75% من مصانع السيارات مهددة بالإغلاق

**AbO_FaRaH** · 07-03-2009 06:04 PM

أكد وليد توفيق عضو شعبة السيارات، أن قطاع السيارات يعمل به أكثر من 75 ألف مصرى، وهم جميعاً يتعرضون للخسارة الآن دون أن يشعر بهم أحد، وأضاف أن 75% من المصانع مهددة بالإغلاق، بعد أن اتجهت إلى تخفيض إنتاجها الآن، نظراً لحالة الركود التى يمر بها القطاع "فالإنتاج بدون تسويق خسارة كبيرة".

وطالب توفيق بضرورة خفض الجمارك 10% لتنشيط السوق مع ضرورة خفض سعر السيارات المصنعة محلياً لتجاوز حالة الركود التى نمر بها.

وتشهد سوق السيارات أزمة جديدة الآن، بعد أن طالبت شعبة السيارات فى اتحاد الغرف التجارية بضرورة وقف ضريبة المبيعات لمدة ثلاثة أشهر ولم يستجب أحد، ومازالت مصروفات التخزين عالية ومازالت الضريبة يتم فرضها رغم ارتفاع أسعار النقل والتخزين بنسبة 50%.

هذه المطالب من الشعبة جاءت كمحاولة لإيجاد مكان للتصرف فى المخزون الراكد الذى يؤدى إلى مزيد من الأعباء المادية ومزيد من الخسائر منذ بداية الأزمة العالمية، إلا أن عدم استجابة أحد يعرض الصناعة بأكملها لأسوأ كارثة لها من بدايتها.
منقول:الربط
http://www.youm7.com/News.asp?NewsID=76933

**Drift_Lover** · 07-03-2009 06:35 PM

شكرآ علي المعلومة...

**mk20022002** · 07-03-2009 06:41 PM

البلد دى خلاص شكلها كدة مش هتعدى الازمة دى

http://www.nilemotors.net/Nile/showthread.php?t=63099

**wesam_salom** · 07-03-2009 07:22 PM

هى جت على قطاع السيارات

ده قطاع فاشل اساسا

الحكومه بتحميه من زمان وفارضه جمارك وضرايب

(فائده الجمارك هى حمايه الصناعه الوطنيه)

ولسه بعد كل ده لسه القطاع ده مش قادر يتطور وينافس المستورد

ده معناه الفشل الذريع

خليه يخرب

**medo_2060** · 07-03-2009 07:58 PM

احسن محدش من المستهلكين هيزعل على الناس دى ولا هيقف جنبهم لانهم فرضوا اسعار ظالمه على المستهلكين من البدايه وتعاملوا معاهم بقمه الاستخفاف
خليها تصدى

**Hacker5** · 07-03-2009 10:47 PM

خلوهم يفلسوا و عربياتهم تصدى

**zeyad1810** · 07-03-2009 11:05 PM

المشكلة ماثرة على كل حاجة بجد فى البلد والحكومة بتاعتنا فى وادى تانى خالص
ضرايب غبية وجمارك اغبى وعمالة تاخد من الشعب فلوس باى طريقة ممكنة وغير ممكنة

**badry** · 08-03-2009 12:09 AM

تمام اوى كده...

خليها تصدى و موديلها يعدى

ياريت الصوت يعلى اكتر....و الدموع تنزل اكتر...و الضغط على حكومة السبوبة يزيد اكتر....
خليهم يفهموا ان عشان الجباية تستمر...لازم تقل شوية... عشان الأزمة العالمية...

مش كفاية ان حوافز الموظفين و اساتذة الجامعة تأجل صرفها عشان الأزمة؟؟؟

مافيهاش حاجة لما الجباية تقل شوية على العربيات...ما هى ازمة عالمية بقى.....