حجزت سيريون وان !

[BlueFlower]

السلام عليكم

الاول احب ارمى السلام لكل الاخوة بالمنتدى لأن ده اول موضوع

اكتبه هنا ....

انا حجزت سيريون وان بفضل الله والمستعلم جالى المكتب النهاردة .. باركولى

حجزتها من التوكيل نفسه ، وكنت عرفت منهم ان الفائدة 8 %

ولكن بعد كده عرفت ان الفائدة بتكون 8% لو هاتأمن على

العربية ، لكن هاتكون 9% لو ما امنتش عليها ....

ايه رأيكم فى الكلام ده ؟

وهل حد سمع الكلام ده قبل كده ؟ ....

طب سؤال تانى بخصوص سيريون وان ،

ايه عدد السماعات فيها ؟ ومكانهم فين ؟ ، وهل هى سماعات

كويسة ؟ ، وللا اى كلام ؟

[mecho_392]

الف مبروووووووووك يا باشا.. السيريون عربية جميلة و كفاية انها من دايهاتسو.

لكن انا معنديش فكرة عن كلام حضرتك.. لكن بالنسبة للسماعات فى الغالب بيكونوا 4 (2 فى الباب الامامى و 2 فى الخلفى). و جودتهم معرفش ايه نظامها!!
ان شاء الله الاخوة يفيدوك.

[beggo]

بص ياباشا العربية السيريون وان بتنزل فيها سماعتين فا التبلوه و صوتهم معقول , و فى مكان للسماعات فى الأبواب الخلفية

*بس على فكرة سيريون وان بتنزل بدون كاسيت

[YoussefMostafa]

الف الف مبروووووووووووك علي الحجز وعقبال الاستلام

ان شاء الله وربنا يباركلك فيها

[YoussefMostafa]

بص ياباشا العربية السيريون وان بتنزل فيها سماعتين فا التبلوه و صوتهم معقول , و فى مكان للسماعات فى الأبواب الخلفية

*بس على فكرة سيريون وان بتنزل بدون كاسيت

يعني بتنزل بسماعتين ولا 4 ؟

وبعدين ممكن اعرف من حضرتك اخبار العربية مع صاحبك

ويا تري بيحط بنزين كام ؟

[أبــوحبيبه ونور]

السلام عليكم

الاول احب ارمى السلام لكل الاخوة بالمنتدى لأن ده اول موضوع

اكتبه هنا ....

انا حجزت سيريون وان بفضل الله والمستعلم جالى المكتب النهاردة .. باركولى

حجزتها من التوكيل نفسه ، وكنت عرفت منهم ان الفائدة 8 %

ولكن بعد كده عرفت ان الفائدة بتكون 8% لو هاتأمن على

العربية ، لكن هاتكون 9% لو ما امنتش عليها ....

ايه رأيكم فى الكلام ده ؟

وهل حد سمع الكلام ده قبل كده ؟ ....

طب سؤال تانى بخصوص سيريون وان ،

ايه عدد السماعات فيها ؟ ومكانهم فين ؟ ، وهل هى سماعات

كويسة ؟ ، وللا اى كلام ؟

السلام عليكم ورحمة الله وبركاته
الاستاذ العزيز المشترى ان شاء الله بارك الله لك فيها وورزقك خيرها وحفظك من شرها لى تعليق بسيط وهو دائما اللى بيفكر يشترى عربيه بيسال على حاجات اهم من السماعات ونوع البنزين اعزرنى للكلام دا بس بتكلم من باب حرصى على مصلحتك

الاهم من السماعات ونوع البنزين هو التوكيل والصيانه وقطع الغيار انصحك انك تقراء فى قسم الديهاتسو على اهم مميزات وعيوب العربيه والصيانه وقطع الغيار ونظام الوكيل بتاعها ايه اسف للاطاله بس حبيت اوضح حاجة مهمه وشكرا

[BlueFlower]

الف شكر على الرد السريع يا جماعة ، والله يبارك فيكم ....

بس افهم من كده ان هى بتنزل بسماعتين التبلوه ومكان فقط فى

الابواب الخلفية ؟!!!.....


انا عارف ان هيه مفيهاش كاسيت يا استاذ beggo ، شكرا

لاهتمامك ...


