| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 59

  1. #1

    الصورة الرمزية abo samra

    رقم العضوية : 9028

    تاريخ التسجيل : 16Apr2008

    المشاركات : 1,223

    النوع : ذكر

    الاقامة : cairo

    السيارة: VW

    السيارة[2]: BMW

    دراجة بخارية: ء

    الحالة : abo samra غير متواجد حالياً

    افتراضي تقييم الكورولا 2008 بعد 10000كم من القياده - Facebook Twitter whatsapp انشر الموضوع فى :

    hasad">

    والان وبعد مرور 100 يوم من شراء الكورولا 2008 professional عملت فيه 10000 كم اليكم تقييمى للسياره
    اولا:الشكل
    طبعا الشكل وجهات نظر ولولا اختلاف الازواق لبارت السلع وانا عن نفسى اول ما شفت الكورولا الجديده ما مكانتش عاجبنى تصميم الفوانيس الخلفيه ولكن بعد ما شفتها على ارض الواقع عجبنى تصميمها وخصوصا من قدام والفوانيس المسحوبه زى الكامرى والعربيه ليها وقار وهيبه تدل على انها عربيه محترمه
    تقييمى للشكل 8 من 10

    ثانيا الكماليات

    طبعا انا معايا البروفيشنال ودى فيها تكييف بكر عادى وكاسيت سى دى mp3 وطاره مالتى فانكشن للتحكم فى وظائف الكاسيت والسى دى من الطاره وطبعا العدادات فيها شاشه لبيان معدل استهلاك البنزين والمسافه التى يمكن قطعها بالنسبه للوقود المتبقى فى المتوسط ودرجة الحراره والساعه وطبعا الفرامل abs كتجهيز اساسى و 4 سماعات وكاوتش مقاس 205/55/16 بجنوط عاديه والفتيس وعجلة القياده مغطاه بالجلد الطبيعى وعدد 2 وسائد هوائيه وعتلات مثبته فى الدريكسيون لتغيير السرعات والنقلات
    بالنسبه للادفانسيد
    فيها جنوط سبور 16 وزينون وبخاخات ومثبت سرعه وعدادات اوبيتريون بشاشه معلومات وتكييف تاتش و 4 وسائد هوائيه و 6 سماعات
    بالنسبه لصوت الكاسيت صوته نقى وممتاز ولكنه عيبه انه صوته مش عالى قوى وده يمكن لانه 4 سماعات بس انما فى الادفانسيد 6 سماعات طبعا السى دى mp3 وده مش موجود فى الخليجى
    طبعا العربيه مصفحه بالكامل من تحت بس لما بصيت عليها من تحت لقيتها اوطى من الخليجى بسبب التصفيح بس العربيه ما شاء الله مش بتحك فى المطبات
    تقييمى للكماليات فى الادفانسيد 8.5 من 10 (لعدم وجود فتحة سقف واسبويلر )


    ثالثا :الموتور والسرعه

    العربيه طبعا فيها الموتور الجديد dual vvti وده احدث تكنولوجى من vvti العادى وميزته ان الموتور اهدى واستهلاك البنزين افضل والموتور اقوى طبعا 124 حصانا وعزم 157 نيوتن.متر انما الخليجى 106 حصانا وعزم 145 نيوتن.متر
    الموتور ميزته انه مغطى بالكامل ومفيش سلوك باينه وده بيدى فخامه لشكل الموتور وبيفكرنا بالاوكتافيا a5
    وافضل ما فيه انك مش هتسمع صوت الموتور اطلاقا لو العربيه واقفه ودايره يعنى مش هتعرف تحدد الموتور شغال ولا لا
    بالنسبه للتسارع ان حسبته ولقيته كالتالى
    من صفر الى 100 كم 10 ثوانى
    من صفر الى 120 كم 13 ثانيه
    من صفر الى 160 كم 25 ثانيه
    من صفر الى 180كم 34 ثانيه

