تقرير شامل: Proton Gen2 - فخر الصناعة الماليزية

[Ahmed_SpY]

بسم الله الرحمن الرحيم




(نظرة عامه على السيارة)

سيارات بروتون صناعة ماليزية تمتاز بشكلها الرائع والرياضى والتى يفضلها الشباب نظرا للأداء الرائع وتنساب الاعمار من تقريبا سن 18 الى سن 35تمتاز بصاج خارجى جيد جدا وقوى بالاضافه الى شكلها الخارجى اما من الداخل تمتاز بصالون ثورى زائد فرش شيك يليق بها



- تمتاز بمحرك قوى وصوته عالى ( بس صوت تحب تسمعه )ينتمى الى نوعية الزئير وليس الانين
-حركات عصا نقل السرعة غريبة شوية مسافاتها ضيقة ولازم تكون متعود عليها بس العصا نفسها مريحة جدا ومسكتها ممتازة
- مدى دوران طارة الديريكسيون أقل من السيارات الاخرى تقدر تقول حوالى(لفه ونص)الباور بتاعها تقيل شوية زى باورالنيسان صنى
- الثبات على الارض طبعا فوق الممتاز
- شنطة العربية كذلك واسعة جدا لا تقل عن 400 لتر وغالبا أكتر برغم ما يوحى به الشكل الخارجى الخادع للسيارة



(نيجى لـعيوب الجين- وجة عام)

1- -عيوب التقفيل
(سنتر - زجاج - مفتاح المرايات الكهرباء - انذار - لمبة الصالون )
2- لمبة الengine بتنور لو حطيت بنزين 90 او 92 من بنزينة وحشة (حساسة زيادة عن اللزوم )
3- العربية تحت ال RPM 3 بتكون بطيئة نوعا ما
4- صوت خفيف عند لف الدريكسون
دي يا جماعة عيوب الجين 2 بوجة عام مش خاص يعني صعب اووي تتجمع كلها في عربية واحدة

وكل العيوب دي ياجماعة مفيش ولا عيب منها يوقف العربية ولا اي حاجة
كلة بيتعمل مع الصيانة الدورية ومعظمهم مش بياخد وقت خالص وممكن نتلاقيهاش خالص
ساعات بتكون حاجات طفيفه مش شائعه يعنى ممكن م كل 100 عربيه 2 او 3 عربيات فقط



(نيجى بقى للمميزات)



1- شكل تحفة من برة ومن جوة
2- قيمتها السعرية تحفة
3- كماليات كتير
(مثبت سرعة - كاوتش عريض 195 علي 60 - باكينج سنسور - MULTI FUNCTION في الدريكسيون
- كاسيت نضيف اووي وسماعات تحفة بلو بانكت , عازل حراري علي الكبوت من جوة , شداد ماسك فردتين الشاسية , الموتور مقفل بنضافة اوي , جنط 15)
4- ثبات خرافي خرافي بمعني الكلمة علي اي سرعة واي ملف
5- صاج ممتاز بالمقرنة بالعربيات الجديدة مش ورق
6- كراسيها تحفة
7- موتور قووي جدا بعض ال 3 RPM بيكون عايز يطير
8- التسارع بتاعها ممتاز لحد 170 -180
9- الكاوتش SILVER STONE كويس اووي
10- العربية بتسحمل البهدلة ومش بتقول لا
11- سوقتها تحفة (كنترول جامد اووي علي الطريق بتحسة وانت سايقها )
12- لون التابلوة تحفة وشكلة يخطف الانظار
13- العربية شغلها مش معقد بالرغم من التكنولوجيا العاليا
14- الماليزين كل شوية في التوكيل وبيتابعوا جامد ومش بيطنشوا



ده فيديو بيشرح حاجات كتير فى جين 2

http://www.gen2club.com/v2/downloads...ners_Guide.zip



- شوية مواصفات للسيارة -

النظام الصوتي
كاسيت راديو مشغل اسطوانات مدمجة ( صوتي فقط ) من نوع بلاوبونكت
أزرار تحكم في مشغل الاسطوانات من خلال عجلة القيادة
أربعة سماعات



