محتار فى لانسر ولا نيسان صنى ولا بروتون جى ان 2 ؟

[Mody_Lancer]

محتار فى لانسر ولا نيسان صنى ولا بروتون جى ان 2 ؟
للعلم انى ان شاء الله ربنا يوفقنى انى عايزهم اوتوماتيك انا معايا لانسر 1998 مانويل بس عايز اغير
وخصتا انى عايز عربية تتحمل السفر الكتير
فا ايه رايكم ياشباب ؟
وانا من وجهة نظرى شايف النيسان قطع غياره غالى والبروتون اغلى بس المشكلة فى السفر هل احسن عربيات تتحمل السفر منهم ايه ؟

[momenhamdy]

الف مبروووووووووك مقدماً
اولاً حضرتك بالنسبة للموضوع الخاص بالاختيار بالنسبة للبروتون الي هي عربيتي (جين 2 ) طبعاً قطع الغيار مبالغ في سعرها و لكن بصراحة لو حضرتك من القاهره موضوع قطع الغيار حيكون ليك في غاية السهوله لو مش عايز تجيب قطعه الغيار من التوكيل و ممكن حضرتك تدخل قسم بروتون في المنتدي و تعرف المحلات الي في مصر الي شغاله في قطع غيار البروتون

ثانياً بالنسبة للنيسان الصني عربية محترمة من ماركة عريقة طبعاً و يمكن انا كنت حقتنيها ولكن انا تراجعت عنها لان الكانبة الخلفيه كانت ضيقة جداً بالنسبة لينا و يمكن ملاك السياره شايفين العيب دا و كان في كلام علي ان ال SuperSaloon كان فيها عيب ضفيره كهربا و كانت بتتحل في الضمان .... في ناس بتقول ان العربيه فيها استهلاك بنزين عالي شوية

ولكن بصراحة و بدون جدال العربيتن زي الفل و لكن لو حضرتك كل مشاوريك سفر زي ما بتقول توكل علي الله و هات جين 2 و مش حتندم ابداً
وربنا يوفقك الي الخير بأذن الله

[Ayman_52]

زى ماقال مؤمن...الجين2 فى السفر ممتعه جدا

سرعه + موتور محترم جدا +ثبـــــــــــــــات +مريحه+امان =جين2

وحضرتك ممكن تعرف عنها كل حاجه ...فى قسم بروتون

ومش هقدر افيد حضرتك فى النيسان...وانا شايف ان اللانسر كفايه عليها كده ولازم الناس تجرب عربيات تانيه....واللانسر لاتقارن بالجين2 فى السفر(راى اصحاب اللانسر)

وربنا يوفقك للخير ان شاء الله

[Mody_Lancer]

الف شكر ليكم يا احلى شباب والله انا من الاسكندرية وغير كده فى ناس بتقولى ان الجين 2 افرض حصلك عطل فى السكة مش اى ميكانيكى يعرف يصلحه فهمين قصدى وكمان قطع الغيار غالى انا محتار الصراحة وخصتا انى متعود على اليابانى هل اعطل الجين 2 كثير وعن تجربة من حضراتكم هل تتحمل سفر واستهلاك بنزين والكلام ده ياعنى المتور يعيش معايا ويكون كويس ولا حيضعف من كتر الاستهلاك والسفر يضعف بسرعة وهل الصيانة ايه نظامها فى التوكيل كويسة ؟

[momenhamdy]

الف شكر ليكم يا احلى شباب والله انا من الاسكندرية وغير كده فى ناس بتقولى ان الجين 2 افرض حصلك عطل فى السكة مش اى ميكانيكى يعرف يصلحه فهمين قصدى وكمان قطع الغيار غالى انا محتار الصراحة وخصتا انى متعود على اليابانى هل اعطل الجين 2 كثير وعن تجربة من حضراتكم هل تتحمل سفر واستهلاك بنزين والكلام ده ياعنى المتور يعيش معايا ويكون كويس ولا حيضعف من كتر الاستهلاك والسفر يضعف بسرعة وهل الصيانة ايه نظامها فى التوكيل كويسة ؟

