وا . . لانسراااااااااااااااااااا اااااه ؟!!!!!!!!!!!!!!!!!!!!!!!!!!

[kantalub]

النهاردة كنت ماشي بالعربية "لانسر خليجي مو 2006 ، ، هيدروماتيك1600 " وفجأة لقيت في صوت غريب طالع وقفت بيها رحت مدور تاني مرضيتش تدور أنا افتكرتها محتاجة مياه ،، وزودت مياه وفجأة لقيت دخان طالع . . المهم كلمت الميكانيكي وقالي هأبعتلك واحد . . وجه قالي الجواني ضرب .. قلتله يعني ايه ؟! . . قاللي وش السلندر ضرب يعني ولازم يتغير الجواني . . وكمان ساعة الثيرموستات خربت . . . !!!!!

المهم العربية اتقطرت بتاكسي وهنا اول سؤال ؟ . . هل في خطر ممكن من موضوع القطر ده ولا عادي مع العلم ان في مكان تتسحب منه العربية ؟! . .

تاني سؤال هل اللي حصل ده طبيعي والعربية لسه بقالها سنتين بس . . عاملة 39000 كيلو بس ؟! . .

هل ده هيأثر علي العربية فيما بعد وهعاني منه للأبد ولا المشكلة لو اتحلت خلاص كله هيرجع زي الأول ؟!

بالنسبة للشراء جواني جديد – إيه الانواع المناسبة للعربية والتايواني كويس ولا وحش لأني ما لقتش ياباني خالص ؟!!

وازاي أطمن ان شغل الميكانيكي زي الفل وانه عمللي حاجة نضيفة وما نصبش عليا ؟! . . مع العلم اني من سوهاج وللأسف الكمبيوتر مش متوفر . .


واخيرا . . بالنسبة لسعر العربية "لانسر خليجي مو 2006 ، ، هيدروماتيك1600 " يوصل كم دلوقتي ؟!!!! . . وهل حلة الموتور تنزل كتير من سعرها ؟!!!


وفي النهاية كل الشكر لمن سيساهم في نجدة لانسراوي يائس . . :k10:

[nasr-eldeen]

ربنا يعوض عليك ولعل ذلك رفع عنك ماهو أسوء ؟
ولا نقول الا الحمد لله .
بالنسبة لموضوع القطر أنا قرأت في كتالوج السيارة أنه غير مستحب للأتوماتيك ولكن لو أضطررت فلا بأس ولكن لمسافة ليست طويلة وأن تكون بسرعة بطيئة . والله أعلم

بالنسبة لموضوع أن ده طبيعي ولا لاءه ؟
هو بالفعل ده طبيعي لأنك لو زودت أي سيارة موتورها ساخن بالماء والموتور في حالة ايقاف فمن الطبيعي أن يحدث شرخ في وش السلندر وذلك لأن الموتور ساخن والماء بارد والموتور في حالة إيقاف فبالتالي دورة المياه متوقفة فيسير الماء في الإتجاه الخاطئ مما يتسبب في إختلاف درجة الحرارة المفاجئ مما يحدث انبعاج في أجزاء الموتور ، وهذا ليس له أي علاقة بعمر السيارة أو عدد الكيلو مترات . والله أعلم .
وعلى فكرة أنا كان معي سيارة فيات بترا 2003 وكنت نسيت أغطي إربة الماء وسافرت بالسيارة والمياه خلصت من السيارة وفوجأت وأنا بهدي أن موتور السيارة توقف ولا يقبل التشغيل ولمحت مؤشر الحرار وصل للجزء الأحمر فإنتظرت حوالي نصف ساعة حتى نزل المؤشر ثم شغلت السيارة وزودت الماء دارت معي وهكذا كلما ارتفع المؤشر توقفت حتى وصلت .
فأعتقد أن سبب توقف موتور السيارة هو ارتفاع درجة الحرارة ولكن الخطأء في تزويد الماء دون إنتظار وصول درجة حرارة الموتور للدرجة التي يمكن تشغيلة عندها وتزويد الماء بعد ذلك . والله أعلم .

بالنسبة لمدى تأثيره على السيارة فيما بعد ؟
أعتقد لو تم إصلاح الموتور بتغيير القطع المعطوبة بأخرى أصلية في مكان موثوق منه ( التوكيل ) فلن يؤثر . والله أعلم .