    العربيه سرعتها القصوى تتراوح بين 210 و 215 كم حسب ظروف الطريق وفى حالة لو الهواء مقابلك جامد مش هتعدى 200 ودى ارقام ممتازه لعربيه 1600 سى سى
    العربيه طبعا موتورها ممتاز جدا وافضل ما فيه التسارع على السرعات العاليه بعد 140 مفيش اى عربيه 1600 سى سى هتقدر تسبقك ولكن على السرعات المنخفضه فيه عربيات خفيفه ممكن تسبق
    تقييمى للموتور 9.5 من 10


    رابعا :الثبات ونظام التعليق



    طبعا الجديد فى الكورولا 2008 ان ثباتها اصبح افضل بكثير قوى من كورولا 2007 والعربيه بصراحه ما شاء الله ممتازه قوى على الطريق وبتديك احساس بالامان والتحكم الكامل حتى لو ماشى على 180 كم وطبعا لو قارنا الكرولا 2008 ب 2007 فى الثبات هنلاقى الفرق كبير قوى لان العربيه ذادت فى الوزن حوالى 200 كجم والكاوتش بقا 16 بدلا من 14 والعرض 205 بدلا من 185
    وتم تغيير نظام التعليق بالكامل والعربيه اصبحت اعرض واوطى من 2007
    بالنسبه للراحه على المطبات .....افضل ما فى نظام التعليق انه جمع بيت الراحه والثبات يعنى العربيه مريحه على المطبات وفى نفس الوقت فيها ثبات كافى لمنح الثقه والامان لدى السائق وللامانه عفشتها انشف شويه من كورولا 2007 ولكن طبعا ده من اجل الثبات ولكن مجملا العربيه مريحه جدا بالمقارنه بالعربيات اللى فى نفس الفئه
    تقييمى للثبات ونظام التعليق 9 من 10


    خامسا العزل داخل المقصوره


    العربيه عزلها اكيد افضل من كورولا 2007 وقفلة الباب المميزه جدا فى الكورولا 2008 بتديك احساس بمدى العزل الجامد وبصراحه العربيه عزلها جميل جدا وبتحس لما تقفل الزجاج كانك انعزلت على العربيات والعالم اللى خارج السياره واللى بيضيف احساس بالهدوء هو المحرك الهادىء جدا فى السرعات العاديه وفى الشد صوته ناعم جدا ومحبب ومش مزعج وحتى الكاوتش من نوع ميشلان الالمانى ملهوش اى صوت على الطريق وكل ده بيعمل هدوء داخل الكابينه والعزل فى الكورولا 2008 من اكثر الاشياء المميزه فى السياره
    تقييمى للعزل 9.5 من 10


    سادسا :الخامات الداخليه والتقفيل
    بصراحه شديده ان شايف ان الخامات معقول والتقفيل جيد جدا ورايىء بعد ما سمعت بعض الناس بتقول الخامات سيئه المعاينه على الواقع
    تقييمى للخامات والتقفيل 8.5 من 10


    سابعا: المقصوره الداخليه والعملانيه

    العربيه من الداخل واسعه جدا وتقريبا نفس وسع الكرولا 2007 ولكنها اعرض من الداخل وبها حاملات اكواب فى الامام والخلف ومكان لحفظ النظاره او الاوراق المهمه والرخص والمراءه اللى فى الشماسه عند فتحها يتم فتح اللمبه الصغيره اللى معها وتغلق اوتوماتيكيا عند علق المراءه ودرجان للتخزين امام الراكب الامامى مش درج واحد والشنطه واسعه جدا جدا جدا جدا
    تقييمى للمقصوره والعملانيه 9.5 من 10


    ثامنا : استهلاك البنزين


    طبعا شركة تويوتا مشهوره بتوفير استهلاك البنزين فى سيارتها ولم تشذ الكرولا عن القاعده لان فيها تكنولوجيا موتور احدث من القديمه فتوفيرها للبنزين اصبح افضل من الكورولا القديمه كمان
    على سرعة 100كم بيبقى معدل استهلاك البنزين 5.9 لتر لكل 100 يعنى حوالى 350 كم فى الصفيحه وده معدل ممتاز لسياره 1600 ولكن المعدل ده بيتغير طبقا لاختلاف السرعات ونوعية البنزين وظروف الطريق انا بحط 92 علطول وطبعا اللى يهمه استهلاك البنزين انصحه يشترى الكوكو لانها ممتازه فى النقطه دى