كرسي السائق يمكن التحكم به و تعديله من حيث الإرتفاع و الحركة
قطعة بلاستيكية لراحة قدم السائق بجانب دواسات البنزين و الفرامل و الدبرياج
حامل أكواب مشروبات
أربعة زجاج كهربائي أمامي و خلفي



نظام آلي لحساب استهلاك الوقود ( بالكمبيوتر )
انذار صوتي لعدم ربط احزمة الأمان
انذار صوتي لترك أنوار السيارة في حالة عمل
عجلة قيادة قابلة للتعديل مع نظام باور ستيرينج
مجموعة من الأدوات المرفقة مع السيارة ( مفاتيح و مفكات )



وسادتين هوائيتين للسائق و الراكب الأمامي
نظام ABS و EBD للفرامل
حساسات للركن في خلف السيارة
قضبان جانبية لحماية ركاب السيارة في حالة اصطدام شئ بها من الأجناب
كشافات شبورة امامية و خلفية
قفل حماية الأطفال



انذار كامل و متعدد الوظائف مع قفل خاصية تشغيل المحرك
عدم تنشيط المحرك للعمل بدون فتح نظام الأمان
إقفال مركزي
فتح الشنطة من داخل كابينة القيادة
فتح تانك البنزين من داخل كابينة القيادة



جنوط إطارات مقاس 15 195 55
اكصدام بنفس لون السيارة
أكرة الأبواب بنفس لون السيارة
مرايات بنفس لون السيارة
لمبة في شنطة السيارة



أبعاد السيارة
الطول الكلي 4310 سم
العرض 1725 سم
الإرتفاع 1435 سم
قاعدة العجل 2600 سم
المسافة بين العجلة الأمامية و مقدمة السيارة 870 سم
المسافة بين العجلة الخلفية و نهاية السيارة 840 سم
إرتفاع عن الأرض 15 سم



السرعة القصوى
190 كم / س
التسارع من صفر إلى 100 كم / س في 12٫6 ثانية



استهلاك الوقود لكل 100 كم عند سرعة 90 كم / س
داخل المدن 10٫1 لتر
على الطرق السريعة 5٫6 لتر
الأثنين معاً 7٫2 لتر



انبعاث ثاني أكسيد الكربون
172 جرام لكل كيلو متر



المحرك و مواصفاته الفنية
محرك كامبرو 4 سيلندر على خط واحد 16 صباب متعدد الحقن الإلكتروني
علبة سرعات ذات 5 سرعات للعادي و 4 سرعات للأوتوماتيك
سعة المحرك 1597 سم مكعب
قوى الحصان هي 110 حصان عند 6000 لفة في الدقيقة
تكييف قوي أربع سرعات
مرايات كهرباء
تغيير إتجاه إضاءة الفوانيس والعدادات
منفذ لتشغيل الأجهزة الكهربائية
مسند - به مكان للتخزين - بين الكرسيين الأماميين (لهما طابع رياضي)
ضمان على المحرك وناقل الحركة لخمس سنوات أو 100000 كم أيهما أقرب (3 سنوات أو 60000 كم لباقي السيارة عدا البطارية فضمانها عام واحد أو 20000 كم أيهما أقرب)



- نيجى لعنوان التوكيلات -

عنوان التوكيل -- مجموعة عز العرب --
المعرض الرئيسي و مركز الخدمة
الكيلو 28 طريق مصر اسكندرية الصحراوي ...... قبل البوابات و قبل داندي مول
أبورواش – الجيزة
هاتف : 0235390601
فاكس 0235390610
معرض العجوزة
20 شارع المتحف الزراعي . العجوزة الجيزة
هاتف : 0237497100
فاكس 0237489160
معرض مدينة نصر
35 شاكر ذاكر حسين ....... مدينة نصر القاهرة
هاتف 0224015055
فاكس 0224015107

معرض الأسكندرية ومركز الخدمة
الكيلو 1 طريق مصر اسكندرية الزراعي
هاتف 035003001 035003002 035003003 035003004
فاكس 035003005
معرض لاجونا ريزورت
أمام كارفور أسكندرية طريق مصر اسكندرية الصحراوي
هاتف 033830510



