وجهة نظر في عملية ملئ الإطارات بالنيتروجين بدلاً من الهواء

[ahmed1981]

لدي إحساس بأن موضوع النيتروجين ليس بتلك الأهمية التي يتحدث عنها المروجون له

كلما أسأل واحد عن فوائد النيتروجين تجد الردود كالتالي:
- 1 - بيريح الكاوتش في المطبات !! وبيعطي الكاوتش طراوة زيادة !!
والحقيقة هذا الكلام لا يدخل الرأس أبداً
فالمعروف أنك تقوم بضغط الهواء أو النبيتروجين في الإطار على درجة معينة وهي مثلاً 30 psi
والحقيقة العلمية تقول أن مقياس الضغط 30 لكل من الهواء والنيتروجين وبالتالي معدل مرونة الكاوتش واحدة لأن الضغط واحد عند ثبات درجة الحرارة
وحسب القانون العام للغازات فإنه عند ثبات درجة الحرارة يتناسب الضغط عكسياً مع الحجم
بمعنى أنه عند ضغط معين للكاوتش سيكون مقدار مرونة الكوتش في المطبات واحدة
- 2 - ضغط ثابت مع تغير درجة الحرارة ؟؟!!!
وهذا كلام مخالف للعقل
والقانون العام للغازات يقول pv=rt
فلابد من تغير الضغط مع تغير درجة الحرارة لأن حجم الكاوتش او الإطار ثابت
- 3 - أن النيتروجين مضاد للصدأ !!!
وهذا أيضاً خطأ
لأن الصدأ ينتج من الهواء والماء
وحيث أنه لابد من وجود نسبة هواء بالإطار قبل نفخه وهي تساوي ملئ حجمه في حالة الضغط الجوي
وكذلك فإن بخار الماء يحدث له أن يتكثف داخل الإطار
والبتالي أهلاً بالصدأ في حال أن الجنط غير معالج ضد الصدأ

- 4 - تجد من يقول بأن معدل تسرب النيتروجين من الإطار أقل من معدل تسرب الهواء !!!
وأي عاقل سيصدق هذا الهراء
من الطبيعي أن الغاز سواء نيتروجين أو هواء يتسرب من الضغط المرتفع (داخل الإطار) إلى الضغط المنخفض (الهواء الخارجي)
فكيف نقول أن النيتروجين أقل تسرباً
هذا كلام لا يقبله عقل
فالتسريب ليس له علاقه بنوع الغاز المتسرب

الحقيقة لقد قمت بملئ إطارات سيارتي من عند درش بالنيتروجين منذ حوالي سنة ونصف
ولم أحس بأي تغيير
قد يكون غيري أحس بتغيير
لكن أنا لم أحس بتغيير
وبالتالي عند أول عملية تزويد قمت بالتزويد بالهواء العادي

وهذه وجهة نظري في موضوع النيتروجين

وللعلم فإنه أحياناً قد تكون هناك نظرية علمية تؤكد جدوى أمر معين ولكن بقيمة أصغر من أن يلاحظها أي إنسان أو يستفيد منها وبالتالي تصبح بلا قيمة

[kimo-nubira]

بص يا ا/ حمد انا من الناس اللي ركبت نيترجوين في الكاوتش وبصراحه حاسس بفرق كبيــر

اولا لاني مش بطلع بالعربيه غير كل اسبوع يعني في الاجازه بس لقرب مكان العمل من المنزل

فا قبل ما احط نيتروجين كان لازم كل اسبوع اظبط هواء للكاوتش علشان بينقص من الركنه فتره طويله وده لان النيتروجين غاز خامل

ثانيا : فعلا الناتيتروجين بيريح العافشه او بمعني اصح بيكتم صوت المطبات ومبتسمعهاش جوه العربيه زي الاول

على فكره انا كنت رحط ركبت جنوط اسبور للعربيه وطبعا النيترجوين اتشال ساعتها بجد

ساعتها حسيت بفرق كبير ورجعت حطيت نيتروجين تاني .. وديه تجربتي مع النيتروجين

[abo_hosni]

أعجبني تحليلك و كلام منطقي والله يا ahmed1981

طيب ما هو يا جماعة نسبة النيتروجين في الهواء الجوي العادي 78.08% يعني الهواء اللي بنتنفسه و الهواء اللي جوه الكمبروسيور اللي بتاع الكاوتش بيملأ لك منه :D

بعدين النيتروجين مش غاز خامل

و نقطة أنه غاز=ضغطه يزيد مع الحرارة

ونقطة أن مافيش حد بيشفط الهواء من الكاوتش للآخر قبل ما يملاه نيتروجين (أصلاً لا يمكن تطبيقها 100%) يعني كده كده هيبقى فيه هواء جوي عادي

ونقطة التخبيط بعد تركيب الجنوط فده له علاقة أكثر بتغيير الجنوط نفسها و ليس نوع الغاز

و أعتقد أن تأثير أن واحد يعرف أنه ماشي بكاوتش مليان نيتروجين زي تأثير placebo بالضبط

[kimo-nubira]

برجاء مراجعه هذا الرابط
http://www.nilemotors.net/Nile/showt...D1%E6%CC%ED%E4

[ahmed1981]

برجاء مراجعه هذا الرابط [/url]

أستاذ كيمو شكراً لك
أنا وضحت أنه هناك الكثير من الكلام العلمي البحت عن إستخدام النيتروجين في الإطارات
لكن أنا فاتح الموضوع مخصوص من أجل التجربة الفعلية للأعضاء وليس للحديث عن النظرية العلمية