    تاسعا :الفتيس mmt(multi mode transmission)

    هتكلم هنا عن الفتيس وهحاول بقدر الامكان اقول كل اللى اقدر اقوله فى النقطه دى لان حصل شكاوى كتير فى الاول من الفتيس بمجرد نزول السياره
    اسباب الشكوى:
    طبعا الناس اشترت السياره وركبوها وفاجاه لقوا العربيه تسارعها بطىء جدا وعند النقل بين الغيارات بيحدث تاخر فى الاستجابه للنقل للحاره اللى بعدها طبعا ده راجع لان اللى اشتروها مكنوش فاهمين نظام الفتيس كويس وكيفية التعامل معاه
    بصراحه انا لو كنت من اللى اشتروا العربيه فى الاول كنت هفتكر عندى خلل فى العربيه وكنت هروح التوكيل علطول
    طب سؤال: اهل الفتيس كدا فيه مشكله وشركة تويوتا بتنصب علينا فى مصر؟
    الاجابه :اكيد لا ولكن الفتيس به تكنولوجيا مختلفه يجب فهمها اولا عند التعامل مع السياره
    الفتيس مبنى فكرة عمله على فتيس مانيوال ولكن بدون دبرياج ولكن يتم نقل من خلال كلتشات مبرمجه مثبته بالمحرك وهو نفس فكرة عمل الايزى ترونيك

    الفتيس يحتوى على 3 انظمه

    1- E
    وده النظام الاقتصادى الذى بوفر البنزين وده اللى الناس كانت بتستخدمه واشتكوا من ان السحب بطىء طبعا النظام مبرمج ان العربيه تنقل بسرعه وانت ماشى بطىء حتى يكون الموتور مستريح قوى وعدد لفاته قليل فيوفر بنزين جامد ده معناه انك تبقى ماشى على 50 والعربيه على الرابع تضغط بنزين علشان تزود السرعه تلاقى السحب بطىء جدا وهنا مصدر الشكوى وعلى فكره النظام ده مبرمج انه ينقل براحه بين النقلات يعنى بيتاخر شويه فى النقل (بياخد راحته يعنى عند النقل علشا ن كدا الناس قالت فيه نتشته ولكنها مش نتشته هى مجرد تاخر فى النقل)
    عن نفسى لا افضل النظام ده لانه بالرغم من توفيره للبنزين الا انه بطىء فى السحب والنقل
    تقييمى للنظام 7 من 10(لميزته فى توفير البنزين)

    2- ES
    وده نظام القياده الرياضيه العربيه مش بتنقل بدرى بتنقل عند لفات موتور عالى واكيد السحب افضل بكتير عير ان النقل بين الحارات اسرع بكتير وعلى فكره النظام ده مبرمج على حسب نوعية قيادتك ولكن برضه ممكن تغير فى البرمجه من خلال عتلات التغيير للنقلات فى الدريكسيون التى تتيح النقل لسرعه او حاره اعلى او اقل وده طبعا اللى هيجرب النظام ده مش هيلاقى اى شكاوى اللى الناس قالت عليها كلها فى نظام E وانا شخصيا بفضل النظام ده ومش بستخدم E الا نادرا

    تقييمى للنظام 9 من 10


    3 - M
    وده نظام المانيوال وده يتيح للسائق الاستفاده القصوى من اماكنيات الموتور واستغلال كل طاقته وكانك بتسوق سياره مانيوال بالظبط من خلال سحب الفتيس ناحيتك على M وتغير النقلات من خلال PADDLE SHAFT او من خلال + او_ اللى فى الفتيس
    تقييمى للنظام 10 من 10

    عيوب الفتيسMMT

    1- اشتكى البعض من ان العربيه احيانا تديها E وتلاقى صوت الموتور على قوى وما نقلتش على التانى طبعا ده عمره ما حصل عندى ولكن ظهرت عند صديق لى وبعض الناس فى اوربا اشتكوا منها فى تويوتا اوريس اللى نازله بنفس الفتيس من 2003 طبعا الحل تضغط ضغطه + لعتلات التغيير اللى فى الدريكسيون هتلاقى العربيه نقلت للتانى وتفسير الاوربيين لعدم النقل الى التانى فى E هو ان اثناء صعود المرتفعات يتم تحويل النظام الى مانيوال للحصول على عزم اكبر وراحة اكبر للموتور