استاذ ابو حبيبه ، شكرا لمرورك ، والله يبارك فيك ...

انا اكيد قرأت كتير فى القسم ده عن السيريون ، وعرفت عنها

كويس ،

لكن ما لقيتش اجابة قاطعة عن موضوع السماعات ولما رحت

شوفت العربية ، ما جاش فى بالى اشوف السماعات ...

فقلت اسأل ....

الف شكر انك خايف على مصلحتى وشكرا على سعة صدر

حضرتك....

و منتظر يمكن حد من الاخوة يقول حاجة عن موضوع الفائدة ....

وشكرا مرة تانية يا جماعة

[abohalmos]

مبروك يا blueflower على حجز السيريون وان ....و عقبال ما تستلمها ان شاء الله .... و تقولنا على رايك فيها و تعملنا تقارير دورية ان شاء الله ..... و ربنا يسعدك بيها ان شاء الله .
انا على فكرة من المعجبين اوى بالسيريون وان....وان شاء الله ناوى عليها بس فى شهر 8 باذن الله ..... عشان عندى شوية ظروف خاصة .
انما هيا عربية حلوة و اقتصادية و بره فى الخارج بيشكروا فيها جدا و قريت عليها تقارير كتير...و اختيار موفق ان شاء الله
على فكرة انا روحت شوفتها فى المصرية للسيارات اللى جنب كلية البنات .....و قلبت فيها براحتى على الاخر..
بص يا ريس ...هيا فيها سماعتين صغيرين شوية فى التابلوه ..حجمهم اكبر من التويترات بشوية ...
و فيه سماعتين فى البابين الخلفيين ...اكبر شوية ..
بس شكلهم عامة هايبقى الاداء بتاعهم ضعيف شوية ..
و انت ابقى بقى ظبط كاسيت و سماعات على زوقك ... لو انت مهتم بالموضوع ده اوى ..
و مبروك عليك لقب اول مالك لسيريون وان فى نايل موتورز ...و عقبالى انا كمان ان شاء الله.
بس عاوزك تقولى ايه الورق اللى خدوه منك عشان التقسيط و ناوى تدفع مقدم كام و القسط كام ... و اللون ايه ....قولى على التفاصيل يعنى .......
بالنسبة لموضوع التامين انا رايى المتواضع انك تأمن مع التوكيل احسن و اضمن من اى مكان اخر ..لانهم سمعتهم كويسة ما شاء الله .
اتمنى اكون افدتك شوية ...ومبروك

[beggo]

يعني بتنزل بسماعتين ولا 4 ؟

وبعدين ممكن اعرف من حضرتك اخبار العربية مع صاحبك

ويا تري بيحط بنزين كام ؟

لا ياباشا هى بتنزل فيها سماعتين فى التابلوه فقط , بس الأبواب الخلفية فيه مكان ممكن تركب سماعات بس متكنش أكبر من 16" و على فكرة انت ممكن تركبهم بره التوكيل بس يكون عند حد معروف و يكون شغله كويس.

*بالنسبه للبنزين فهو بيحط 92 عشان أداء العربية يبقى معقول, و أنا بصراحة بأيًد ال 92 لإن ال 90 مبقاش زى زمان

اما بالنسبه للعربيه ربنا يباركله فيها أدائها ماشألله ممتاز جدا بالنسبة لموتور 1000 سي سي, و لحد دلوقتى انا مش شايفلها أى عيوب

[YoussefMostafa]

لا ياباشا هى بتنزل فيها سماعتين فى التابلوه فقط , بس الأبواب الخلفية فيه مكان ممكن تركب سماعات بس متكنش أكبر من 16" و على فكرة انت ممكن تركبهم بره التوكيل بس يكون عند حد معروف و يكون شغله كويس.

*بالنسبه للبنزين فهو بيحط 92 عشان أداء العربية يبقى معقول, و أنا بصراحة بأيًد ال 92 لإن ال 90 مبقاش زى زمان

اما بالنسبه للعربيه ربنا يباركله فيها أدائها ماشألله ممتاز جدا بالنسبة لموتور 1000 سي سي, و لحد دلوقتى انا مش شايفلها أى عيوب

شكرا يا باشا علي رد حضرتك الجميل

وربنا يباركله في عربيته

وياريت حضرتك تعرفه علي المنتدي