اللي عاوز عربيات من اوروبا انا ممكن اساعده بس يقوللي هتدخل مصر من الجمرك ازاي؟؟؟؟؟

[mida11]

طيب انا شوفت علي موقع جيب انك تشتري وحده وتاخد وحده
وكمان تخفيض لحد 40 %

بس انا عايز اعرف الاسعار وانا دلوقتي بدور علي حد يقدر يدخلنا العربيه بتكليف قليله وزاي بيقوله يطلعلو بمصلحه
انا سجلت ايميلك ومستني الرد

[dr_abooody]

للأسف ممنوع دخول السيارات المستعملة

و الا كنت جبتلي bmw من برة موديل 2000 ب 25 الف بس
و سليمة 100 % ما فيهاش حوادث
و كان على موقع بيقولك عربيات للتصدير فقط

[crazylambada]

انا ضيفت حضرتك على الايميل
وايميلي نفس النك نام

[hazembarakat]

يا جدعان لو عرفنا حد في الجمارك و جبنا عربيات عل زيرو من عند حضرتك في المانيا ممكن تكون أرخص من الزيرو المصري في ظل ثبات الاسعار هنا و إرتفاعها تبقى حلوة
لو ممكن تسألي عن البيجو 207 زيرو بكام أو أوبل كورسا

[hishamanilka]

يا باشا العربيات بره ارخص من مصر زيرو بس المشكله هتدخل ازاي مصر بس انا رايي خاليك في المستعمل لان ليه سكك في الجمارك بس المشكله محدش يعرف وهوه ده السؤال؟ واحد قاللي انها ممكن تدخل منطقه حره وهوه هيعرف يخرجها من بورسعيد هل هذا صحيح؟ِ

[akram2025]

طب ياجماعة أنا عندي شركة استيراد و تصدير!! هل ممكن اننا نجيب سيارات زيرو من بره و ندفع جماركها عادي و طبعا بما إن السعر بره نزل حوالي 40% هتكون في الأخر أرخص بكتير من سعر الوكيل في مصر..
لو حد عندوا فكرة ايه الإجراءات أنا مستعد أعمل طلبيه لكل الراغبين في سيارة و نجيب شحنة كبيرة لينا و ده برضه هينزل في سعر الشحن جامد و مش عاوز أي مكسب !!!

[goofy_in_love]

كلام جميل قوي انا قريت امبارح في اهرام السيارات واحد كان بيسال كام الجمارك علي هيونداي النترا 1600 سي سي كامله اوتوماتيك موديل 2009 هيجيبها من دبي و كان رد الخبير ان جماركها 48 الف جنيه تقريبا و دا الرد بتاعه بالظبط : تقدر الضرائب و الرسوم الجمركيه ب 48 الف جنيه تقريبا حيث تخضع السياره للفئه 40% من القيمه سيف وارد و 15% ضريبه مبيعات و 3% رسم تنميه

ممكن بقي اعرف العربيه دي في اوربا عامله كام دلوقتي عشان اقدر احسب الفرق بين الاتنين و اذا كان يستاهل الحوارات دي كلها و الا لا ؟



شكراااا


علي فكره يا شابا مينفعش تنزل عربيات مستعمله الا اذا كان اللي نازل بيها المالك الاول ليها و معاه اوراق تثبت كدا غير كدا لازم تبقي زيرووو

[king_de_egypt]

طب ازاى مينفعش عربيات تيجى مستعمله من بره وواحد صحبى جاب عربيه بورا من الامارات مستعمله مو 2003 ؟؟؟؟؟ و دخلت عااادى جدا من السويس و خدت جمرك السويس و راحت على بورسعيد و خلص ودفع الجمارك فى بورسعيد و خلص كل حاجه و خدها ؟؟

[akram2025]

طب ازاى مينفعش عربيات تيجى مستعمله من بره وواحد صحبى جاب عربيه بورا من الامارات مستعمله مو 2003 ؟؟؟؟؟ و دخلت عااادى جدا من السويس و خدت جمرك السويس و راحت على بورسعيد و خلص ودفع الجمارك فى بورسعيد و خلص كل حاجه و خدها ؟؟

يبقى هو أول مالك للعربية.. مفيش حل غير كده

[د-احمد عبد اللطيف]

بس يا جماعه انا شوفت بعيني وانا في مصر واحد مدخل عربيه تويوتا كورولا من المانيا بس مدخلها مقسومه نصين والسمكري بيلحمها واتباعت بعد كده علي ما اظن ب 40.000 يعني بنص سعرها لان اختها كانت بتتباع ب 80.000 فا ازاي دخلت دي واتباعت ازاي واترخصت ازاي ؟؟؟؟؟؟ كلمت الميكانيكي قبل كده قاللي ده كان زبون طياري ولما العربيه خلصت اخدها ومعرفش عنه حاجه ومعرفتش اوصل للراجل ده فلو حد عنده اراء تانيه احب اسمعها

لازم يكون لها ملف في المرور
او ملف سيارة اخرى عاملة حادثة و يتم استخدامة لهذه السيارة لازم تكون نفس الموديل و سنة قريبة
دة طبعا بعد تظبيط الناس