على الزيوت و المياه, زيت المحرك و زيت الفتيس
تربيط العفشة

كان فى عندى كذا ملاحظة على العربية:
1- فى صوت تزييق من الناحية اليمين
2- لما ركبت المراية اليمين, كان فى صوت فى الباب كأن اللى ركبها نسى حاجة مش متركبة صح, او ملخلخة, فكانت فى بعض الاحايان بتعمل صوت

موضوع الصوت اللى فى الباب اتعمل, لكن صوت التزييق من الناحية اليمين للأسف مازال موجود, مع ان اللى جرب العربية قبل التسليم أكد انه اتعمل

خليت م/تامر فى الاستقبال يجربها معايا و فعلا سمع الوصت, لكن للأسف كانت الناس مشيت, بكده هتتأجل للمرة الجاية

---------------------------------------------------

بالنسبة للاخبار هناك:

1- م/محمد عبدالصمد قالى ان المكونات الخاصة بالتعديل متوقع توصل اول اسبوع من ديسمبر, لأنها اتشحنت من هناك خلاص

2- الموضوع اللى ذكره م/احمد (amfci106) فعلا فارق فى الوقت, و العربيات بتخلص بسرعة

3- بالنسبة لموضوع الفترة المسائية لسه الرؤية مش واضحة اوى, يعنى هما عاوزين يطبقوها, بس علشان تتطبق صح هتاخد وقت, و بكده الفترة الزمنية ما بين تطبيقها و افتتاح ابور وراش هتقى قليلة جدا

4- لازال فى تأكيد ان ابو رواش هيتم افتتاحه فى شهر مارس 2008

5- ال Call Center قريب اوى هيتلغى معاهم العقد, لأنهم بيفتوا كتير على العملاء, و بيتسببوا فى مشاكل.
يعنى على الاقل معايا كانوا مأكدين عليا ان الصيانة 422 بالضريبة و كل حاجة, و ده طلغ غلط, بس الحمد لله كنت عامل حسابى

---------------------------------------------------------

كنت عاوز كمان اصلح معلومة سابقى كنت كتبتها فى الموضوع ده:
سؤال عن صيانة ال 10 الاف

الانسة فى ال call center الخاصة بقطع الغيار افتت لى و قالت ان البوجيهات الاربعة تمنهم 104 جنيه تقريبا

اتضح ان ده تمن البوجيه الواحد, لأن التوكيل بيغير البوجيهات , بالبوجيهات الايريديوم و دول فعلا تمنهم 400+ جنيه (مش فاكر الرقم بالظبط)

انا اتكلمت مع م/احمد ان البوجيهات دى المفروض بتتغير كل 100 الف كم, قالى احنا بننصح تتغير كل 40 الف, بسبب رداءة نوع البنزين فى مصر, و بالنسبة للموضوع ده, مفيش اجبار, يعنى لو العميل عاوز يقعدهم اكتر مفيش مشاكل, بس ساعتها بيبقى الفيصل حالة البوجيهات

بالنسبة لموضوع السماعات الخاصة ب" askoda" : قالى ان السماعات الخلفية لها فيشة تتركب فيها سماعات مباشرة, فلو السماعات دى بتركب فى الفيشة مباشرة, يبقى ساعتها مفهاش مشكلة. على العموم ممكن تاخدهم معاك المرة الجاية و تشوف

[أبو عبدالله]

مبارك عليك يا معاذ
وربنا يباركلك فيها ان شاء الله

[aliabutaleb]

أنتم السابقون ونحن اللاحقون يا دوك :)

[Islam_galal]

ربنا يباركلك فيها
20000 بسرعه كده

[Sharky]

ربنا يبارك لك يا معاذ فى السيريون
و شكرا على المعلومات

[M.Elhamy]

أنا عايز أوضح حاجة البوجيهات الايريديوم ب-١٣٠ جنيه

طبعاً ٤٠٠ جنيه دي سرقة

[Sharky]

أنا عايز أوضح حاجة البوجيهات الايريديوم ب-١٣٠ جنيه

طبعاً ٤٠٠ جنيه دي سرقة

فعلا على ما أذكر إن كريم منير كان جايبهم فى حدود 120 جم

[MoToRiZeR]

فعلا على ما أذكر إن كريم منير كان جايبهم فى حدود 120 جم

الأربعة ؟!

عموماَ وارد .. انا ركبت إنذار في السيريون ب 550 باين و ركبته هوا هوا في الكليو ب 150

[Sharky]

معلش يا جماعة انا أسف
كريم كان جايبهم بـ 290 جم و دا تويوتا الاصلى
و كان فيه NGK بـ 170 جم

و دا لينك الموضوع
http://www.nilemotors.net/Nile/showt...CC%ED%E5%C7%CA

[M.Elhamy]

الأربعة ؟!

عموماَ وارد .. انا ركبت إنذار في السيريون ب 550 باين و ركبته هوا هوا في الكليو ب 150

طبعاً الطقم


نصيحة : مش كل حاجة تتعمل في التوكيل أو تتجاب منه