الموضوع يبدأ بلعبة!!!!!!!!!!!!!!!!!!!!!!!!!!!!!!!!

[sab3aawy]

الموضوع بيبتدى بلعبة

http://up.haridy.org/storage/call%20for%20duty%204.jpg

دى صورة متاخدة من واحد من احدث ألعاب الحروب على الكومبيوترالأمريكية إسمها :
Call of duty 4
وهتنزل فى آخر السنة فى الولايات المتحدة والعالم كله
والصورة شارحة نفسها ومش محتاجة تعليق


ما رأيكم يا سادة

[إسلام شاهين]

ده معناه حاجة واحدة بس إن مصر كمان على خريطة استعماراتهم ، بس مش ممكن البجاحه والصراحة اللي هما فيها ديه !!!!!!!!!!!!!!!!!!!!!!!!!!!!!!!!!!!!!!!!!!!!!

[mada121977]

مفيش غير تعليق واحد ( اكلت يوم اكل الثور الابيض ) اللى هوا العراق الحبيب

[معاذ الشرباصى]

مش لاقى تعليق مناسب :!:

[ابوحميد]

رايى مش ماشى مع التيار العام
معلش حختلف معاكم شوية
امريكا مصلحتها ايه تحتلنا طالما انه كل اللى عاوزاه مننا بنعملوا من غير تفكير
اعملى الكويز حاضر
ودى اسمنت يتبنى بيه الجدار العازل وماله
البترول باسعار شبه مجانية اوكى
خاصمى ايران عيونى
اسرائيل تبقى حبيبتنا اكتر من السعودية وليه لا
لبنان اوعى تتكلمى عن اللى بتعمله اسرائيل فيها احلام ال usa اوامر
يبقى امريكا تحتل مصر ليه
هيا ناقصة اللى حصل فى العراق يتكرر
لا اعتقد ان دا يحصل الا لو حصل تغيير فى سياسة مصر ولو حتى حصل تغيير برده الموضوع مش سهل
لازم تفكر الف مرة

[fahd_628]

:x :x :x :x :x :x :x :x

لا تعليق

[Nader]

احنا على الليستة يا جماعة "من النيل للفرات" بس احنا مؤدبين فسيبنا للاخر وحسبي الله ونعم الوكيل.

انا رأييى ان هذة الرسالة موجهة للشعب لا الحكومة

انا لما احب اشتم واحد من غير ما اشتمه اسلط عليه عيل صغير يقول له كل اللى انا نفسى فيه وبعدين اقول له حقك عليا عيل وغلط والمقامات محفوظة

زى ما قال ابو حميد ان النظام فى مصر علاقاته بامريكا ممتازة برغم بعض الخلافات السطحية

لكن الشعب بيكره امريكا

يبقى اسهل حاجة نسلط عليهم شركة برمجيات تعمل لعبة تخوفهم بيها وساعة الجد نقول دا لعب عيال وحرية رأى ودى شكرة برمجيات لا علاقة لها بالحكومة الامريكية

ونكون حققنا هدفغ لحرب النفسية بدون احراج

[memo_hefnawy]

مفيش غير تعليق واحـــــــــــد:
------------

ده مقصــــــــود به إشعار المصـــرى بالجبن و الهزيمة النفسية و جعله محطم نفسيا و متقبل الهزيمة من قبل أن يكون هناك حرب و بهذا تضمن أمريكا إخماد أى محاولة مستقبلية من جزورها يعنى لما أموت وطنية الشباب و همه أطفال و لما أحسسهم إن بلدهم دى ولا حاجة و عمرها ما تقدر تصمد ولا تقول لأ و لو فكر و قال لأ فى يوم من الأيام هايكون هو ده مصيره

فيكبر الطفل و هو مش بيقدر يقول لأ و مش بيقدر يرفع عينه إللى إتكسرت من زمان

ده هدفهم و نوعا ما حققوا جزأ منه بدليل الأشكال إللى بنشوفها فى شوارعنا و على شاشتنا و فى أفلامنا و فى مدارسنا و و و

[Islam_galal]

أتفق مع memo_hefnawy
لأن هما مش هبل علشان يحتلوا مصر مش لقوة شعب و لكن لقوة مشاكل شعب
يعني هدفهم نأدي كأننا محتلين بس بأقل خسائر ليهم
وهما طبعا دراسينا كويس و عارفين قد ايه الفساد مستشري فينا
(ربنا اغفر لنا ذنوبنا و اسرافنا في امرنا و ثبت اقدامنا و انصرنا علي القوم الكافرين)