أنا فرشت عربيتي وروحت Options شوفوا كده إيه رأيكوا

[Jato.33]

أنا خلصت فرش عربيتي وعايز رأيكوا فيها

















الفرش كلفني 700 جنية بالأبواب بعد الفصال نزلت 50 جنية بس

بالنسبة لمشوار Options
أنا روحت عادي جداً إمبارح الساعة 6 كده
لاقيت محمد صاحب المحل
المهم سلام عليكوا وعليكم السلام
سألت الأول على الإستيكر
قالي الإستيكر خلص
طيب والخصم
أنا مليش دعوة يا عم أنا كنت جاهز إنتوا إلي معندكوش الإستيكر
قالي أنا تحت أمرك المشكلة فعلاً مش مشكلتك (المشكلة مشكلة المنتدى بس ده بيني وبينك) متقولوش لكريم منير بأه
طيب عايز أركب إنذار وسنتر وإزاز كهرباء في البابين قدام ومعايا المكن قالي مفيش مشاكل يركبوا علطول
خلصت الساعة 11.30 مساءاً
ركبت سنتر ولف شكله الريموت بتاعه شيك أوي
ومركبتش الإزاز للأسف طلع في مشكلة في المكن ولازم يتعدلوا فقررت إني أغيرهم
وأخدت المساحات الجديدة
وركبيت لمبة بتدي لون أبيض في الصالون خطيرة عشان الفرش الجديد
وكمان لمض بيضاء في الفوانيس أدام
وحروف كتبت بيها إسمي في المنتدى على العربية من ورا شكلهم حلو أوي بس متلزقوش كويس يا ريتني كنت ركبتهم بنفسي أنا لحقتهم في الأخر ركبت حرفين بس الباقي مش راكب حلو أوي بس شكلهم شيك وبكرة أشوف حل ليهم إن شاء الله

الإنطباع النهائي
محمد صاحب المحل إنسان محترم وذوق أوي وإبن ناس ومؤدب بصراحة يناسب الغلابة إلي زيي لا بيلف ولا بيشتغلك ولا بيتنك ولا الكلام بتاع البياعين ده
فاهم والواد إلي معاه شاطر بس طبعاً لازم تقف على إيده يعني تقفيل كويس وبينسى لازم تفكره بس عموماً فاهم
الأسعار حلوة كلفتني العربية 445 جنية بالتركيب طبعاً لكل حاجة

نصيحة إشتري من محمد الحاجات التقيلة لكن الرفايع الصغيرة لأ بتبقى غالية شوية لكن الكلام الكبير أسعاره كويسة
إن شاء الله ناوي أركب عنده الكاسيت والسماعات بعد ما أستقر عليها من قسم الصوتيات في المنتدى بس عايز المرة دية ألاقي الإستيكر عشان أنا بحب المنتدى ده وكان نفسي أعمل واجب بس تتعوض إن شاء الله

[Jato.33]

[ehabbasha30]

العربية دى سوزوكى سويفت ... صح؟
الشغل تمام و100 100
الف مبروك يا ريس
بس عندى راى
لو كان كلة بيج كان يبقى افضل فى رايى وكان هيليق على لون العربية
والناس ازواق
بس ربنا يباركلك

[Islam Amer]

الف مبروك يامان علي الاكسسورات الجميله ال حضرتك

[Nour_Peugeot]

مبرووووك عليك يا باشا صور الفرش حلوه جدا ربنا يبركلك فيها و يكفيك شرها

[Jato.33]

الله يبارك فيكوا يا رجالة
ربنا يكرمكوا متشكرين
العربية سوزوكي سويفت 93 بس أنا مصورتهاش من بره عشان هيا مبهدلة شوية من بره وأنا مش عايز أرشها عشان فابريكة بس أساسي بعد الجنوط لازم أصورهالكوا إن شاء الله
يمكن بعض الناس تحس إن البيج مع الأحمر فاقعين أوي بس على فكرة فاجرين مع بعض ما شاء الله وخصوصاً إن البيج ده فاتح يعني لو كلها بيج كان هيقرفني زيادة في النظافة وكده وشكل الكراسي مش هيظهر أوي وبرده الناس أذواق

[Mohamed_Ibiza]

الف مبروك يا معلم شغل هايل

ربنا يباركلك فيها ويكفيك شرها

[amr123]

حلو قوى مشاء الله ...الى اخلى من اللون انى حاسس ان متلبس فى الكرسي تمام زى الفابريكة

ياريت حضرتك تقولنا عملتو فين ...و ده تفصيل طبعا مش كده

و شكراااااااااااااااااااااا اااا

[Mahmoud_405]

جميل ماشاء الله ....بس الفرش ده من عند مين؟؟؟؟

[Jato.33]

ربنا يخليكوا تسلموا يا رجالة
الشغل ده عند واحد إسمه الأسطى محسن في منطقة الضاهر عند كوبري غمرة كده
وبصراحة أنا كنت قلقان أعمل عنده وكنت هروح لدوس بس لاقيت شغله على عربية كويس وكمان رشحولي السمكري بتاعي وهوا راجل أمين وخليته فصلهولي والحمد لله عملوا مظبوط وهيبان بعد كده على الخامة بتاعته إن شاء الله إذا كانت رخيصة بس الناس شكرتلي فيها كتير الحمد لله