    2- احيانا العربيه لما تيجى ترجع للخلف تستنى 3 ثوانى وبعدين ترجع واعتقد سبب المشكله دى ان العربيه بتكون ماشيه لقدام فاجاه لما تقف وترجع علطول يحصل تاخر فى الاستجابه للرجوع للمحافظه على الفتيس

    مميزات الفتيس MMT
    1- توفير فى استهلاك الوقود
    2- عزم المانيوال وفى نفس الوقت راحة الاوتوماتيك فى الزحام

    تقييمى للفتيس 9 من 10 بدون E
    تقييمى للفتيس 7 من 10 بوجودE (لفائدته فى توفير البنزين )


    عيوب السياره:
    1- التكييف جيد جدا وليس ممتازا لان الكورولا 2007 تكيفيها اقوى ويمكن التكييف اصبح اضعف لانه موجه للسوق الاوربى فى الاصل
    2- صعوبة الرؤيه الخلفيه خصوصا عند الركن
    3- صعوبة معرفة الوقت لانها فى الشاشه اللى فى العدادات اللى فى اقصى اليسار
    3- المرايات مش SHAFT يعنى مش بتنطوى زى الكرولا الخليجى و 2007

    فى النهاية :
    احب اقول انى الحمد لله رب العالمين راضى جدا عن السياره تويوتا كورولا 2008 ولو رجع بيا الزمن كنت هشتريها برضه بس اعتقد انى تسرعت شويه لانى كان الافضل اجى على نفسى واجيب الادفانسد لانها افضل وتستاهل فرق الثمن بكمالياتها الغزيره ولكن الحمد لله على كل شىء

    وتقبلوا تحياتى



  2. #2

    الصورة الرمزية fahd_628

    رقم العضوية : 475

    تاريخ التسجيل : 05May2007

    المشاركات : 8,407

    النوع : ذكر

    الاقامة : الأسكندرية

    السيارة: I30 & Megane estate

    السيارة[2]: E36 Coupe 328i

    دراجة بخارية: .

    الحالة : fahd_628 غير متواجد حالياً

    افتراضي -

    شكرا يا باشا على التقييم

    الحمد لله
    [sor2]http://farm3.static.flickr.com/2639/3939929853_4547d6e150.jpg[/sor2]


  3. #3

    الصورة الرمزية Mohamed_Ibiza

    رقم العضوية : 4042

    تاريخ التسجيل : 09Jan2008

    المشاركات : 956

    النوع : ذكر

    الاقامة : AleXaNdRiA

    السيارة: لا يوجد

    السيارة[2]: Seat Ibiza 94

    دراجة بخارية: لا يوجد

    الحالة : Mohamed_Ibiza غير متواجد حالياً

    افتراضي -

    الفف شكرا يا معلم ع التحليل لوافي

    وربنا يباركلك فيها ويكفيك شرها

    ALeX GR0UP
    Se@t ReV0luTioN


  4. #4

    الصورة الرمزية askassem

    رقم العضوية : 2217

    تاريخ التسجيل : 18Sep2007

    المشاركات : 59

    النوع : ذكر

    الاقامة : Alexandria

    السيارة: -

    السيارة[2]: Toyota Corolla 09 MMT Adv

    الحالة : askassem غير متواجد حالياً

    افتراضي -

    تقييم وافى جدا وجميل و ربنا يبارك لك فيها و يكفيك شرها


  5. #5

    الصورة الرمزية Moh.Abdelbaset

    رقم العضوية : 4124

    تاريخ التسجيل : 13Jan2008

    المشاركات : 1,776

    النوع : ذكر

    الاقامة : التجمع الثالث

    السيارة: Verna 1500 2006

    السيارة[2]: Cruze 2014

    دراجة بخارية: I Wish

    الحالة : Moh.Abdelbaset غير متواجد حالياً

    افتراضي -

    ربنا يباركلك فيها ويكفيك شرها
    شكراً على التقييم


    [shfaf2]http://yfrog.com/na02f1gpmalaysia1133j[/shfaf2]


