سير الكاتينة و مخاطر انقطاعه

[saidbakr]

انا دايما اسمع عن سير الكاتينة و انها تبقى مصيبة لو انقطع موش عارف بتكسر ايه و لا بيقولوا باين بتتني عمود الكرنك و حاجات زي كدة.

انا حصل معايا في عربيتي الشاهين، إن سير الكاتينة انقطع و انا ماشي جوة البلد (كفرصقر) ، كنت ماشي سمعت صوت غريب و شميت ريحة و على طول العربية وقفت و جيت ادورها ما رضيتش تدور، و كل اللي عملته اننا زقينا العربية عند الميكانيكي و اشتريت سير جديد و ركبه و خلص الموضوع على كده.

يا ريت حد فاهم يقولي بالظبط ايه حكاية سير الكاتينة و دوره ايه و كمان ايه تفسير اللي حصل معايا ده؟!!!

[MMamdouh]

الموضوع دة بيعتمد على تصميم الموتور

فيه مواتير بتبقى non interference يعنى لو المكبس وصل للنقطة الميتة العليا مش حيخبط فى اى صباب و هو مفتوح على الاخر... العربيات دى مفيش خطر عليها لو السير بتاع الكاتينة اتقطع و غالبا دى بتبقى مواتير بتكنولوجيا قديمة و نسب الانضغاط فيها قليلة

المواتير الاحدث بيبقى فيه interference بين البساتم و الصبابات المفتوحة و بالتالى لو الكاتينة اتقطعت البستم حيخبط فى اى صباب مفتوح و يعوجة و ممكن مع محاولات تدوير الموتور المتكررة الصباب يكسر الجايد بتاعة او هو شخصيا يتكسر و يسبب اضرار جسيمة للبستم ووش السلندر

طبعا اللى بيمنع حصول حاجة زى كدة و الموتور شغال طبيعى هو الضبط الصحيح لتقسيمة الكاتينة

MMamdouh

هل يعني أقدر أفهم من كدة، إن موتور الشاهين من النوعية اللي ما بتأثرشي من انقطاع سير الكاتينة؟

[MMamdouh]

yes

MMamdouh

شكرا يا أخ ممدوح على المعلومات المفيدة و لكن سؤال :

كيف اعرف العربية التي يؤثر بها أنقطاع سير الكاتينة من عدمه ؟؟؟؟؟

هل كل الحديث هكذا ام لا .؟؟؟؟؟؟؟؟؟؟؟

[MMamdouh]

لازم تسال فى الموضوع دة لان مفيش قاعدة عامة لمعرفة القصة دى... هو بشكل عام العربيات اللى نسبة الانضغاط فيها عالية (9.5 و اكتر) بيبقى فيها interference engine

اسال دايما الميكانيكى اللى بيشتغل فى العربية اللى عايز تعرف عنها المعلومة دى او اسال ملاك العربية يمكن حد له تجربة سابقة

القصة دى بتفكرنى بحوار طويل حصل بينى و بين عضو فى دايوتك و هو كان معاه دايو ريسر و انقطعت منة كاتينة و العربية مجابتش صبابات و فضلنا نجادل مع بعض على ان دة مستحيل يحصل و لازم العربية تجيب صبابات و هو ياكد ان الموتور محصلوش حاجة لحد ما وصلنا ان الخدعة فى ان موتور عربيتة نسبة الانضغاط فية 8.5:1 و بالتالى موتورة مش interference engine

MMamdouh

معلومة قيمة فعلاً يا م ممدوح - الف شكر

ماذا عن النوبيرا الحديث ؟

[MMamdouh]

interference engine

قطع كاتينة = طقم صبابات

MMamdouh

طب هو ايه وظيفة سير الكاتينه؟

[MMamdouh]

توصيل الحركة بين عامود الكرنك و عامود/اعمدة الكامة

MMamdouh