بفضل الله عملت صيانه الالف يوم الاتنين 16-3

[akarem]

السلام عليكم ازيك يا احبائى يا رب تكونوا بخير
معلش اخرت عليكم بأخبارى
اولا حجزت يوم السبت واخدت معاد الصيانه يوم الاتنين
قالت لى تعالى قبل الميعاد بربع ساعه كان معادى 10.45 روحت فعلا 10.30 انتظرت حوالى 20 ساعه لغاية ما جه دورى استلم منى المهندس العربية وقالى على تفاصيل الصيانه وقالى انها مجانية طبعا سالته على الانذار طلع فعلا غاااااااااااااااااااالى قوى 890 وقالى انه جاى من اليابان والحاجات ديه قولتله لا شكرا و مركبتش طبعا
واضايقت طبعا السعر عالى قوى حتى لو يابانى وكمان اللى عرفته منكم هنا انه كمان امكانياته اقل من القديم
المهم قالى ان شاء الله هتستلم على الساعه 12.30 طلعت قعدت في الاستراحه شكلها شيك وحلو بس برضه كان الانترنت مش شغال وديه حاجه زعلتنى لانى شغلى معتمد على النت وكنت رايح في يوم شغل فكنت محتاج النت المهم قضيت شغلى بالتليفون وطبعا من وقت للتانى كنت بابص على العربية من فوق ولما جات الساعه 12.30 فعلا قالوا اسمى فرحت قوى من دقه المواعيد
بس ده كل اللى عايز اقوله
معلش طولت عليكم
السلام عليكم
وربنا يوفقنا ويحفظنا جميعا

[توفيق طة]

ألف مبروك أخ/ أكرم .

لكنك لم تذكر أخبار العربية بعد الصيانة .

وعقبال ال100 ألف كيلو.

تحيــــــــاتى

والله هيه العربية ملاحظتش فيها تغيير قوى
لانهم اصلا مغيروش حاجه لسه
بس العربية جميلة قوى وتحس انها صغيرة على الطريق كبيرة من جوه وتحس انك مسيطر عليها يعنى اقصد ملمومه على الطريق مش بتزعج حد
وكمان استهلاك البنزين عجبنى جدا الحمد لله اخر مرة فولت كانت عند الشرطه اللى قبل الاخيرة وكانت عامله 500 كيلو بالنسبة لى استهلاك جميل جدا وموفر
يعنى ممكن استهلك في الشهر بحوالى 250 جنيه وابقى مقطع نفسى خروجات لانى كمان انا سوقتى هادية مش بعدى ال 90
والكاسيت جميل وعلى فكرة ليه ريموت انا سالت اللى في المعرض قالى اه الريموت بتاعك موجود بس هوا في فرع المعادى لان عربيتى اصلا كانت في فرع المعادى وانا اشتريت من فرع المهندسين
فقالى هاجيبه واتصل بيك
بس ساعات بحس ان الموتور صوته عالى بس مش مزعج يعنى
العفشه كويسه مش ناعمه ولا ناشفه
اداء العربية جميل مش بحس انها 1300 خالص
سحبها حلو قوى بالنسبة لى لان بطبيعه سواقتى انها هادية
ولو حد عايز يسأل على حاجه انا موجود وفي الخدمة

[ows212]

مبرووك الصيانة يا استاذ احمد عقبال صيانة ال 100000 ان شاء الله

[for_ever]

الف مبروك يا باشا
بس عندي سؤال
هو زيت الموتور مش المفروض بيتغير في صيانة الاف و للا علي صيانة ال 5 الاف ؟
شكرا

[akarem]

الله يبارك فيكم كلك
الزيت بيتغير على صيانه ال 5 الاف
هوا صحيح كاوتش العربية تيوب لس

[askoda]

Yes Tubeless

[mecho_392]

ألف مبروووووووك يا باشا و عقبال ال 1000000000 كم. ربنا يحفظهالك

[hhhmmmzzzz]

الف مبروك انتم السابقون ونحن اللاحقون عقبال صيانة ال100الف وربنا يباركلك فيها ويكفيك شرها