بص يا باشا اولاً الجين 2 اساساً تصميم المحرك بتاعها عايز طرق مفتوحة يعني طرق سفر و دا بيخلي استهلاك العربية علي الطريق المفتوح يوصل الي 6.5 لتر / 100 كم تمام
ولكن بصراحة العربية داخل البلد بلاعة بنزين بمعني انها ممكن توصل من 10 الي 11 لتر / 100 كم ( ودا في حاله العربية عندي علشان اتوماتيك ) يمكن المنيوال يقل عن كدا بس مش كتير اوي يعني
بالنسبة لموضوع الميكانيكي و الكلام الي حضرتك كنت بتكتب عنده لو حضرتك حتتبع السياسة دي ( و علي فكره الكلام دا برده انا سمعتوا لما جيت اشتري العربية دي انا عايز اقولك ان الكلام دا وصل لحد الاوبل الكورسا السيدان الي هي موديل 2005 او 2006 ) فاكلام دا مش جديد عليا و لو اتبعت السياسة دي حضرتك حتلاقي نفسك راكب لانوس فيرنا لانسر ( في ناس بتفهم فيها بره التوكيل ) ودا راجع الي انتشار قطع الغيار بصوره كبيره اوي بره التوكيل غير العربيات الي انا بتكلم عليها دي حضرتك حتلاقي الكلام دا ان بتسمعوا كتير اوي اوي
المهم لو حضرتك مش من سكان القاهره او اسكندرية افضل انك متشتريش البروتون حالياً لان لسه مراكز الخدمة مش منتشره في انحاء الجمهوريه مع العلم ان حالياً في مركز تحت الانشاء في احد محافظات الدلتا
طيب نيجي بأ للصيانة بصراحة العربية بتدخل عندهم و بتطلع زي منا عايز و كله بيبقي تمام
وعلي فكره انا العربية عندي كانت عامله حادثه و مكنتش صغيره و لكن العربية رجعت زي الاول و يمكن افضل و الله بدون مبالغة بمعني ان علي الرغم انوا شغل يدوي من شغل مصنع يعني و الا الشغل طلع بنسبة لاتقل عن 98% و الي عايز اوضحوا من الكلام دا ان الصنيعية عندم حرفيه شديده جداً في الشغل دا غير ان المهندسين هناك في قمه الزوق و الاخلاق
ارجو ان اكون جاوبت علي كل استفسارات حضرتك
واي استفسار اخر انا تحت امرك

[Mody_Lancer]

الف شكر ليك يامؤمن وعل اهتمامك ياجميل فى اسكندرية فى توكيل ومركز صيانة لبروتون بس انا حقولك حاجة من غير زعل منى خالص رايك على عينى وعلى راسى بجد ياعنى بس انا شايف كل واحد راكب عربية يشكرلى فيها مش عارف اتخذ انيوا قرار الصراحة صحابى راكبين لانسر يشكرولى فيها والصنى يشكرولى بس بجد انا الجين 2 عجبانى جدا شيك اولا من الداخل صالون كويس شكل رياضى جميل امكانيات مش موجودة فى اللنسر او الصنى فيها امان فيها سنسور كلام جميل بس انا متخوف بردوا ومحتار وسهلة لو على قطع غيار ممكن اسافر القاهرة ده انا كل يوم والتانى بسافر حتا شكل ممكن سؤال ليك يامؤمن هى العربية معاك من اد ايه ؟

[momenhamdy]

الف شكر ليك يامؤمن وعل اهتمامك ياجميل فى اسكندرية فى توكيل ومركز صيانة لبروتون بس انا حقولك حاجة من غير زعل منى خالص رايك على عينى وعلى راسى بجد ياعنى بس انا شايف كل واحد راكب عربية يشكرلى فيها مش عارف اتخذ انيوا قرار الصراحة صحابى راكبين لانسر يشكرولى فيها والصنى يشكرولى بس بجد انا الجين 2 عجبانى جدا شيك اولا من الداخل صالون كويس شكل رياضى جميل امكانيات مش موجودة فى اللنسر او الصنى فيها امان فيها سنسور كلام جميل بس انا متخوف بردوا ومحتار وسهلة لو على قطع غيار ممكن اسافر القاهرة ده انا كل يوم والتانى بسافر حتا شكل ممكن سؤال ليك يامؤمن هى العربية معاك من اد ايه ؟

بص يا باشا طبعاً الي حضرتك بتتكلم فيه ده تمام و مظبوط و 10/10 ولكن النقطه الي بتتكلم فيها دي بيتحكم فيها العامل النفسي اكتر من العقلي يعني بالبلدي انها مرتاح لايه تدفع فيه فلوسك يعني مثلاً انا لما كنت بفكر اشتري عربية رحت اتفرجت علي الانسر لاقيت ان العربية ال 1600 امكانيات اساسية بدون كاسيت و بدون جنوط و فتيس منيوال كانت بحوالي 97 او 96 الف جنيه طبعاً انا شايف ان السعر مبالغ فيه جداً
كذلك الالنترا كانت قدامي العربية اول فئه فيها كانت ب 100 الف جنيه ( و الكلام دا مش معناه ان العربية مش كويسه لالالا بالعكس يعني انا مقتنع بالالنترا جداًجداً و الي يخليك تحس ان كان احساسي صح لما كان غبور عنده استوك لسه من 2008 نزل العربية و وصلها الي 96 الف فاهمني يعني دا يدل ان العربية سعرها كان في الاصل مبالغ فيه )
الي عايز اوصله لحضرتك انت بتحس المبلغ دا في محله و لا لا و الي بيحدد الكلام دا و عليه عامل كبير جداً بعد الاقتناع العقلي للشراء هي الحالة النفسية هل انت شايف انك مرتاح في المنتج و لا لا ؟!!!
العربية يا باشا معايا من 12/6/2008 و هي دلوقتي عامله 7000 كم
واي استفسار انا تحت امرك

[احمدعبدالعزيز]

توكل على الله واشترى gen 2

توكل على الله واشترى gen 2

انت معاك جين 2 يا استاذ زيزو