قصة واقعية عن تجديد تصريح مؤقت .... مأساه !!!

[أشرف العدوي]

اخش في الموضوع عدل و ركزوا معايا علشان الي هيجدد قريب يعرف الخطوات
خدت اجازة من الشغل يوم الاثنين علشان اروح اجدد التصريح المؤقت بتاعي من مرور فيصل
روحت الساعة 9 صباحاً و شوفت هناك طوابييييييييييررر كتيييييييير جداً و محدش عارف ده بتاع ايه
المهم بعد البحث و الاستقصاء عرفت ان اول حاجة لازم اعملها اروح اسجل البطاقة الشخصية
و هي ان انا اصورها و اروح بيها على شباك علشان يختمها
قوم ايه الشباك واقف ما لايقل عليه 300 واحد و الطابور خارج برة المرور ليه بقى
علشان ما فيش شباك هيتعامل معاك غير لما تكون خاتم البطاقة و عشلان كدة اي حد داخل المرور بيروح يسجل البطاقة الاول
و الطريف ان الشباك ده بيقفل الساعة 11 بالظبط
يعني لو ملحتقش تسجل بطاقة تروح و تحاول تاني يوم
المهم فضلت و اقف في الطابور و هو اصلاً مش بيتحرك لحد الساعة 10.30 و لاقيت واحد جايلي بشدني من إيدي و بيقولي في واحد بياخد 20 جنيه و يختمهالك دلوقتي
قولتلوا الحقني بيه
المهم اديتله البطاقة و الصورة و 20 جنيه و بعد 5 دقايق جابلي البطاقة مخنومة
المهم فرحت طبعاً روحت علي شباك التجديد قالتلي لازم تروح بين السرايات علشان تجيب المخالفات علشان النمر هتتغير
روحت جري على بين السرايات و الحمد لله مالاقتش مخالفات خالص الموضوع في بين السرايات خد حوالي ساعة ونص بالمشوار رايح جاي
رجعت لقيت الخزنة في مرور فيصل قفلت
روحت لشباك التجديد علشان تقدرلي الرسوم و اجي بكرة على الخزنة على طول قالتلي ممنوع
المهم روحت تاني انهاردة الساهة 8.25 على شباك التجديد و قفت في الطابور المتين علشان اشوف الرسوم قد ايه
وبعد كدة روحت شباك الخزنة وقفت حوالي ساعتين لحد الساعة 11 و بعد ما دفعت روحت شباك التجديد تاني علشان اقدم وصل الدفع و قالتلي روح شباك واحد علشان تسمع اسمك فضلت واقف عند شباك واحد لحد الساعة 1.45 و سمعت اسمي اداني ورقة علشان اختمها من مخزن النمر و ارجعهالوا تاني و استلم الرخصة
المهم عملت كل ده و استلمت الرخصة لقيتها مش بتعاتي و عمال افهم فيه انه مش رخصتي يقولي لو في غلط في البيانات روح شباك التجديد
بحاول اقنعه انها مش بتاعتي اصلا و لا اسمي و لا عنواني و لا عربيتي
فين و فين لما اقتنع خدها و راح يدور على رخصتي انا و جبهالي روحت استلم النمر وقفت طابور حوالي ساعة إلا ربع و استلمت النمر و الشنطة و المثلث و خرجت من المرور الساعة 2.30
الخسائر :-
1- طبعاً اول حاجة الوقت
2- خبطة في العربية من ناحية اليمين و هيا راكنة ( لسة راششها من شهر )
3 - قطع في القميص بتاعي
4- حروق متفرقة باليد ( من سجاير الناس الي واقفة في الطوابير )
5- جرح بطول 2 سم اسفل العين اليمنى ( من واحد كان ماسك نمر مؤقته و بيرفع ايده بيهم جم في وشي )
الحمد لله على كل شئ

الي رايح يجدد في مرور فيصل ياخد اجازة يومين من الشغل
و اول حاجة يعملها يسأل على طابور تسجيل البطاقة
اللهم بلغت اللهم فأشهد

[hossam_elwani]

دى حرب اكتوبر

مرور فيصل دا عذاب بجد
لسه فاكر ال8 ساعات اللى قضيتهم فى المرور من سنتين عشان اجدد رخصه العربيه!!

[ashrafsadaany]

انااول ماشوفت العنوان قلت ياستيير يارب دانا واخد نمر مؤقتة من فيصل والمفروض اروح اجدد بعد شهر يا ترا حضرتك خدت النمر الجديدة بعد الخنائة دى ولا المأساة دى هتكرر تانى وسؤال تانى هل فعلآ شنطط الاسعاف نفعتك او استخدمتهااا فى الخنائة ولا لاء وثالث سؤال هى الشنطة اعلنو توزعهاااا فى المرور علشان تستخدمهااا فى التجديد ولا عاشان لاقدر الله فى الحوادث

[Imhotep]

حمد الله السلامة و كويس انك خرجت منها على خير.....

[أشرف العدوي]

انااول ماشوفت العنوان قلت ياستيير يارب دانا واخد نمر مؤقتة من فيصل والمفروض اروح اجدد بعد شهر يا ترا حضرتك خدت النمر الجديدة بعد الخنائة دى ولا المأساة دى هتكرر تانى وسؤال تانى هل فعلآ شنطط الاسعاف نفعتك او استخدمتهااا فى الخنائة ولا لاء وثالث سؤال هى الشنطة اعلنو توزعهاااا فى المرور علشان تستخدمهااا فى التجديد ولا عاشان لاقدر الله فى الحوادث

ربنا يقويك
الحمد لله استلمت النمر الجديدة بس المشكلة اني رايح تاني شهر 11 الي جاي اجدد
و استلمت المثلث و الشنطة و دول بتاخدهم اخر حاجة علشان الي بيقع في وسط الطريق و يخلع ما يخدهم بتاخدهم اخر حاجة
و على فكرة شنطة الأسعافات دي تقرف تمسكها و ريحتها زي الزفت انا خفت افتحها تفرقع في وشي

الخسائر :-
1- طبعاً اول حاجة الوقت
2- خبطة في العربية من ناحية اليمين و هيا راكنة ( لسة راششها من شهر )
3 - قطع في القميص بتاعي
4- حروق متفرقة باليد ( من سجاير الناس الي واقفة في الطوابير )
5- جرح بطول 2 سم اسفل العين اليمنى ( من واحد كان ماسك نمر مؤقته و بيرفع ايده بيهم جم في وشي )
الحمد لله على كل شئ

الي رايح يجدد في مرور فيصل ياخد اجازة يومين من الشغل
و اول حاجة يعملها يسأل على طابور تسجيل البطاقة
اللهم بلغت اللهم فأشهد

يا الله

ده لو حرب كنت طلعت بخسائر أقل من كده

حمد الله على سلامتك

[أشرف العدوي]

الله يسلمكم جميعاً
بس ياريت تركزوا في الخطوات الي انا قولتها
و من الاخر لو تعرف حد يخلصك هناك يبقى احسن
و ربنا يقويكوا جميعاً

سؤال كمان من فضلك دفعت كام رسوم انا سمعت ان النمر الجديدة بتدفعلهاااا 130 ج هل دا صحيح وفية رسوم تانية

[أشرف العدوي]

سؤال كمان من فضلك دفعت كام رسوم انا سمعت ان النمر الجديدة بتدفعلهاااا 130 ج هل دا صحيح وفية رسوم تانية

دفعت 160 جنيه بالتمام و الكمال
130 جنيه رسم للوحات
و الباقي رسوم تنمية و تبرعات و حاجات كدة ملهاش لازمة