كارينز - اوفر زفت برايس

[أحمد كمال]

شفت الكارينز الاوتوماتيك النهاردة في معرض صغير في احمد فخري في مدينة نصر

عنده اربعة ..... واحدة Java Brown

و تلاتة اسود

بيبيعها بكام؟ ب 8 الاف جنيه اوفر برايس

حسبي الله و نعم الوكيل

مش دافع اوفر برايس يعني مش دافع

و يانا يا انتي يا EIT هاخد عربيتي في المعاد (اخر الشهر ان شاء الله) يعني هاخدها


جدير بالذكر ان فيه فرق بين المانوال و الاوتوماتيك ...... ان دواسة فرامل اليد (ايوة هي دواسة مش دراع) اتخن و انشف شوية

انا مش عارف هى عامله كام بس فى معرض سيارات فى النزهه الجديده اسمه زغلول موتورز عارضه كارينز اتوماتيك بضمان الوكيل ب 115 الف وتسليم فورى انا شايف واحده حمراء واقفه عنده وقال ان ممكن يوفر لون او اتنين كمان للى مهتم بالكارينز الاتوماتيك

[أحمد كمال]

انا مش عارف هى عامله كام بس فى معرض سيارات فى النزهه الجديده اسمه زغلول موتورز عارضه كارينز اتوماتيك بضمان الوكيل ب 115 الف وتسليم فورى انا شايف واحده حمراء واقفه عنده وقال ان ممكن يوفر لون او اتنين كمان للى مهتم بالكارينز الاتوماتيك

ماهي ب 108

115 يعني اوفر برايس 7 الاف

8000 جنيه ليييييييييييه ان شاء الله ؟؟؟؟؟؟؟؟

[أحمد كمال]

8000 جنيه ليييييييييييه ان شاء الله ؟؟؟؟؟؟؟؟

صدقني كنت عايز اقول ملافظ مش ظريفة

و يقول لي بكل عنطزة

يا باشا اوعى تكون حاجز مع اي حد او تروح تحجز

Cash and Carry

اللي بيحجز ده بياخد فلوسك يشغلها شوية و يرجعهم لك من غير ما يديك عربية



احب جدا النصابين لما يتكلموا على بعض تلاقيه هو بيعمل الحركة دي في الناس هههههههههههه

معلش هى فرامل اليد دواسة ازاى يعنى ، حد يشرحلى ، يعنى لما اركنها دى ارفع فرامل اليد ازاى ??

[kemo0o]

معلش هى فرامل اليد دواسة ازاى يعنى ، حد يشرحلى ، يعنى لما اركنها دى ارفع فرامل اليد ازاى ??

عارف فرامل المرسيدس ؟ القديمة كانت جنب دواسة الدبرياج !!

هي زيها كده

[أحمد كمال]

معلش هى فرامل اليد دواسة ازاى يعنى ، حد يشرحلى ، يعنى لما اركنها دى ارفع فرامل اليد ازاى ??

بتبقى دواسة زيادة عالشمال


تدوس عليها بتنزل لتحت و تثبت تحت

كده انت رافع فرامل اليد العربية مش هتمشي


عايز تمشي .... فيه زرار في التابلوه تشده تقوم الدواسة طالعة لفوق تاني

طب وبعدين يا جماعة ؟؟؟ مش هنعرف نشترى العربية والا إيه

أنا لقيتها عند معرض فى المهندسين فى شارع متفرع من أحمد عرابى قال إيه .....
قاللك 118 ألف
أنا طبعاً الرقم خرم ودى قلتله: مش كتير شوية
قالى: يا بيه دى مش موجودة فى السوق

بصراحة كنت عايز برضه أتلفظ بألفاظ أبيحة بس مسكت نفسى

المهم أنا شفتها عند معرض تانى فى شارع جامعة الدول وقالى 114

أنا بصراحة هموت على العربية ونفسى أشتريها
ومستعد أدفع أوفر بريس بس لحد 112 فقط .. ده باعتبار إن الاستلام فورى طبعاً
بس بصراحة أكتر من كده يبقى كتير أوى

على فكرة أن برضه سألت عند محمد زكى وقالى حجز ب 109 واستلام بعد شهر
بس بينى وبينكم أنا حسيت أنهم بيستهبلوا إذا كان كيا نفسهم قالولى تسليم بعد شهرين يبقى هوه إزاى هيسلمنى بعد شهر
بصراحة حسيت إن الموضوع نصباية وهيمطوحونى 3 - 4 شهور

ربنا ييسر لنا جميعاً الخير إن شاء الله

[أحمد كمال]

و الله يا شريف انا اتخنقت انا كمان ......

اديني حاجز مع التوكيل بقالي شهر اهه

اما نشوف

انا مش عايز اقول لك مراتي مسمياني عبده مشتاق

جبت الطفاية و الكوريك و مفتاح الصليبة و قاعدة زيادة لكرسي البيبي

و خليت مراتي عملت لي التوكيل عشان ارخص العربية باسمها عشان ضريبة الترفيه

و قاعد مستني الفرج .....