بالنسبة للسؤال الرابع ؟
اشتري الأصلي الياباني ولو مش موجود عندك اتعب وتعالى اشتريه من التوكيل بالقاهرة ( اللانسر جميع قطع غيارها الأصلية متوفرة لدى الوكيل ) وللإطمئنان أتصل بهم قبل حضورك للتأكد من توافر القطع المطلوبة .
ولو كان سعرها أغلى حبتين فهي قطعة أصلية أحسن من أن تندم بعد ذلك وتنبيهات ملاك اللانسر في قسم اللانسر كثير تحض على شراء القطعة الأصلية لما عانوا منه بعد تركيب قطع أخرى . والله أعلم


السؤال الخامس ؟
يقولون أن اللانسر ليست من السيارات المعقدة ويستطيع الميكانيكي المحترف التعامل معها .
عن نفسي لا أحب التعامل في أي سيارة أمتلكتها خااااارج التوكيل لما رأيته من وجع دماغ مع السيارة ال 132
ولكن معرفة الصنيعي الجيد من غيره تخضع لسمعته في منطقته إسأل في نطاق ورشته عن سمعته وأمانته وحرفيته مرة واتنين وعشرة وإن كنت أنصح بالتوكيل حتى لو مكلف شوية بس مضموووووون وشغلة في السيارة عليه ضمان لكن مع الصنيعي بعد ما تسيب الورشة لو لا قدر الله حدث شئ يقولك أنه عيب آخر ويلعب معاك لعبة القط والفار تجيلو من هنا يجيلك من هنا
فلذلك أنصح بالتوكيل التوكيل التوكيل حتى لو هتشيل السيارة وتجبها هنا .والله أعلم


السؤال السادس ؟
ألله أعلم .


آسف على الإطالة .
وآسف على سطحية معلوماتي فأنا غير متخصص في ذلك ولكن حبيت أساعد بمعلومة تعلمتها .

[MadoZz]

اتمني تكون وجدت الجواب في كلام الاخ نصر . .

[kantalub]

ربنا يعوض عليك ولعل ذلك رفع عنك ماهو أسوء ؟
ولا نقول الا الحمد لله .
بالنسبة لموضوع القطر أنا قرأت في كتالوج السيارة أنه غير مستحب للأتوماتيك ولكن لو أضطررت فلا بأس ولكن لمسافة ليست طويلة وأن تكون بسرعة بطيئة . والله أعلم

بالنسبة لموضوع أن ده طبيعي ولا لاءه ؟
هو بالفعل ده طبيعي لأنك لو زودت أي سيارة موتورها ساخن بالماء والموتور في حالة ايقاف فمن الطبيعي أن يحدث شرخ في وش السلندر وذلك لأن الموتور ساخن والماء بارد والموتور في حالة إيقاف فبالتالي دورة المياه متوقفة فيسير الماء في الإتجاه الخاطئ مما يتسبب في إختلاف درجة الحرارة المفاجئ مما يحدث انبعاج في أجزاء الموتور ، وهذا ليس له أي علاقة بعمر السيارة أو عدد الكيلو مترات . والله أعلم .
وعلى فكرة أنا كان معي سيارة فيات بترا 2003 وكنت نسيت أغطي إربة الماء وسافرت بالسيارة والمياه خلصت من السيارة وفوجأت وأنا بهدي أن موتور السيارة توقف ولا يقبل التشغيل ولمحت مؤشر الحرار وصل للجزء الأحمر فإنتظرت حوالي نصف ساعة حتى نزل المؤشر ثم شغلت السيارة وزودت الماء دارت معي وهكذا كلما ارتفع المؤشر توقفت حتى وصلت .
فأعتقد أن سبب توقف موتور السيارة هو ارتفاع درجة الحرارة ولكن الخطأء في تزويد الماء دون إنتظار وصول درجة حرارة الموتور للدرجة التي يمكن تشغيلة عندها وتزويد الماء بعد ذلك . والله أعلم .

بالنسبة لمدى تأثيره على السيارة فيما بعد ؟
أعتقد لو تم إصلاح الموتور بتغيير القطع المعطوبة بأخرى أصلية في مكان موثوق منه ( التوكيل ) فلن يؤثر . والله أعلم .


بالنسبة للسؤال الرابع ؟
اشتري الأصلي الياباني ولو مش موجود عندك اتعب وتعالى اشتريه من التوكيل بالقاهرة ( اللانسر جميع قطع غيارها الأصلية متوفرة لدى الوكيل ) وللإطمئنان أتصل بهم قبل حضورك للتأكد من توافر القطع المطلوبة .
ولو كان سعرها أغلى حبتين فهي قطعة أصلية أحسن من أن تندم بعد ذلك وتنبيهات ملاك اللانسر في قسم اللانسر كثير تحض على شراء القطعة الأصلية لما عانوا منه بعد تركيب قطع أخرى . والله أعلم


السؤال الخامس ؟
يقولون أن اللانسر ليست من السيارات المعقدة ويستطيع الميكانيكي المحترف التعامل معها .
عن نفسي لا أحب التعامل في أي سيارة أمتلكتها خااااارج التوكيل لما رأيته من وجع دماغ مع السيارة ال 132
ولكن معرفة الصنيعي الجيد من غيره تخضع لسمعته في منطقته إسأل في نطاق ورشته عن سمعته وأمانته وحرفيته مرة واتنين وعشرة وإن كنت أنصح بالتوكيل حتى لو مكلف شوية بس مضموووووون وشغلة في السيارة عليه ضمان لكن مع الصنيعي بعد ما تسيب الورشة لو لا قدر الله حدث شئ يقولك أنه عيب آخر ويلعب معاك لعبة القط والفار تجيلو من هنا يجيلك من هنا
فلذلك أنصح بالتوكيل التوكيل التوكيل حتى لو هتشيل السيارة وتجبها هنا .والله أعلم


السؤال السادس ؟
ألله أعلم .


