## السيريون 1000 cc جديدة دايهاتسو في مصر وجهاً لوجه مع الكيا بيكانتو ##

[أبو عبدالله]

انا هتكلم عن اداء الماتور وقوته
لأن سبق وتكلمنا عن العربيه في مواضيع كثيرة من قبل

ولذلك سوف نقارنها بمواتير الكيا بكانتو
بما ان البيكانتو في نفس الفئة السعريه
فالبيكانتو الفول اوبشن مانيوال بــ 65 الف
والسيريون بــ 69.9 الف

مع الاخذ في الاعتبار الفارق بان السيريون حاصلة على اربعة نجوم في التصادم الأوروبي واتنين اير باجز مع فارق الحجم الداخلي والفئة من سوبر ميني الى ميني لصالح السيريون اكيد

Max power
(bhp/rpm)

سيريون 1000 سي سي 3 سلندر
68/6000

بيكانتو 1000 سي سي 4 سلندر
61/5600

بيكانتو 1100سي سي 4 سلندر
64/5500

Max torque
(lb ft/rpm)

سيريون 1000 سي سي 3 سلندر
69/3600

بيكانتو 1000 سي سي 4 سلندر
63/2900

بيكانتو 1100سي سي 4 سلندر
72/2800

Kerb weight
(kg)

سيريون 1000 سي سي 3 سلندر
890

بيكانتو 1000 سي سي 4 سلندر
929

بيكانتو 1100سي سي 4 سلندر
936

0-60 mph
(secs)

سيريون 1000 سي سي 3 سلندر
13.9

بيكانتو 1000 سي سي 4 سلندر
16.4

بيكانتو 1100سي سي 4 سلندر
15.1

Max speed
(mph)

سيريون 1000 سي سي 3 سلندر
99.4

بيكانتو 1000 سي سي 4 سلندر
93

بيكانتو 1100سي سي 4 سلندر
96

اما من حيث المقاسات

بيكانتو .................. سيريون

Length (mm)........... 3,600 ........... 3,535

Width (mm)........... 1,665 ...........1,595

Height (mm)........... 1,550 ........... 1,480

Front headroom (mm)........... 1,007........... 984

Front legroom (mm) ........... 1,048........... 1,004

Rear headroom (mm) ........... 977........... 966

Rear kneeroom (mm) ........... 684........... 622

Boot space (min ltr) ........... 225........... 220

Boot space (max ltr) ........... 630........... 882

مفيش تعليق بعد كده بقه

[abohalmos]

ازيك يا ابو عبد الله ؟ بصراحة انت موسوعة فى السيريون و انا متابع مواضيعك و بصراحة لما بتكتب فى موضوع بتقفله ... يعنى محدش يقدر يحكى فيه بعدك... متشكرين جدا على معلوماتك الجامدة جدا
بس معلش لو اطلب منك كام سؤال لو تسمح ؟؟؟
1- ممكن مقارنة بين السيريون 1000 و 1300 مانيوال فول اوبشن ؟ عشان الواحد يحسبها لان الفرق دلوقتى او لو زادت السيريون 1000 هايبقى اقل من 10 الاف .بحيث يعنى مميزات و امكانيات كل واحدة .
2- دلوقتى السيريون 1000 نازلة بدون كاسيت و سماعات . فهل دول لازم يتركبوا فى التوكيل؟؟
3- موضوع 3 سلندر ده مقلقنى جدا .. فايه رايك فيه ... يعنى بعد مدة من الاستعمال الموتور هايتعب و لا ايه ؟؟ و خصوصا موضوع التكييف ده مهم بالنسبة لى ..
4- انا بشتغل طبيب و مشاويرى قليلة جدا و سواقتى جيدة تقدر تقول باحسس على العربية و اسرتى مكونة من زوجة و طفلة و منتظر مولود و ساكن فى الصعيد . فهل فى رايك العربية تكون مناسبة ليا خصوصا انه الحمد لله الشوارع عندنا اسفلت كويس و االمطبات نادرة عندنا ؟ و بالنسبة لموضوع الصيانة مش عارف اعمل ايه فيها؟
5- انا ان شاء الله ناوى اشتريها سيريون من الاتنين دول بالتقسيط من عبد اللطيف جميل . فيا ريت لو تعرف نظام التقسيط عنده .. يعنى المقدم كام ؟ و الفائدة ؟ و عنده تقسيط مباشر و لا ايه ؟
اخيرا .. جزاك الله خيرا ... و شكرا جزيلا على تعبك معايا ... و يا ريت لو تقبلنى صديق ليك