[ahmed1981]

ونقطة أن مافيش حد بيشفط الهواء من الكاوتش للآخر قبل ما يملاه نيتروجين (أصلاً لا يمكن تطبيقها 100%) يعني كده كده هيبقى فيه هواء جوي عادي

كده يبقى أبو حسني فهم كلامي

يا جماعة لو واحد رايح يشحن فريون لتكييف السيارة لازم قبل الشحن بالفريون نعمل عملية تفريغ وشفط للهواء الموجود بدائرة الفريون
ولو قمنا بشحن الفريون بدون تفريغ الهواء فلن نحصل على فائدة التكييف المطلوبة
والشيء بالشيء يذكر
بمعنى أنه عند ملئ الإطارات بالنيتروجين سيكون بها نسبة لا بأس بها من الهواء الجوي رغم أنوفنا
والغريب أنك ترى تحذير عند ملئ الإطار بالنيتروجين بأنه لو نقص الضغط قليلاً وقمت بتزويده بهواء عادي فستفسد فائدة النيتروجين !! أمال اللهواء الذي كان بالداخل قبل الملئ ساكت ليه ؟؟

أتمنى من السادة الأعضاء توضيح تجربتهم الفعلية وإحساسهم بفاعلية النيتروجين من عدمه فعلياً
وشكراً لمن قدموا تجربتهم

[Ahmed Selim]

[COLOR="darkred"][SIZE="5"]
- 2 - ضغط ثابت مع تغير درجة الحرارة ؟؟!!!
وهذا كلام مخالف للعقل
والقانون العام للغازات يقول pv=rt
فلابد من تغير الضغط مع تغير درجة الحرارة لأن حجم الكاوتش او الإطار ثابت
- 3 - أن النيتروجين مضاد للصدأ !!!
وهذا أيضاً خطأ
لأن الصدأ ينتج من الهواء والماء
وحيث أنه لابد من وجود نسبة هواء بالإطار قبل نفخه وهي تساوي ملئ حجمه في حالة الضغط الجوي
وكذلك فإن بخار الماء يحدث له أن يتكثف داخل الإطار
والبتالي أهلاً بالصدأ في حال أن الجنط غير معالج ضد الصدأ

- 4 - تجد من يقول بأن معدل تسرب النيتروجين من الإطار أقل من معدل تسرب الهواء !!!
وأي عاقل سيصدق هذا الهراء
من الطبيعي أن الغاز سواء نيتروجين أو هواء يتسرب من الضغط المرتفع (داخل الإطار) إلى الضغط المنخفض (الهواء الخارجي)
فكيف نقول أن النيتروجين أقل تسرباً
هذا كلام لا يقبله عقل
فالتسريب ليس له علاقه بنوع الغاز المتسرب

1- معنديش رد محدد بصراحة بس جرب كده تركب عربية فيها عفشة رياضية و جنوط ببروفايل رفيع وهتحس الفرق
2- هو مش الغازات بتفرق فى درجة الحرارة اللى تخليها تتمدد ؟؟؟
يعنى ممكن الهواء العادى يتمدد فى درجة حرارة 50 مئوية مثلاُ بينما النيتروجين لأ....ده تفسير ثبات الظغط.

3- لو بتملى عند حد صح يبقى هيشفط الهواء بالكامل الأول قبل ما يحط نيتروجين...وساعتها هيبقى اللى فى العجل نيتروجين صافى .
4- عشان النيتروجين مش هيتمدد زى الهوا.....زى ما قولت لحضرتك قبل كده.

و أخيراً ..... اللى بيروجوا للنيتروجين هنا ملهمش مصلحة غير أنهم جربوا حاجة أحسن وبيقولو عليها.
مع العلم أن فرق النيتروجين هيبان قوى خصوصاً لو فى حد مركب عفشة رياضية زى حالاتى.

[Ahmed Selim]

بمعنى أنه عند ملئ الإطارات بالنيتروجين سيكون بها نسبة لا بأس بها من الهواء الجوي رغم أنوفنا
والغريب أنك ترى تحذير عند ملئ الإطار بالنيتروجين بأنه لو نقص الضغط قليلاً وقمت بتزويده بهواء عادي فستفسد فائدة النيتروجين !! أمال اللهواء الذي كان بالداخل قبل الملئ ساكت ليه ؟؟

بص يا باشا......روح ل أرابكوم وقولهم أنك عاوز تحط نيتروجين.....وشوف هيعملو أيه
1- يشفطو الهوا
2- يملو نيتروجين 1\2 الضغط المطلوب
3- يشفطوا تانى
4- يملوا نيتروجين

أعتقد بعد كده لو تبقى هواء مش هيزيد عن 1% يعنى تفرق عن 22%

كلام منطقي

و أخيراً ..... اللى بيروجوا للنيتروجين هنا ملهمش مصلحة غير أنهم جربوا حاجة أحسن وبيقولو عليها.

لازم أرد على هذه النقطة أولاً
أنا لم أتهم أحداً بالعمالة
أو طعنت في ذمة أحد يدعو للنيتروجين أنه غير مخلص النفع لإخوانه

ولكن أوضح وجهة نظري التي قد أظل متمسك بها أو أغيرها حسب توضيحات زملائي المجربين

لذلك أتمنى عدم تحميل كلامي ما لا يتحمله