آسف على الإطالة .
وآسف على سطحية معلوماتي فأنا غير متخصص في ذلك ولكن حبيت أساعد بمعلومة تعلمتها .

- -
في البداية ألف مليون شكرا لردك يا نصر وربنا يباركلك علي مجهودك وتفصيلك في الاجابة . . ريحتني وبرضه زعلتني الي حد ما . . ارتحت علي ان ده طبيعي ممكن يحصل لأي عربية وزعلتني من موضوع التوكيل ده . . بس صدقني مستحيل أقطر العربية 500 كيلو . . ده انا ابيعها احسن يا حج !!!!!!!!! . . وبالنسبة لموضوع القطعة الأصلية دي انا هامشي بالتايواني اللي ركبتها علي نصيحة الميكانيكي وأبقي بعد فترة كده أحل الموتور تاني وأركبها من جديد . . نورتني بردك الجامد جدا وربنا يبعد عننا كل المصايب والخراب . .

[kantalub]

اتمني تكون وجدت الجواب في كلام الاخ نصر . .

باذن الله وجدته . . ولو حد عنده معلومات زيادة أتمني ينورني بيها . . دمت بود . .

[MAX_PIN]

قدر الله ومشاء فعل نصيحه حمل عربيتك على اى عربيه كبيرة او ونش
وابعتها للتوكيل معلش هتتكلف شوية وهتتعب شوية بس هترتاح بعد كده
وكفاية انك هتركب قطعة الغيار الاصليه الى هتعيش معاك فكر فى الموضوع كويس قبل ماتبعتها للميكانيكى وربنا يوفقك

[kantalub]

قدر الله ومشاء فعل نصيحه حمل عربيتك على اى عربيه كبيرة او ونش
وابعتها للتوكيل معلش هتتكلف شوية وهتتعب شوية بس هترتاح بعد كده
وكفاية انك هتركب قطعة الغيار الاصليه الى هتعيش معاك فكر فى الموضوع كويس قبل ماتبعتها للميكانيكى وربنا يوفقك

منورني بردك يا ابو حميد . . وبالنسبة لاقتراحك الجميل أكيد هيتنفذ . . بس دلوقتي الموتور اتحل خلاص يعني في كلتا الحالتين اللي حصل حصل والوش اللي جبته أكيد الميكانيكي ركبه . . والحل الوحيد اني أمشي بيه اليومين دول لغاية الامتحانات بس ما تخلص وفي الاجازة ابقي أنزل بالعربية التوكيل في اسيوط او مصر أغيره بواحد أصلي وبالمرة أعمل صيانة كاملة . .وألف شكر للمساعدة والاهتمام يا احمد . .

[MAX_PIN]

لا شكر على واجب ياباشا...مدام وش السلندر اتفك خلاص امرك لله
امشى بيه الايام ديه لحد لما تروح التوكيل وخليهم وأأأكد عليهم انهم يكشفولك عليه عشان الجو حر الايام ديه وخصوصا عندكم فى سوهاج ناااااااااااااار
وبالتوفيق فى الامتحانات إن شاء الله

[مهندس_حسام حسين]

قدر الله وماشاء فعل
معلش الموضوع دة يخليك تبص كل شوية علي عدادات العربية وخصوصا عداد الحرارة والزيت وربنا يسهل ويكون وفقك في ميكانيكي كويس ويقفل كويس

[kantalub]

لا شكر على واجب ياباشا...مدام وش السلندر اتفك خلاص امرك لله
امشى بيه الايام ديه لحد لما تروح التوكيل وخليهم وأأأكد عليهم انهم يكشفولك عليه عشان الجو حر الايام ديه وخصوصا عندكم فى سوهاج ناااااااااااااار
وبالتوفيق فى الامتحانات إن شاء الله

ربنا يسهل بإذن الله . . وفي النهاية الحمد لله علي كل شئ . . وربنا يوفقنا جميعا الي ما يحب ويرضي . .

قدر الله وماشاء فعل
معلش الموضوع دة يخليك تبص كل شوية علي عدادات العربية وخصوصا عداد الحرارة والزيت وربنا يسهل ويكون وفقك في ميكانيكي كويس ويقفل كويس

أكبر غلطة ان ما خدتش بالي من الحرارة . . يمكن لو شفته ما كنتش حصلت اي حاجة من دي . . وفي النهاية الواحد يحمد ربنا علي ان الموضوع ما كبرش ووصلت للموتور . . تحياتي الخالصة لك . .