[أبو عبدالله]

الله يخليك وده من ذوقك اكيد
وربنا ييسرلك امرك ويرزق الخير ان شاء الله بس انت اكثر من صلاة الأستخارة

اما بخصوص نقاطك :
1- طبعا في فرق سعر بين 1000 سي سي و 1300 سي سي حوالي 10500 تقريبا
فرق الكماليات أظن انه هيبقى مش كتير يعني ممكن مثلا زي كرسي السائق مش هيدروليك في 1000 سي سي زي ما احد الأخوة قال

2- السيريون 1000 سي سي انا سمعت ان نازل فيها كاسيت سوني واكيد فيها سماعات امامية فقط
ولكن مفيش شماعات خالص أظن ده مش صح
وبعدين مش لازم تركب في التوكيل بس يكون حد محترم علشان ميقطعشي في السلوك يعني يكون بفهم بس

3- ولا الهوا والله
انا لي قريب معاه برودا كانشيل ماتورها دايهاتسو 3 سلندر من سنة 99 لحد الان لم يغير فيه اي شئ ومعدي 200 الف كيلو دلوقتي
وكمان مبيغيرشي زيت بانتظام يعني ممكن يغير زيت الف كيلو ويمشي عليه 3 او 4 الاف كيلو متر

فانا بقول انسى الموضوع ده

4- انا شايف ان 1000 سي سي هتبقى كويسه لك ولأحتياجك ان شاء الله
وهتوفر فارق الفلوس ده وربنا ييسرلك الخير ان شاء الله


5- اتصل بالأرقام دي

25200008 او 25167780

وهو ده الفرع اللي بيقسط تبع عبداللطيف الجميل في المعادي
وهما هيفيدوك ان شاء الله

اي استفسار اخر انا موجود بإذن الله

[محمد ابراهيم 1]

السيريون ال 1000 مصنوعه فين ؟

[A.Saad]

خلوها تصدى

أنا رأيي أساسا ان البيكانتو و السيريون يتظلموا لو إتحطوا مع بعض في مقارنة واحدة....

البيكانتو أصبح مبالغ في سعرها بشكل غير عادي....+ انها في فئة سعرية مش بتاعتها....

السيريون سعرها الحالي ممتااااز...بالمقارنة بحجمها و الاوبشنز المتاحة بها وبلد تصنيعها...تصبح صفقة رابحة 100%...

لكن للأسف...طالما الدفعة دي 100 عربية فقط...هايحصل نفس اللي حصل في البريليانس....و هاتزيد مش أقل من 3000 لحد 5000 جنيه

ساعتها هايرجع الفرق بين البيكانتو و السيريون ل 8000 أو 10000 جنيه ...فا طبيعي هتلاقي الناس بتبص علي البيكانتو تاني بحكم سعرها {رغم المبالغة فيه}

[tmedhat]

المحرك الالف سيسى نجح جدا فى العربيات الميرا و كانت العربيات دى طلقة فى السحب
و اعتقد ان حروح اتفرج عليها فى المعارض و حيكون لى نصيب فيها انا محتاج عربية اقتصادية مضمونة
و ما فيش احلا من كدة

[أبو عبدالله]

السيريون ال 1000 مصنوعه فين ؟

اليابان برضه
هيا العربيه هيا هيا ولكن فرق الماتور ده
مع العلم انه موجود اصلا من اول ما السيريون نزلت بالخارج ولكن مكنش موجود في مصر علشان الشاريد بس
وبما انهم مش هينزلوا الشاريد الجديده علشان سعرها
يبقى كده نزلوا السيريون مكانها

[bmya]

يا جماعه انا شايف سعر البيكانتو الفول اتوماتيك ب 73900 في الاهرام وطبعا ده كتييييييييييييير عليها اوي
لان العربيه لو هتتقارن بالسيريون بغض النظر عن 100 سي سي فرق في الموتور يبقي السيريون عربيه اكبر كماليات اكتر وصناعه ياباني 100%
البيكانتو صغيره نسبيا ومعلش الاتوماتيك عليها برده مش ميزه اوي لانه بيتقلها جامد ومش بتسحب اوي
لعتقد 70000 سعر معقول مقارنه بالاسعار الموجوده في مصر:k17:

طيب ياتري السيريون وان فيها الكاسيت المدمج في التابلوه
Abs وايرباج
جنوط
سبويلر
ولا هي فئة واحدة بس