صيانة العشرين ألف كم في دايهاتسو العبور

[aliabutaleb]

السلام عليكم ورحمة الله وبركاته

قمت يوم السبت 28/2/2009 بعمل صيانة العشرين ألف كم بمركز خدمة دايهاتسو بمدينة العبور وكانت لي الملاحظات الآتية:

- قمت بحجز الموعد قبلها بأكثر من شهر ونصف

- كان في نيتي شراء الفرش الجلد من المركز وتأكدت من وجوده عن طريق مركز خدمة العملاء ومرة ثانية عندما وصلت من الاستقبال ومرة ثالثة من مركز بيع قطع الغيار والاكسسوارات قبل الشراء مباشرة وفي كل مرة كان يتم التأكيد أنه متوفر ولكن عندما طالبت بخصم الـ 10% المقرر للأعضاء قيل أن الفرش غير متواجد (باحاول أغلب حسن الظن)

- تم الاستفاد من الخصم على الصيانة وقطع الغيار بمجرد الإبلاغ بأنني من الذين قاموا بحضور مقابلة نايل موتورز الثانية

- قيل لي من مهندس الاستقبال إن العمل في السيارة سيستغرق ساعتين تقريباً وبالفعل استلامتها بعد ساعتين ولكن لاحظت بمراقبتي للسيارة أن العمل فيها لم يتعدى الربع ساعة وباقي الوقت كله كان انتظار لحين غسيل وتنظيف السيارة هذا شئ يحسب للتوكيل في تقليل زمن العمل على السيارة بالرغم من طول الانتظار حتى الغسيل

- تنظيف السيارة من الخارج والداخل كان أسوأ ما يمكن على خلاف المعتاد من المركز لدرجة أنني لم ألاحظ فرقاً يذكر قبل وبعد الصيانة

- بعد الانتهاء من الصيانة ملحوظ طبعاً انخفاض صوت المحرك بعض الشئ بالإضافة إلى النعومة مع المطبات والنقر وقوة فرامل اليد

- أضم صوتي لملاحظة الاخوة هنا التي أشارت لسوء حالة صالة الانتظار وهذا بخلاف تعطل الريسيفر وحتى الانترنت اللاسلكي في ذلك اليوم

- المبلغ المدفوع للصيانة 458 جنيه شامل تغيير فلتر الهواء

- أخيراً وكالمعتاد لا أخبار إطلاقاً عن موعد افتتاح مركز أبو رواش

[عمرو عمارة]

مبارك الصيانة يا علي

هما ماحسبوش صيانة الـ10 الف وضافوها على إجمالي المبلغ ؟

[aliabutaleb]

مبارك الصيانة يا علي

هما ماحسبوش صيانة الـ10 الف وضافوها على إجمالي المبلغ ؟

الله يبارك فيك يا عمرو
معلش انا مش فاهم قصدك بالظبط
هما الـ 458 جنيه تشمل صيانة الفرامل وفحص السوائل بالإضافة لسعر الفلتر

[عمرو عمارة]

معليش يا علي أنا أسف....كنت فاكرك بتكلم عن صيانة الـ15

أصلي أنا رايح أعمل صيانة الـ15 ألف السبت الجاي إن شاء الله وإنت عارف أنا مش عامل صيانة الـ10 ألف قبل كده

[aliabutaleb]

معليش يا علي أنا أسف....كنت فاكرك بتكلم عن صيانة الـ15

أصلي أنا رايح أعمل صيانة الـ15 ألف السبت الجاي إن شاء الله وإنت عارف أنا مش عامل صيانة الـ10 ألف قبل كده

تتم على خير إن شاء الله
ومتنساش تبقى تقول لنا انطباعاتك :)

[ows212]

مبروك يا ابوحمزة صيانة ال 20 الف
عقبال ال500000 ان شاء الله

[ows212]

أصلي أنا رايح أعمل صيانة الـ15 ألف السبت الجاي إن شاء الله وإنت عارف أنا مش عامل صيانة الـ10 ألف قبل كده

انا كنت عملت صيانة ال15000 بدون ما اعمل ال10000 ممكن تقول انه عمل الصيانتين مع بعض وبيحاسب علىصيانة ال 10000 اللى هى تكلفتها اعلى

[معاذ الشرباصى]

مبارك عليك الصيانة يا على

هو فعلا فى الاونة الاخيرة لما رحت مركز الصيانة لقيت ان صالة استراحة العملاء فوق و الحمامات تحت محتاجة صيانة و اهتمام اكتر من كده

م/احمد عبدالوهاب بيبقى مشغول جدا فالواحد بيقوله اللى بيفتكره

كذا مرة ابقى عايز اقوله على دى, و على كمان اختفاء صندوق الاقتراحات و الشكاوى من الاستراحة فوق فى ظروف غامضة

[MoToRiZeR]

انا أخر مرة رحت كان الصندوق موجود يا معاذ بس أخر ثلاث مرات رحت كان الإنترنت اللاسلكي مش شغال .

بالمناسبة هو الفرش بكام يا علي ؟

[معاذ الشرباصى]

انا أخر مرة رحت كان الصندوق موجود يا معاذ بس أخر ثلاث مرات رحت كان الإنترنت اللاسلكي مش شغال .

بالمناسبة هو الفرش بكام يا علي ؟

انا اخر مرة كنت هناك الخميس 26 فبراير و مكنش موجود, و قبلها كذا مرة مكنش موجود برضه

اما النت فبقالها كتير مش شغالة, و لما حد يسأل يقوله دى عطلانة من يومين بس!!

الفرش تقريبا ب 300-330 بس على يقولك الرقم بالظبط