  6. #6

    الصورة الرمزية khaledsl

    رقم العضوية : 2684

    تاريخ التسجيل : 18Oct2007

    المشاركات : 121

    النوع : ذكر

    الاقامة : egypt

    السيارة: fiat

    السيارة[2]: skoda

    الحالة : khaledsl غير متواجد حالياً

    افتراضي -

    ماندوا انت رائع ربنا يكفيك شرها وعقبال الكماري مش الادفنسيد وبصراحه كده منتظر معرض الاهرام عشان احتمال يكون في عرض خاص او الاسعار تنزل وان شاء الله تكون عربيتي
    اخوك خالد

    اللهم لك الحمد كما ينبغي لجلال وجهك وعظيم سلطانك


  7. #7

    الصورة الرمزية ashrafE51

    رقم العضوية : 9918

    تاريخ التسجيل : 01May2008

    المشاركات : 713

    النوع : ذكر

    الاقامة : Giza

    السيارة: Matrix

    السيارة[2]: Kia carense 2014

    دراجة بخارية: no

    الحالة : ashrafE51 غير متواجد حالياً

    افتراضي -

    تقييم جميل وواضح من استاذ فاضل .
    الحمد لله عندي العربية نفسها بس عمال بيها 3800 كيلو ولكن تقيمك جميل وواضح لعدة نقاط بس ليه اضافة ممكن تفيد حضرتك بالنسبه لموضع صوت السمعات من الممكن ان تقوم بتغير المواصفات الداخلية بالكاسيت بالضغط علي زرار الكاسيت اليمين وتخطار اعل حاجه ( وسوف اقوم باذن الله بوصف الموضوع لما استخدم العربية اليوم ) وبعد ذلك سوف تحصل علي صوت عالي جدا باذن الله .
    وسؤال اخر - موضوع الفتيس مانيول اتوماتيك ( يعني اسطوانات مانيول )
    ام هناك فتيس اخر تبترونيك ( اتوماتيك مانيول ) فهل يعني ذلك انه هناك اسطونات ايضا ام هو فيتس بالكامل اتوماتيك واضيفه اليه المانيول . .....
    وما هو مدي العمر الافتراضي هل لما يكون الفتيس مانيول اتومايتك او اتوماتيك مانيول ام الاتوماتيك ؟؟؟
    وشكرا فعلا علي هذا التقيم ---- وسؤال اخير لقد سمعت موضوع ان التوكيل سوف يغير السيارة للعملاء للسيارة الاتوماتيك فقط فما مدي علمك بذلك واعتقد انك سوف تذهب لصيانه ال 10000 - فهل يمكن ان يضح لك مسئول المبيعات ام لا ؟؟؟


  8. #8

    الصورة الرمزية ashrafE51

    رقم العضوية : 9918

    تاريخ التسجيل : 01May2008

    المشاركات : 713

    النوع : ذكر

    الاقامة : Giza

    السيارة: Matrix

    السيارة[2]: Kia carense 2014

    دراجة بخارية: no

    الحالة : ashrafE51 غير متواجد حالياً

    افتراضي -

    ليه ملاحظه اخيرة يمكن ان تضفها لحضرتك -- وسوف اسال عليه التوكيل
    لمبة نور فتح باب السيارة ( تمثل شكل باب مفتوح ) وعند فتح الشنطة فقط لوحظ انه الشكل علي التابلوه هو ايضا شكل باب مفتوح ( فهذا ليس بالجيد ) وايضا لماذا مع كل هذه المعلومات من خلال التابلوه بمعدل كيلومترات للرحلات لماذ لا يوجد مكان ايضا للتاريخ ؟؟؟
    ومكن اراجع مع حضرتك بالبيان المستفاده من التابلوه
    1- بيان بالكيلو مترات للرحلات ( رحله a , B )
    2- بيان يوضح الكيلو مترات المتبقيه التي يمكن قطعها بالسيارة بناء علي كمية البنزين الموجوده بالعربية .

