وصف الطريق الى مركز خدمة قليوب

[أبو_حمزة]

ان شاء الله انا حاجز فى مركز قليوب ميعاد للصيانة الدورية
ممكن حد يوصف لى ازاى اوصل هناك عشان دى ها تكون اول مرة اروح هناك
ان شاء الله اكون جاى من صلاح سالم

[مصراوي جدا]

استاذ أبو حمزة

اهلا بيك في مركز خدمة قليوب

هو المكان في الكيلو 16 طريق اسكندرية الزراعي

يعني بداية من صلاح سالم امشي حتى كوبري الكلية الحربية ومنه شمال الى ملاهي السندباد وكمل مع الشارع الى الكوبري الى بيطلع على طريق الاسماعيلية

من طريق الاسماعيلية تدخل الدائري (بعد الموقف) يمين علشان تتجه مع الدائري شمال الى اتجاه الطريق الزراعي

هتمشي شوية على الدائري ولما تنزل منزل الطريق الزراعي امام غبور كمل علطول

بعد كيلو واحد هييجي كوبري قليوب الجديد اطلع الكوبري وبعد الكوبري هتلاقي محطة بنزين التعاون يليها محطة بنزين موبيل وامامها على الشمال يافطتين لمركز خدمة ميتسوبيشي (هو ده المركز)

لكن بتكمل قدام حوالي اتنين كيلو متر الى اول ملف شمال عند مدينة ( قلما) وتعمل يو تيرن وترجع تاني وتدخل عند اليافطتين بتوع ميتسوبيشي شارع صغير وفي آخره المركز

[مصراوي جدا]

خدمة سبع نجوم

مع الشكر لجوجل ايرث

الصورة الأولى



الصورة الثانية



الصورة الثالثة




الصورة الرابعة




مع التحية

الله ينور يا باشمهندس طارق والله خدمه عشر نجوم مع انى مش لانسراوى زى مانتا عارف بس بصراحه نفسى كان يبقى فى منتدى الهوندا شخصيه زى حضرتك

انا مش عارف اقول ايه
جزاك الله خيرا و بارك الله فيك

[emadfk]

الله ينور يا باشمهندس طارق والله خدمه عشر نجوم

[اسلام المصرى]

شكرا جزيلا يا أخ أبو حمزه على سؤالك :-)
و شكرا جزيلا لك يا مهندس طارق على جوابك و الوصفه و الصور جزاك الله خيرا :-)

[segsauer]

جزاك الله خيرا و بارك الله فيك

[atolba]

u r second to none

[fayedhatem]

انت شرف للرانسراويه
شكرا يا هندسه