يا ريت افادة من اهل الخبرة

[osstv]

ايهما افضل الاوبترا او جين 2
يا ريت مقارنة او تقيم . وهل الاوتوماتيك افضل ام المانيوال بالنسبة للسيارتين
وهل اتوماتيك الاوبترا نفس اوتوماتيك النوبيرا

شكرا...

[abo3bdolrahman]

الجين 2 تحفة و محركها ممتاز ماليزى تصميم إنجليزى و هى نتاج تعاون لوتس المملوكة لبروتون و بروتون و الموديلات الجيدة هيتغير الإسم إلى لوتس EAV و دى اللى بمحركات هيبرد و مش عارف هاتنزل مصر إمتى
الأوبترا هى النسخة المصرى من الدايو لاسيتى و العربية اللاسيتى كويسة و كماليتها رائعة بس ما اعرفش الأبترا فيها نفس الكماليات و بنفس الفخامة ولا لأ

[bassam nagy]

بس ابعد عن الاوبترا لانها مع واحد صحبى وبيشتكى من الوكيل وان السيارة نازلة بها عيوب فى الصناعة

[memo_hefnawy]

و الله شوف :

الأوبترا حلوة و الجين 2 حلوة بس العيوب و المميزات :

تصب فى صالح الجين 2 من حيث القيمة (الجين 2 عربية ب 85 ألف بتشتريها بس بتاخد حاجة قيمتها فوق ال 100 ألف)
عيوبها الوحيده فى التقفيل يعنى مش هاى كوالتى بس أساسيات و كماليات إنسى مفيش زيها بالفلوس دى (ركز أوى على أساسيات دى عشان متفتكرش إنها ذى بعض السيارات التى تعتمد على الكماليات فى البيع حيث أن العكس هو الصحيح

و عشان تتفادى هذا العيب لما تشتريها نقيها يعنى إركب و إفتح و إقفل و جرب كل الزراير و دقق و خد معاك واحد راكبها من فتره و هو يطلعلك العيوب لو موجوده

لو حابب جرى و ثبات و قوة هات الجين

لو حابب تفنيش نضيف هات اوبترا

[osstv]

والله انتوا حيرتونى يا جماعة اكتر
بس اللى فهمته من كلامكم ان الجين 2 اكتر ممايزاتها فى الكماليات
ومحدش ابدى رأى واضح فى الاوبترا
وهل الاوتوماتيك افضل ام المانيوال فى الاتنين
انا اسف على الاطالة بس الموضوع محير . ولو حد مكانى يختار ايه

شكرا...

[osman hisham]

الأوبترا معايا من أكثر من سنه و هيه عربيه ممتازه تقفيل و ثبات على السرعات و فخامه داخليه ممتازه و عربيه واسعه جدا بالمقارنه مع الجين 2 و أما عن المشاكل فأى عربيه ممكن يوجد بها عيوب تصنيع أول الأستلام و شوف بتوع برتون نفسهم فى المنتدى بتاعهم و بالنسبه ليا كان عندى مشكله فى المساعد الخلفى واتغير ببلاش و على طول و ده حصل أيضا لواحد صديق أشترى ماتركس جديده.
الأتوماتيك بتاعها سلس جدا يعنى ما بتحسش بالنقلات و أنت ماشى و العربيه موتورها هادى على السرعات العاليه بعكس الجين 2 موتورها عصبى جدا و صوته عالى جدا .
يعنى لو عايز فخامه بره و جوه و كمان هدوء داخلى هات أوبترا و التوكيل ممتاززززززززززز
لو عايز سياره شبابيه و تفرح بصوت الموتور العالى مع السرعات و مع بعض الكماليات الزياده زى مثبت السرعه هات الجين 2

[hazem_khidr]

الجين 2 احلي و التفنيش بتاعها معقول م سئ و بالنسبه للعاده و الاتوماتيك شوف انت بترتاح في ايه

[osstv]

والله ياجماعة انا مش عارف اشكركم على الاهتمام ده ازاى
لان بمعلوماتكم وتجاربكم دى خلت رؤيتى واضحة و ملمة بالسيارتين
وباذن الله بعد مشاورة عائلية هيتحدد عليها الاختيار ان شاء الله

وشكرا جدا لكل اللى ساهموا فى المناقشة

[mina_ramsis]

يا جماعة الجين 2 اللى فيها مثبت سرعة ب 94 الف يعنى بقينا فى نفس السعر بتاع الاوبترا قارن بين المميزات و العيوب فى العربيتين و ان شاء الله تشترى الاصلح ليك

[osman hisham]

شوف اللينك ده و أنت تعرف قيمة الأوبترا بالنسبه لمنافسيها و كمان خد بالك من ردود الناس تحت المقال
http://fannat.com/new/Magazine.aspx?NewsID=225