طــريــقـــه تــلـــمــيـــع الانـــوار

[PRO-DRIVE]

انوار عربيتك صفراء من الرمل



ازاى اذا الانوار بتاعت العربية صفرا من الرمل و التراب تقدر تلمعها

عملنا تجربه قبل كده على 300 ام و معملنهاش بضمير اوى عشان انت محتاج تقعد ساعتين او ساعة و نص تقريبا على كل لمبه :shock: احنا قعدنا 10 دقايق بس
الطريقة

1- اشترى 3 انواع صنفرة ارقام 1000 و 1500 و 2000 و دول رخاص اوى



2- تشترى منتح ممتااااز اسمه بلاستكس Plastix ممكن تلاقية فى حدود 30 جنيه او كده




3- حتحتاح ميه كتير فى الموضوع ده


الطريقه اول حاجة تجيب اوراق الصنفرة و تنقعها فى ميه كتير لغاية ما تبقى طرية و بعدين تغسل الانوار عادى بالميه تستعمل اوراق الصنفره رقم 1000 الاخشن الاول و تقعد تحك تحك تحك تحك تحك كتييير بس باراحة

2- اول ما اللون الاصفر يبدا يروح استخدم اوراق ال1500 الانعم من 1000 ( اوعى تنسى انهم يكوانوا منقوعين فى المية ) و نفس الحركه تقعد تحك تحك تحك تحك تحك تحك تحك تحك تحك

3- اول ما يبدا الاصفر يختفى تطلع ال2000 الانعم ( وربنا اذا نسيت النقع فى الميه انا مليش دعوه :D ) و نفس الحركه تحك تحك تحك تحك تحك تحك تحك و دى اكتر فترة

ملاحظة متنساش و انت بتنظف اوى تنشف القزاز او الورقة دايما تخليهم مبلولين و بمبالغه كمان

بعدين تغسلها و تنشفها كويس

الحركه دى تتكرر على كل لمبه


تجيب البلاستكس اول ما تخلص اللمبه و تحطه على سفنجة ناعمة زى بتاعت البوليش او هى و دى اهم مرحله تقعد تدعك تدعك تدعك تدعك لغااااااية ما يختفى دى ممكن تطول شويه

بس و خلصت و بصراحة اللى حيجرب حينبهر بالنتايج والله ممتازة

اهم حاجة متنسوش ارقام الورق لان ده مهم جدااااا متجبش حاجة خشنه و دايما تكون الدنيا مبلوله معاك متسيبش اى حته ناشفه حيحصل خرابيش

قبل الشغل




بعد الصنفره




بعد استخدام البلاستكس





النتيجة دى و منغير جهد كبير فى الشغل فتخيلوا اذا عملتوها كويس حيحصل معاكم اية

اى اسأله اتفضلوا و انا حاضر

[Nader]

انت محتاج تقعد ساعتين او ساعة و نص تقريبا على كل لمبه

شكراً يا تربو بس اعتقد ان انت تقصد ازاز الفانوس مش اللمبة.

[Nader]

حاجة كمان هو بلاستكس دة للبلاستك ولا الازاز؟؟ هتقولي للبلاستك :) طيب هقولك انا بقي ينفع للازاز؟؟

• اكيد طبعا يا نادر ازاز الفانوس مش اللمبة :lol:
  
  وموضوع جامد جدااا والفانوس بقا جديد :P
  
  شكرااا يا تيربو قصدى 911

شكرا على الرد السريع جداااا اولا اللمبه او الشمعه او الفانوس اختلاط اللهجات عندى عاملى ضربة فى دماغى


بالنسبة للقزاز اساسا اذا صنفرته الصنفره حتلعن شكلها :mrgreen:

عموما هو المنتج نفسه معتقدش ينفع للقزاز الاقزاز مش بيصفر من الرمل زى البلاستك فأنت بتفنكه و تنظفه من جوه عادى و تستخدم منظف قزاز او LCD CLEANER

[Nader]

اكيد طبعا يا نادر ازاز الفانوس مش اللمبة

يا عم وليد استني اصل المنتج اسمة بلاستكس فانا مش فاهم دة بيستخدم لوش الفانوس الازاز ولا البلاستك علشان في عربيات زي البولو السيدان مثلاً وش الفانوس بتاعها بلاستك مش ازاز :roll: .

[Nader]

بالنسبة للقزاز اساسا اذا صنفرته الصنفره حتلعن شكلها

انا كنت مستغرب علشان كدة، بس كدة الرؤية اتضحت شكراً مرة تانية :)

العفو يا نادر

الله ينور ياباشا بس بصراحة انا حسيت وانت بتقول تحك تحك تحك ان هيطلع عفريت من الفانوس
ههههههههههههههههههههههههه هههههه

[PRO-DRIVE]

^^^^ يمكن تقلب زينون و انت عمال تحك :mrgreen: :mrgreen: