بتستخدم الاشارات الجانبية وانت داخل يمين او شمال؟

[د. علاء ابراهيم]

دائما استعمل الإشارات اثناء القيادة ، وبطريقة تلقائية ....يعنى حتى لو ما فيش عربيات ورايا ، لأنى اعتقد انه من حق الجميع بما فيهم المشاه ، ان يعرفوا انا ناوى امشى إزاى . لأن فرص عبور الشارع للمشاه احيانا بتكون محدوده جدا ، فلما يعرفوا مثلا إنى مش ماشى طوالى وناوى ادخل شمال باديهم فرصه يعدوا الشارع ... قبل ما تيجى عربيات تانيه من ورايا ومايعرفوش يعدوا بأمان.

انتا راجل عسل
كان انا اللى بتكلم

[M.Mokhtar]

طبعا
دا انا كيف عندى استعمل الإشارات دى والانتظار على الطريق لما يكون فى مطبات
وطبعا لما اجى اعدى حد ويشد قصادى وبعد ماعدية كدة اعملة اشارة شمال فى يمين ههههههههههههههههههه

+1000000000

3- يمين فى شمال ... عند الدخول لمفترق طرق ......
يعنى الاستمرار فى نفس الاتجاة
يعنى لا هياخد يمين ولا هياخد شمال هايمشى على طول

اى حد جاى من وراك وتديله يمين فى شمال ده معناها اختارلك طريق انا همشى زى ما انا (اتصرف انت من الاخر)
او معنى اخر ان نورك عالى وضارب فى عينى خلى عندك دم واطفى النور العالى

4- اشارة يمين فى شمال و يعقبها فلاشر .......
يعنى اعتذار لحركة اثرت عليك غصب عنة

معناها ان الطريق مقفول قدام لا يمين ولا شمال هينفعك هدى عشان كده كده كله هيهدى (فى زحمه او دخول فى طريق اضيق من الحالى )

5-فلاشر بعدين اشارة يمين او شمال متصــــلة .......
يعنى هايدخل الاتجاة او الدوران دة على الهادى

مظبوط جدا

6-اشارة يمين مستمرة - بعدين شمال متقطعة
يعنى هياخد الدوران على الزاوية الضيقة اليمين بعدين ... هاينتقل للزاوية الواسعة شمال و (العكس صحيح)

دى عادى مش معروفه اوى بس بيستخدمها الناس اللى ليها فى الجرى
عشان المفروض الملف تلتزم بحارتك وتهدى سرعتك وانت داخل
عايز تجرى وتاخد الملف على الضيق ووتوسع لنفسك او على الواسع وفى ضيق عشان تاخد الملف على سرعه اكبر يبقى لازم تخلى بالك من العربيات اللى معاك وتديهم الاشاره عشان محدش يشد جنبك وانت داخل الملف

بالنسبة لليمين فى شمال لما تطلع من حد دى مجرد انها حركه تدل على انك الفائز ده لو انت طلعت من واحد بيشد معاك
مش لازم نقلب كل حاجة لشتيمه وكلام ملوش لازمه
انا هشتمه ليه يعنى؟ عشان عربيته ضعيفه ومش هيقدر يشد معايا؟
لازم نبقى محترمين اكتر من كده

انا ليا بقى حركه مش عارف دى متعارف عليها ولا لأ
لما بلاقى حد بيشد ورايا وغاوى يلزق فيا خصوصا بليل بنور نور الشبوره الخلفى :) بيبعد عنى على طول عشان بيحس انى بفرمل فبيقلق (مش بنصح بتركيب نور مبهر للشبوره الخلفى عشان بيضر جدا اللى وراك)

[دموع الثلج]

بستعملها طول الوقت

يمين وشمال فى الدخلات او الملفات ولما احب اعدى من عربيه مرخمه

والانتظار عند المطبات الحلزونيه اللى فى شوارعنا ولو طالعه من نفق ولقيت الشارع واقف قدامى او عند منزل كوبرى

الاشارات والمرايات الجانبيه والفرامل اهم شى

[badblood]

طبعا لازم استخدم الاشارة اي نعم 98% من الشعب العريق يبطلع ايديه ورجليه من الشباك

[ibrahimsaad]

الحمد لله باستخدم الاشاره حتى لو مافيش حد ورايا

لكن المشكله عندنا فى الهباب الجديد اللى اسمه تكتك ده

مايعرفوش حاجه اسمها اشاره ولايعرفوا يعنى ايه قواعد مرور

يعنى مثلا كنت باخد ملف يمين ومدى اشاره من بعيد جدا قبل الملف بكثير وخلاص هااعدى الاقى الحمار بتاع التكتك سايب الطريق واسع ومصر انه يعدى من شمالى رغم الاشاره اللى مديها له
وكان هيلطش فى الا اننى توقعت خطئه مسكت فرامل على الاخر والاغرب ان سيادته مش عاجبه كمان بيزعق وفاكر انه صح

وخد من ده كثيييييييييييييييييييييير

[M.Osman]

طبعا بستخدم الإشارات ...

بسم الله ما شاء الله ( 95% ) من الناس بيقولوا انهم بيستخدموها ...

فين الكلام ده ؟ اكيد فى المريخ مش في مصر ....ههههههه

[ahmedsamir79]

أكيد بستعملها
رغم إن في ناس كثيرة بطلت

[MohaMed_Refaat]

لو الشارع اللى ماشى فية زحمة وطبعا لاغنى عن الاشارات اما لو الشارع فاضى حستعمل الاشارة لمين
وكمان لما اكون فى ملف واضح وانا واخد الجمب الصحيح اليمين مثلا فلية اشغل الاشارة مهو انا كدة كدة حلف وواخد الجمب الصحيح .

[M.Mokhtar]

لو الشارع اللى ماشى فية زحمة وطبعا لاغنى عن الاشارات اما لو الشارع فاضى حستعمل الاشارة لمين
وكمان لما اكون فى ملف واضح وانا واخد الجمب الصحيح اليمين مثلا فلية اشغل الاشارة مهو انا كدة كدة حلف وواخد الجمب الصحيح .

الموضوع مش كده
يعنى لو مثلا الملف الل ىتبقول عليه ده فى مكان مظلم لازم تدى اشاره عشان اللى جاى وراك ممكن مش ياخد باله ان على اليمين ملف

ده غير ان الاشاره بتختلف حسب الموقف
يعنى لو مثلا بتشد مع واحد غالبا بتدى اشاره للطريق المقفول مش الطريق اللى انت هتنقل ليه
يعنى لو بتاخد غرزة مثلا شمال بتدى اللى بيشد وراك اشاره يمين عشان يفهم انك داخل شمال واليمين مقفول قدامه

الحوار اكبر من كده بكتيييير بس محتاج ناس حافظه العربيه ودامغها كلها فى الطريق والاشارات والمرايات ال 3

[magyver]

والله الاشارات دة عادة عندي تلاقيني عمال بشغلها حتي لو ماافيش حد ورايا وساعات بشتغل بيها النااس بردة ههههه
يمين ×شمال