بنزين 92 للباسات

[micho304]

كنت عاوز أسأل هل ممكن الباسات 1600 احطلها بنزين 92 ولا 95 ضروري منتظر الرد لاني حاجز العربيه

[farahat]

حضرتك حاجز مانوال ولا اوتو ؟ يعني موتور fsi ولا عادي ؟

[blazer]

مواتير فولكس ال fsi -tsi
لازم بنزين 95 اقل حاجه(المفروض 98 بس عشان مش موجود فى مصر)

[umoussa]

لو حطيت بنزين 92 في عربية fsi يبقى مستنيك في مكتبي لأن العربية الكنترول بتاعها حيتحرق

لو العربية مانيوال 92 كويس

[hanady]

مواتير فولكس ال fsi -tsi
لازم بنزين 95 اقل حاجه(المفروض 98 بس عشان مش موجود فى مصر)

كلام صح مليون المية

[umoussa]

مليون وواحد

حد يزود؟

[blazer]

المفروض vw تحط system لموضوع البنزين دا
انه يبقى فيه سينسور لما يحس ان فى حاجه غلط فى البنزين العربيه تقف علطول عشان ميحصلش مشاكل
(اى نعم الكلام دا مبيحصلش فى اوربا بس اهو حاجه كويسه انه يتعمل )" واعتقد انه غير مكلف

[umoussa]

طيب مهو ده موجود بالفعل في العربية

أمال حساسات الأكسجين بنعمل إيه؟ مفروض إلي بيخاف على عربيته لما يشوف لمبة check منورة يعرف انه بيتصرف غلط مع العربية وانها بعد فترة حتعمل معاه حركة نص كم.


على الرغم من أني متخصص في تصليح كنترولات العربيات إلا إن عندي عربيتين باسات fsi واقفين كنترولاتهم محروقة بسبب البنزين ومفيش كنترولات استيراد والكنترول الجديد بحوالي 12 ألف جنيه!!!! العربيتين بقالهم أكتر من شهر

مش دي حاجة تخلي الناس تحكم عقلها؟؟؟

[farahat]

طيب مهو ده موجود بالفعل في العربية

أمال حساسات الأكسجين بنعمل إيه؟ مفروض إلي بيخاف على عربيته لما يشوف لمبة check منورة يعرف انه بيتصرف غلط مع العربية وانها بعد فترة حتعمل معاه حركة نص كم.


على الرغم من أني متخصص في تصليح كنترولات العربيات إلا إن عندي عربيتين باسات fsi واقفين كنترولاتهم محروقة بسبب البنزين ومفيش كنترولات استيراد والكنترول الجديد بحوالي 12 ألف جنيه!!!! العربيتين بقالهم أكتر من شهر

مش دي حاجة تخلي الناس تحكم عقلها؟؟؟

عندك فكرة إيه المشاكل إلي فيهم بالتحديد يمكن أقدر اساعد لأن دة تخصصي ، (و ما تخافش بدون مقابل :) )، ممكن ترسلني على الخاص لو تحب

[umoussa]

الكنترول محروق بمعنى ما تحويه كلمة محروق

حضرتك زميل مهنة برضو في اصلاح الكنترولات؟