أستفسار عن أنوار ابواب الجيتا و الياسات

[hanady]

توجد فى سيارتى الجيتا 2008 نور أحمر فى القائم فى كل باب (أعتقد أن وظيفته هو الأنارة بضوء أحمر عند فتح الباب لأرشاد العربيات القادمة أن الباب مفتوح)، و لكن منذ شراء عربيتى و هو لا ينير و حاولت أن أجعله يعمل من خلال قائمة الكمبيوتر الموجود بالعربية و لكنى فشلت. و عند عمل صيانة 5000 كيلو بالتوكيل بالعبور سألت المشرف على المبيعات بالصالة على عربية معروضة بصالة العرض و قلت له ألا تضيىء هذه اللمبة فى قائم الباب فقال لى كلا هذه شريحة عاكسة للنور فقط من العربيات اللتى خلفك لكى تعرف أن الباب مفتوح، فسكت عن الأستفسار عند هذا الحد (لم أسأل أحد من مهندسى الصيانة بالتوكيل).
و لكنى أثناء زيارة كارفور وجدت عربية مثل عربيتى و بابها مفتوح و اللمبة مضيئة (كما كنت أتخيلها دائما) فأستفسرت من مالك العربية فقال لى مشكورا انه كان مثلى تماما لا تضيىء لمبته و فى التوكيل طلب منهم أضائتها فعن طريق قوائم كمبيوتر العربية شغلوا له هذه اللمبات. و قد حاول معى تذكر ماذا عملوا فى قوائم الكمبيوتر و لكنه لم يتذكر.
فهل أحد رواد المنتدى الكرام (ممن لهم خبرة بقوائم الكمبيوتر فى الجيتا و الباسات) يستطيع ارشادى لكيفة أضاءة هذه اللمبات فى قوائم الأبواب و لكم منى جزيل الشكر مقدما.

[M.Mostafa80]

ربنا يرجعك لينا بالسلامه ياكبير معقول لسه مرجعش لحد دلوقتى لو موجود كان جوبك على طول

[islamaboelnaga]

انا عندى اللمبات دى برده بس مش فاكر بتنور و لا لأ ؟؟ طب ماتشوفى فى الكتالوج ؟
سؤال رخم معلش...حضرتك بتعملى الصيانات فين و عربيتك خليجى و لا مصرى و اسعار الصيانات اللى حضرتك عملتيها...معلش بتقل عليكى..

[hanady]

انا عندى اللمبات دى برده بس مش فاكر بتنور و لا لأ ؟؟ طب ماتشوفى فى الكتالوج ؟
سؤال رخم معلش...حضرتك بتعملى الصيانات فين و عربيتك خليجى و لا مصرى و اسعار الصيانات اللى حضرتك عملتيها...معلش بتقل عليكى..

للأسف مش موجود شرح تفصيلى للقوائم فى كتالوج العربية، بل مجرد أمثلة على ما أذكر.
عملت صيانة 5000 كيلو فى توكيل العبور (عربيتى أشتريتها من توكيل العبور) و لم أبلغ 10000 كيلو بعد. سعر الصيانة بالضبط :
فلتر زيت 51 جنيه مصرى
موبيل 1 4 لتر (1.25 عبوة) 281.25 جنيه
صيانة عادية (موبيل 1) مصنعية 90 جنيه
ضريبة مبيعات 42 جنيه
خدمات أدارية 15 جنيه
ضريبة مبيعات على الأضافات 1.5 جنيه

الأجمالى العام 481 جنيه مصرى

[islamaboelnaga]

طب هما بيعملو صيانه للخليجى ؟؟ و ايه تقيمك للتوكيل ؟؟ و العربيه فرقت حاجه بعد صيانه ال5000 ؟؟ اصل انا عامل 400 كم بس حاسس ان استاجبيتها للمسه البنزين ضعيفه شو يه ؟؟

[asarhan]

طب هما بيعملو صيانه للخليجى ؟؟ و ايه تقيمك للتوكيل ؟؟ و العربيه فرقت حاجه بعد صيانه ال5000 ؟؟ اصل انا عامل 400 كم بس حاسس ان استاجبيتها للمسه البنزين ضعيفه شو يه ؟؟

لا تقلق ياباشا علي موضوع السحب ان شاء الله لما توصل لصيانة ال5000 كم حيفتحوا الموتور عن طريق الكمبيوتر و حتحس بفرق السحب و ده معمول علشان يحافظوا علي الموتور ,,ده انا كنت مخنوق من الموضوع ده بس دلوقتي الحمد الله السحب ممتاز

[islamaboelnaga]

يعنى مقرصش عليها بعد 1500 كم ؟؟ و بعدين انا خليجى و مش عارف اعمل الصيانه فين؟ عند محمد سمير ؟؟

[hanady]

طب هما بيعملو صيانه للخليجى ؟؟ و ايه تقيمك للتوكيل ؟؟ و العربيه فرقت حاجه بعد صيانه ال5000 ؟؟ اصل انا عامل 400 كم بس حاسس ان استاجبيتها للمسه البنزين ضعيفه شو يه ؟؟

أعرف انهم بيعملوا صيانة للخليجى، بس اسمع انها بتبقى أغلى شوية. يمكنك الأطمئنان و حجز موعد عن طريق الأتصال برقم 19525 من المحمول و اسألهم.
أنا مستريحة للتوكيل و لا أعرف لماذا معظم من بالمنتدى رأيهم سىء فيه؟ أنا ذهبت العديد من المرات لتوكيل العبور للفرجة أولا على العربية ثم للأتفاق ثم للشراء و بعدها لأستلام الأوراق و فى كل الأحوال كانوا ناس ذوق جدا، و عند عمل الصيانة أتصلت أولا ب 19525 و حجزت موعد و ذهبت فيه و لم تمكث العربية معهم أكتر من ساعتين و استلمتها.
الحقيقة لم أحس بفرق بعد ال 5000 عن قبلها، و لكنى كنت اراعى ما كتب بدليل المالك عن عدم السرعة وعدم جر شىء أول 1000 كيلو.

[islamaboelnaga]

انا بردو عندى مش بتنور...ياريت حد يفيدنا ؟؟؟

[islamaboelnaga]

ايه ياجماعه ؟؟ مفيش حاجه خالص ؟؟؟ هى فولكس نايمه اوى كده لييييييييييييه ؟