- اسعار قطع الغيار-

1- كبوت جديد, تايوانى 1000 جنيه
2- كبوت استيراد و كان نفس لون العربية, بس الراجل مبيبعش غير النص على بعضه : 1000 جنيه
3- الشنب اللى على الكبوت: 100 جنيه
4- فانوس امامى من غير موتور: 320 جنيه, بالموتور 850 جنيه, تايوانى ماركة Depo
5- وحدة تبريد بالكامل لعربية اتوماتيك (رادياتير + سربنتينة + مرةحة + فلاتر) استيراد: 3000 جنيه بعد فصال غير عادى
6- اكصدام امامى استيراد : 350 جنيه
7-سير كاتينة 421 جنيها مصريا
8-سير دينامو 220 جنيها مصريا
9-فلتر الزيت 61 جنيها مصريا
10-فلتر هواء 75 جنيها مصريا
11-فلتر بنزين 135 جنيها مصريا
12-تيل فرامل خلفي 200 جنيها مصريا
13-تيل فرامل أمامي 250 جنيها مصريا
14-فانوس أمامي 1050 جنيها مصريا
15-فانوس خلفي 650 جنيها مصريا
16-إكصدام أمامي 850 جنيها مصريا
17-إكصدام خلفي 900 جنيها مصريا
هذه الأسعار غير شاملة الضرائب و التركيب و المصنعية

وفى النهاية " هذا التقرير الجميل منقول للأفادة "

[momenhamdy]

شكر ليك يا استاذ احمد علي المجهود الرائع دا

وتقبل تحياتي اخي الفاضل

[DR_EMAD]

لو عز العرب بيعمل دعاية لنفسه .. مش هيعملها بالطريقة دى

السرعة القصوى
190 كم / س

أعتقد أن السرعة القصوى 240 ك/س

تقبل تحياتى
د/عماد

[Ahmed_SpY]

شكراا ليكو

السرعة القصوى مش اخير رقم مكتوب فى العداد

كل عربية بيبقى ليها سرعة قصوى فى الكاتلوج مبيبقاش اخر رقم فى العداد

[M.Osman]

لو عز العرب بيعمل دعاية لنفسه .. مش هيعملها بالطريقة دى



أعتقد أن السرعة القصوى 240 ك/س

تقبل تحياتى
د/عماد

اساساً السرعة القصوة ليست مقياس للعربيات دي ...

[ahmedsiyam]

وبعدين فى موديل 127 حصان اللى هو الـ cps موجود بره مصر و اعتقد ان العربية بتجيب بيه اكيد اكتر من 210
لان بعربيتى الـ iafm اقصى سرعة وصلتلها كانت 200
وربنا يستر دى على سبيل التجربة و استحالة اكررها تانى

[mezo73]

طبعا شكرا علي المعلومات الوافية والقيمة
بس برجاء ذكر وزن السيارة ان امكن
لان اعتقد انة مش موجود بالبيانات السالف ذكرها ولان لية دلالة مهمة

[Ahmed_SpY]

يا جماعة دى السرعة القصوى اللى مكتوبة فى البرشور 190

الوزن 1185

[momenhamdy]

طبعا شكرا علي المعلومات الوافية والقيمة
بس برجاء ذكر وزن السيارة ان امكن
لان اعتقد انة مش موجود بالبيانات السالف ذكرها ولان لية دلالة مهمة

اهلاً بيك معانا يا استاذي الفاضل
وزن السياره حوالي 1220 تقريباً بالنسبه الاتوماتيك ولكن معنديش فكره المنيوال اد ايه بس طبيعي انو حيكون اقل

و تقبل تحياتي

[Ahmed_SpY]

وبعدين فى موديل 127 حصان اللى هو الـ cps موجود بره مصر و اعتقد ان العربية بتجيب بيه اكيد اكتر من 210

لان بعربيتى الـ iafm اقصى سرعة وصلتلها كانت 200
وربنا يستر دى على سبيل التجربة و استحالة اكررها تانى

انا برضو جبت 200 و ممكن بعد تركيب الفلتر تجيب كتير و اكيد ال cps السرعة القصوى اكتر