    وهل يوجد اي بيانات اخري .
    وشكرا لك ---

    التعديل الأخير تم بواسطة ashrafE51 ; 25-11-2008 الساعة 12:04 PM سبب آخر: تعديل


  9. #9

    الصورة الرمزية abuanas

    رقم العضوية : 4272

    تاريخ التسجيل : 17Jan2008

    المشاركات : 72

    النوع : ذكر

    الاقامة : الجيزة

    السيارة: تويوتا كورولا 08

    السيارة[2]: تويوتا كورولا 98

    دراجة بخارية: لا

    الحالة : abuanas غير متواجد حالياً

    Talking -

    اقتباس المشاركة الأصلية كتبت بواسطة ashrafE51 مشاهدة المشاركة
    ومكن اراجع مع حضرتك بالبيان المستفاده من التابلوه
    1- بيان بالكيلو مترات للرحلات ( رحله a , B )
    2- بيان يوضح الكيلو مترات المتبقيه التي يمكن قطعها بالسيارة بناء علي كمية البنزين الموجوده بالعربية .
    وهل يوجد اي بيانات اخري .
    وشكرا لك ---

    السلام عليكم اخي الحبيب ارجع للمشاركة التى بالرابط التالي تجد فيها ان شاء الله المعلومات التى تعطيها كلا من الشاشتين
    http://www.nilemotors.net/Nile/showthread.php?t=30904


  10. #10

    الصورة الرمزية salem

    رقم العضوية : 14840

    تاريخ التسجيل : 16Jul2008

    المشاركات : 429

    النوع : ذكر

    الاقامة : Egypt

    السيارة: Toyota Corolla

    السيارة[2]: Skoda Octavia 2009

    الحالة : salem غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة ashrafE51 مشاهدة المشاركة
    تقييم جميل وواضح من استاذ فاضل .
    الحمد لله عندي العربية نفسها بس عمال بيها 3800 كيلو ولكن تقيمك جميل وواضح لعدة نقاط بس ليه اضافة ممكن تفيد حضرتك بالنسبه لموضع صوت السمعات من الممكن ان تقوم بتغير المواصفات الداخلية بالكاسيت بالضغط علي زرار الكاسيت اليمين وتخطار اعل حاجه ( وسوف اقوم باذن الله بوصف الموضوع لما استخدم العربية اليوم ) وبعد ذلك سوف تحصل علي صوت عالي جدا باذن الله .
    وسؤال اخر - موضوع الفتيس مانيول اتوماتيك ( يعني اسطوانات مانيول )
    ام هناك فتيس اخر تبترونيك ( اتوماتيك مانيول ) فهل يعني ذلك انه هناك اسطونات ايضا ام هو فيتس بالكامل اتوماتيك واضيفه اليه المانيول . .....
    وما هو مدي العمر الافتراضي هل لما يكون الفتيس مانيول اتومايتك او اتوماتيك مانيول ام الاتوماتيك ؟؟؟
    وشكرا فعلا علي هذا التقيم ---- وسؤال اخير لقد سمعت موضوع ان التوكيل سوف يغير السيارة للعملاء للسيارة الاتوماتيك فقط فما مدي علمك بذلك واعتقد انك سوف تذهب لصيانه ال 10000 - فهل يمكن ان يضح لك مسئول المبيعات ام لا ؟؟؟
    howa fee menha automatic bas aslan ?!




 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. أنا و الكورولا 2010 ( تقييم شخصى )
    بواسطة Ahmed Selim في المنتدى تـويوتـــا
    مشاركات: 34
    آخر مشاركة: 08-10-2011, 03:02 PM
  2. تقييم الكورولا
    بواسطة mxmx في المنتدى تـويوتـــا
    مشاركات: 6
    آخر مشاركة: 30-07-2010, 07:53 PM
  3. تقييم الكورولا 2008 mmt بعد 50000ك استخدام.
    بواسطة محمد محمد في المنتدى تـويوتـــا
    مشاركات: 68
    آخر مشاركة: 29-01-2010, 11:28 AM
  4. ما هو تقييم الكورولا الجنوب افريقى؟
    بواسطة Ramy.Gamal في المنتدى تـويوتـــا
    مشاركات: 8
    آخر مشاركة: 26-07-2008, 07:56 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2