!!!!Gen2 VS Nissan Sunny

[amr007]

اولا السلام عليكم اخوانى الاعزاء اللى استفدت من مواضيعكم الجميلة عن الجين 2....
انا بصراحة محتار ما بين النيسان صنى 2009 اوتوماتيك و جين 2 اوتوماتيك ...
و مش عارف اخد قرار فمن ناحية بيرجع اللى بسالهم يقولولى ديه يابانى و ديه ماليزى
و النيسان شكلها افخم و سعرها فى البيع مبنزلش اوى و قطع غيارها مش غالية مع انتشارها ,,,
لكن انا عاجبنى شكل الجين 2 جدا و من كلام الاخوة حبيتها اكتر و اقتنعت بها كمان ...
فايه رايكم يا جماعة و هل بينهم فيه فروقات كبيرة تخلينى اختار ديه عن ديه,,,؟؟؟
و شكرا لردودكم و نصايحكم سلفا...

[khpopo]

دلوقتى فى كمان البيرسونا وبتهيالى المقارنة تبقى تمام لو بنقول عربية سيدان
عن تجربتى الشخصية سيبت النيسان واشتريت جين2 رغم انى محتاج عربية عائلية وكانت ايامها نيسان يابانى بجد (لم يتم تجميعها مصرى )..صلاة استخارة وشوف انت مرتاح لااية
ربنا يوفق

[mahamedaraby]

من كلامك انت حابب الجين 2 او مرتاح ليها علشان كده شوف انت محتاج ايه من العربيه واختار اللى تعجبك ولازم تكون مختارها عن اقتناع

وربنا يوفقك وطبعا صلاه الاستخاره هتسعدك كتير

[amr007]

شكراا جدا يا جماعة على ردودكم ...و اتمنى من باقى الاخوة اسداء النصيحة ليا....
طيب هو الصالون فيه فرق كبير ما بينهم يعنى مين اكبر تقريبا؟؟؟

[tutankhamoun]

السلام عليكم و رحمة الله و بركاته
أنت بتقارن عربيتين أنا بحبهم جدا
بُص يا سيدي .... النيسان صني سيارة ممتازة ....... و الجين 2 ممتازة

موتور الصني أنعم شوية من موتور الجين 2 علشان موتور الجين 2 موتور رياضي تصميم شركة رياضية اللي هي لوتس و الناس بتقول أن 2009 بقى أنعم عن ما سبق

الجين 2 كاملة من مجاميعه ....... النيسان صني الكاملة أقل في الكماليات برضه من الجين 2 و أغلى في السعر

الجين 2 شكلها رياضي أكتر بكتير و صاجها أقوى شوية عن الصني

الجين 2 بها بعض عيوب التقفيل البسيطة اللي حضرتك ممكن تفتح منتدى بروتون و تبص عليها و تقرأها بنفسك و تسأل أصحاب العربية عنها
أعتقد أن النيسان صني عيوب تقفيلها أقل من الجين 2
بالنسبة لقطع الغيار الأثنين غاليين ( الأصلي طبعا )

بالنسبة لسعر اعادة البيع ...... مفيش فروق بينهم كبيرة الأثنين سعر اعادة بيعهم متوسط مش زي ماركات تانية بتتباع في يومين

طبعا الفروق بين العربيتين مش كبيرة في المميزات
علشان الأثنين أنا شايفهم رائعين ...... من ناحية الثبات
تسارع الأوتوماتيك في النيسان صني أفضل من الأوتوماتيك بتاع الجين 2 في النسخ القديمة 2006 2007 2008
و ده من عند نقطة الثبات .... يعني لما تدوس بنزين ..... الصني استجابتها أسرع
إنما مجرد ما الأثنين خلاص أتحركوا ....... الأثنين كويسين
موضوع التسارع في الأوتوماتيك في الجين 2 أختلف مع موديل 2009 عن تجربة الناس برة مصر .... أنا لسة مستني أجرب العربية بنفسي علشان أقدر أقول فيها تجربتي الشخصية و لكن أنا نقلتلك تجربة ناس تانية في ماليزيا و انجلترا و تايلاند على موديل 2009 الأوتوماتيك

و في النهاية اللي هاحسم المقارنة دي
ذوقك أنت لأن الفروق الميكانيكية و الفنية مش كبيرة

صني شكا عائلي أكثر ووقار أكثر
الجين 2 شكل يميل للرياضي مما يعطي طابع شبابي على العربية

فشوق انت محتاج ايه من العربية زي ما كل الاخوة قبلي قالوا
و السلام عليكم و رحمة الله و بركاته

[Rafraf]

[grade="00008B FF6347 008000 4B0082"]gen shababi aktr w sunny 3a2elia aktar[/grade]

[ahmad--ezzat]

صنى افضل طبعا
اسم
موتور
فخامة
نعومة
بس برضو لو محتاج عربية شبابية يبقى الجين وانت مغمض

[aapaap855]

انا شايف الجين 2 احسن (بس لو مبتحبش حاجة شبابي خليك في الصني)

[shicooooo]

[moveo=right][moveo=left]gen 2 ya man [/moveo][/moveo]

[ouba2]

مقارنة صعبة شوية بس انا برتاح للجين 2