هل الــ (ريسورس) بديل فعلاً لعمرة الموتور

[Akram]

عندي سؤال عن المواد اللى بتوضع في الموتور كبديل للعمرة ( ريسورس ),
هل صحيح انها تغني عن العمرة,
و ما هو الذي تفعله بالضبط للموتور.

[fahd_628]

بصراحة مش عارف

بس اعتقد انها حل مؤقت يعنى مش بتغنى عن العمرة ( !!! مش متأكد !!! )

و ممكن البشمهندس سبعاوى يجاوبك فى الموضوع دة

[Ahmed Hassan]

لأ طبعا مش بديل عن العمره لكنه ممكن يأجلها في بعض الحالات.
لو مثلا فيه شنبر تعبان شويه هوه بيحسن الآداء عن طريق ملىء الفراغات. بردو لو فيه أي شقوق بسيطه في أي جزء من الاجزاء داخل غرفه الاحتراق هوه بيملاها لكن مش هيصلح بستم او كامه مكسورين

[Akram]

شكراً للرد, لكن إزاء بيملا الفراغات أو الشقوق ، هو مش المفروض انه سائل ، فكيف سيصبح صلب في الفراغات أو الشقوق.

[ahmed1981]

ينفع لو المشكلة هي تآكل الإسطوانات (لكن لو شنبرمكسور مش هيفيد)

سبيكة الحديد التي يصنع منها السلندرات أو بلوك الموتور لها خاصية ميكروسكوبية وهي فراغات تستطيع الإحتفاظ بمواد مالئة
وهذه الإضافات تسمى سوائل التزييت الجاف
وهذه السوائل خواصها تتغير مع وضعها في المحرك
وهي تقوم بملئ التآكلات في جدار الإسطوانات مع الحركة
ولذلك فإنها تفيد لو كان التآكل طفيفا وتكون طبقة كطبقة التيفال في الأواني التيفال (مثال تقريبي نسبي مش هتبقى زي التيفال بالضبط)
فلو العربية حالتها متوسطة مش مفوته قوي ممكن تستخدم الزيت مرة وتجرب
لو جاب نتيجة يبقى خير لكن لو مجابش نتيجة يبقى مفيش أمل فيه

ولا بد من إتباع الخطوات المكتوبة على الإضافة خطوة خطوة

[Akram]

شكراً م/ أحمد للتوضيح,
تقبل الله منك الصيام و القيام ووفقك لقراءة القرآن.

[شريف]

طب هو بكام ؟

[ahmedezzat78]

انا جربتو فى عربيتين وجاب نتيجة فى عربيه وما جابش فى الاخرى

لو فيه مسامات فعلا هيملاها وتحس بالنتيجه بعدم نقصان الزين او قله معدل نقصانه

لكن لو التاكل ادى الى ان السلندر اصبح شكله بيضاوى (تاكل شديد) فلا غنى عن الخراظة والعمرة

[Nile_Storm]

رايي انه اي كلا م و العمره اضنمن خصوصا انه مش رخيص علي حد معلوماتي

[ahmed1981]

أنا شفت نوع في التوفيقية سعره 65 جنيه
مش غالي
بتحطه مع الزيت ومتغيرش زيت لغاية 7000 أو 10000 كلم تقريباً
أنا كنت مشتري واحد من السعودية شكل اللي شفته في التوفيقية
وإستخدمته في سيارة والفرق يكاد يكون غير محسوس