معروض علية لانسر 2007 Glx عاملة خمسة و عشرين ألف كيلو

**waelsamaha** · 26-02-2009 12:58 AM

أزيكم يا أحلى شباب نايل موتورز
أنا سألت كتير على لانسر كويسة تكون كسر زيرو
واحد عرض عليا لانسر 2007 Glx عاملة خمسة و عشرين ألف كيلو ضمان المصرية فاضل عليها ست شهور و يخلص
مانيوال و تكييف و بور و مفتاح ريموت و سنتر و زجاج كهرباء
1600 CC
و مفيش ولا مرة صيانة فى التوكيل
مش رشة برة ولا جوة و مفيهاش تجريح
و مفيهاش كاسيت
الكلام وقف نهائى على أربعة و تمانين ألف
أفيدونى يا شباب نايل موتورز لأنى محتار جامد و خايف تكون فرصة كويسة و تضيع منى

**waelsamaha** · 26-02-2009 01:00 AM

مستنى ردكم يساعدنى فى القرار يا شباب

**مصراوي جدا** · 26-02-2009 10:17 AM

اهلا يا استاذ وائل

بخصوص الضمان فالمفروض العربية تكون عملت صيانة الألف والعشرة والعشرين في التوكيل للمحافظة على الضمان ولو معملتهمش يبقى الضمان سقط

وعموما الضمان للمالك الأول فقط فحتى لو الضمان ساري فمش هيكون ساري للمالك التاني

صيانة الألف والعشرة والعشرين عبارة عن تغيير زيت وفلتر اساسا مع مراجعات عادية وبالتالي لو كان بيعملها بره التوكيل بس في مواعيدها (تغيير الزيت والفلتر) يبقى مفيش خوف على العربية في حاجه وده المهم

بخصوص السعر مقدرش افتي فيه انما الزيرو 2009 للانسر 1600 مانوال بـ 106 ألف حاليا اعتقد تنزل في بعض المعارض الى 104 ألف ، وبخصوص 2007 ممكن تتصل بكام معرض بيبيع المستعمل وتقول له عاوز ابيع عربيتي مواصفات كذا فتسوى كام وبكده تاخد فكره هل السعر عالي ولا مناسب

لو تحب تتطمن على العربية قبل الشراء ممكن تجيبها تكشف عليها في التوكيل بـ 200 جنيه كشف كامل