استفتاء عن برلينس frv و الجين 2

[fawzy2009]

يا جماعه يا ريت كل واحد يدخل ويقول رأيه يشتري مين بينهم مع ذكر السبب

[M.Nabil]

انا كنت حاجز ال frv بس بعد ما غليت انا شايف انها دخلت في فئة جديدة, تدفع 80000 جنيه في حاجة صيني ولسة اول مرة تنزل ومحدش جربها ولا تزود 5000 وتجيب جين تو ب85000 ماليزي عربية محترمة متجربة.
حضرتك بردوا ممكن تدخل البيرسونا والنيو اكسنت واللانوس والافيو.
بس اعتقد حضرتك من محبي العربيات الرياضية, انا ارشحلك الجين تو.
وبردوا القرار النهائي يرجعلك.

[Rafraf]

من الاخر استحالة حد يفيدك

لو عايز تقارن قارن بين عربيتين فى السوق

الfrv لسه مانعرفش عنها حاجة!

و التجربة و الحكم يكون من سنة الى 3 سنين على الاقل

لذا لن يفيدك احد فى هذا الموضوع

شوف الجين تو فى المنتدى و اقرأ التقيمات العادلة!! و شوف انت مرتاح لـ ايه و انزل اتفرج على الاتنين

كدا هتكون عملت اللى عليك!

احسن حاجة انك تنجز!! انا المفروض كنت نازل اجيب البرليانس بس للاسف عرفت الموقع دا :) و دا خلانى افكر بسبب كل الكلام الكتير عن كل عربية و كمان اكتشفت ان فيه عربيات كتير فى نفس الرانج!!

كان زمانى راكب العربية و ملينها كمان!!

بس للاسف كثرة التفكير هتخليك تهبط من ناحية الشراء

لذا لا تفكر فى اكتر من عربيتين و خلص نفسك

لانك كل يوم هتلاقى اشياء تسم البدن!! عيوب فى عربية كنت هتموت عليها مثلا!! و اللى يقول لك الاسعار هتنزل و اللى يقولك دى صينى حرام عليك انت لاقى فلوسك فى الشارع يعنى احسن حاجة انك تجيب العربية و تخليها على الله! احسن ما تقعد تفكر و تبتدى تكسل و ماتجبش حاجة خالص!!

[ouba2]

الجين2 احسن في كل حاجة

[ahmad alshaaer]

غريبه والله انت بتقارن بين ايه وايه
بين برنسيسه وجاريه
بجد
فرق كبير في كل حاجه بعيدا عن الفلوس

[Ayman_52]

انا جالى وقت وكنت محتار شويه بسيطه بينهم ..بس فى الاخر الحمد لله الاختيار اتحسم للجين2....لاسباب كتيره اهمها انها حاجه متجربه والفرق فى السعر مش كتير...واكيد انى بحبها جــــــــــــــــدا وكنت بحلم بيها طول الوقت:10D5C8~1107::10D5C8~1107:

واهم حاجه انت مرتاح لاى واحده اكتر.....و الجين2 بجد عربيه ماشاء الله عليها ...

وربنا يوفقك للخير ان شاء الله.

[sa3dawy]

اديك شايف نتيجة الاستطلاع
17 جين ... 0 اف ار فى
ههههههههههههههههههههههههه هه
حضرتك بتتكلم فى مقارنة عربية صينى لسة محدش جربها وشكلها سىء وسعرها 80 الف !! بعربية تانية من شركة محترمة ومجربة ومأثبتة كفاءة
انا مش عارف ازاى الناس بتشترى العربية الى اسمها بريليانس دى اصلا
اذا كانت الجالينا زبال** عن تجربة شخصية
امال الfrv اية بقا

[ahmedsiyam]

البريليانس كانت حلوة جدا بالـ 70000 مقارنة بامانياتها و شكلها و سعرها مع اى عربية تانية فى نفس الفئة السعرية
انما 80000 كتير برضه على عربية لسه جديدة و عايزة تنافس فى السوق
ده رايى و موش هاقارنها بالجين 2 لانى اصلا ماعرفش عنها حاجة

[احمدعبدالعزيز]

gen2 طبعــــــــــــــــــــــ ـــــــــــــــــــــــــ ـــــــــــــــــــــــــ ـا !!!!!









.

اكيد طبعا جين 2 افضل علي الاقل صناعه ماليزي مش صيني ثاني حاجه عربية اثبتت وجودها في السوق المصري وبقالي حوالي اربع سنوات لكن الثانيه لا مده ولا اسم وكمان سعرها مغالي فيه اوي وشكرا