سيـريون و لا جين 2

**mnegypt** · 31-10-2007 12:40 AM

السلام عليكم
أنا محتار بين الجين 2 و السيريون 1300cc 2008 هي الجين 2 أنا عارف ان الجين 2 1600 cc ,و السيريون 1300 بس 86 حصان علي حجم السريون هيكون قريب جيدا من 110 حصان علي حجم الجين 2
و الأثنين بنفس السعر تقريبأ و نفس الكماليات ABS, EBD, CD, AIR Bags,barking sensor

أنا عاوز عربية بحد أقصي 85 - 90 ألف
عاوز المواصفات دة في العربية (بالترتيب من الأهم للأقل أهمية بالنسبة ليه)
1- الأمان ABS و Air bags و تكون وخدة نقاط عليه نسبيا في أختبارت التصادم
2-تكون ثابتة خصوصا في الطرق السريعة الي فيها حفر و مشاكل زى المحور و طريق 6 أكتوبر (القاهرة - الفيوم) و المطبات العالية
3-تكون مريحه يعني مثلا لو واحد قعد 4 - 5 ساعات يوميا سايق العربية
4-تكون موفرة في البنزين نسبيا
5- يستحسن تكون أتوماتيك

لو في أقتراحت تانية بنفس السعر و المواصافات ياريت تقترحوا عليه

**أبو عبدالله** · 31-10-2007 12:52 AM

1- السيريون حاصله على اربعة نجوم في اختبارات التصادم الأوروبيه
2- الثبات موقع Whatcar اعطى لها ثلاثة نجوم على الثبات
3- مريحه جدا والله في كرس السائق لأن انا بعد لما بطلت اركب النوبيرا وركبت عربيتي وبعدين مره جربت اركب النوبيرا حسيت فعلا اني كنت بتعذب قبل ذلك
وهي دي المشكله ان اللي بيجرب غير اللي مجربشي
4- متهيألي 350 لتر في الصفيحه بالتكييف واوتوماتيك على الطريق يبقى ميه ميه محمله ارعه كمان والله وعن تجربه

**modux** · 31-10-2007 12:53 AM

رأي جين 2 او لانسر

**Ahmed Hassan** · 31-10-2007 12:58 AM

كل المواصفات دي موجوده في الاتنين ما عدل توفير البنزين في السيريون بس

**Ahmed Anwer** · 31-10-2007 01:00 AM

حضرتك قدام بتختار بين عربيتين عيوبهم مشتركة ضعف الإنتشار و ارتباط صيانتهم و قطع غيارهم بالوكيل و إعادة البيع

و قدام حطيت السيريرون في المقارنة يبقي حضرتك متقبل حجمها

يبقي اختار الياباني طبعا ،،

أكيد مشاكله أقل بكتير من الماليزي و جودته أفضل بكتير و اكيد عمره و أدائه أفضل

**fahd_628** · 31-10-2007 01:06 AM

1- الأمان ABS و Air bags و تكون وخدة نقاط عليه نسبيا في أختبارت التصادم

الأتنين فيهم

2-تكون ثابتة خصوصا في الطرق السريعة الي فيها حفر و مشاكل زى المحور و طريق 6 أكتوبر (القاهرة - الفيوم) و المطبات العالية

الجين 2 ثابتة جدا و ارتفاعها مناسب جدا معرفش بصراحة اخبار السيريون بس ثبات الجين 2 افضل من السيريون

4-تكون موفرة في البنزين نسبيا
5- يستحسن تكون أتوماتيك

سيريون تكسب فى النقطة دية

بس انا رأى ان حضرتك تروح معرض و تركب الأتنين والى انت شايفها احسن و ارتحت فيها اكتر يبقى تشتريها و على فكرة العربيتين ما شاء الله ممتازين

بس انا مش حقول انا افضل مين علشان مبقاش متحيز لأنك لو قولتلى اى حاجة فى الفئة السعرية دية حقولك جين 2 :D :D :D :D :D :D :D :D :D :D لأنى بحب الجين 2 جدا جدا جدا جدا جدا جدا جدا

**محمدايهاب** · 31-10-2007 01:40 AM

السيريون 1300 بس 86

ده عند 6000 لفة موتور يبقى الرقم مبالغ فيه جدا

نفس الكماليات ABS, EBD, CD, AIR Bags,barking sensor

لأ الجين تو أكتر مثلا التحكم في ارتفاع و انخفاض الضوء الامامي- الفوج - العتب الرياضي- المساحات الخلفية - الجنوط (في بعض موديلات السيريون و كل موديلات الجين تو- تحكم الدريكسيون في نظام الصوت)

الأمان ABS و Air bags و تكون وخدة نقاط عليه نسبيا في أختبارت التصادم

الاثنين فيهم air bags .ads أمان السيرون 4 نجوم أما الجين تو لا أعرف

تكون ثابتة خصوصا في الطرق السريعة الي فيها حفر و مشاكل زى المحور و طريق 6 أكتوبر (القاهرة - الفيوم) و المطبات العالية

الجين تو لا كلام أثبت

تكون مريحه يعني مثلا لو واحد قعد 4 - 5 ساعات يوميا سايق العربية

السيريون لا كلام أكثر نعومة و ده أحد عيوب الجين تو

تكون موفرة في البنزين نسبيا

السيريون الياباني بلا شك

رغم أن الظاهر يرشح الجين تو إلا أن السيريون كمان عربية جامدة ياباني - تقفيل أجسن بكتيير - توكيل أفضل
أنا نفسي أجد صعوبة في المقارنة أنت اختار
و ربنا الموفق

**Heshaam** · 31-10-2007 03:43 AM

أعتقد إن كل اللي حضرتك ذكرته موجود في الجين تو - اللهم إلا البنزين فالسيريون أفضل من هذه الناحية بس ما ننساش طبعا إن المقارنة هنا بين موتور 1300 وموتور 1600 - هذا فضلا عن أن الجين تو - وقد أكون مخطئا - إنتشارها في السوق أعلى من السيريون؛ وحجمها أكبر وشكلها أفضل - طبعا دي أذواق.

وربنا يوفقك للي فيه الخير.

**dreslam** · 31-10-2007 11:35 AM

طب والمقارنه مع الموديل الجديد من السيريون 1500 حيبقى في صالح جين تو في كل النواحي مع استثاء البنزين برضه؟

**CryptonX** · 31-10-2007 11:41 AM

المشاركة الأصلية كتبت بواسطة dreslam

طب والمقارنه مع الموديل الجديد من السيريون 1500 حيبقى في صالح جين تو في كل النواحي مع استثاء البنزين برضه؟

انا في رأي السيريون .. سيارة ياباني محترمة جدا .. و دايتهسو معروفة بقدرت تحملها .

الجين 2 مش وحشة في رأي بس .. معرفش مش برتاح وانا جواها و تقفيل وخامات التابلوه لاتقارن بالياباني نهائي .

و كمان مجلة و سايت WhatCar مديلها نجمة واحدة فقط من خمسة :
واثبت الي انا قلته عن التابلوه ( The Gen-2’s cabin is not a quiet place to be )
) Cabin feels cheap and badly put together )

http://www.whatcar.com/car-review-su...688&Submit1=GO