غسلت الفلتر بالمية .. عادي يعني !

**tompina** · 13-10-2009 06:25 AM

كنت مزنوق في تنضيف الفلتر لأن شكله كان مطين بطين , وقلت أشتري واحد جديد .. وبعد الشوية قلت : طب ما طالما هاجيب جديد ، أغسل القديم وأجرب ماهي ـ خسرانة خسرانة ـ .
ماخبيش علشكم نص كوباية مسحوق على شوية بريل مواعين في لترين مية دافية وإديها يا معلم .. وبعد شوية كبرت في دماغي أكتر فحطيته في الغسالة الأوتوماتيك .. ـ خسرانة بالمرة بقى ـ ، المهم خد العلقة التمام وطلع ومن العصر عالسيشوار عدل .. وياريتكم تشوفوا شكله .. عسل !
آه والله بقى نضيف ومحترم وماباظش ولا اتشقق قلت يمكن عشان نوعه اللي هو onnuri وركبته ودووس يا معلم .. أيوة كده .. ياساتر .. كان كاتم العربية زي فوطة ريا وسكينة تمام .

على فكرة اللي يعمل يكده يعملها على مسئوليته الخاصة أنا ماليش دعوة يا عم !

**احمد المصرى** · 13-10-2009 09:03 AM

ههههههههههههههههههههههههه هههههههه

طبعا كدا باظ يا معلم ومحتاج تجيب واحد جديد والحمد لله على قد كدااااااااااااااااااااااا اااااا

وحلوه اوى موضوع الغساله الاوتوماتيك دا

**N.a.j.d** · 13-10-2009 12:10 PM

هو حضرتك فلتر ايه اللى غسلته

**elwad_crazy** · 13-10-2009 02:13 PM

اعقتد غسلت فلتر الهوا

:d

**Shiref_mohamed** · 13-10-2009 02:14 PM

هو اكيد موضوع غسيل فلتر الهوا بالمياه والصابون ده هيؤدى الى تغير في مسام الفلتر يعني ممكن توسع وتدخل كمية تراب زياده للموتور او تضيف وتخنق الموتور انا مجربتش عشان احكم بس الأفضل انك تغير وتركب فلتر جديد اضمن للموتور واحسن

**Evo** · 13-10-2009 04:31 PM

يا عم عادي أنا أعرف واحد لف فلتر k&n في قماش ورماه في الغساله وطلع ذي الفل

وأصلاً الفلتر المفروض يتغسل بالمياه عادي وبعدين يترش عليه الزيت بتاعه

**zaza_lanos** · 13-10-2009 04:50 PM

ايه بقى الزيت بتاعه انا اول مرة اعرف الحكاية ده

**Evo** · 13-10-2009 05:14 PM

دة زيت مخصوص بترش على الفلتر بعد ما يتغسل وسعر القزازة حوالي ١٢٠ جنيه وبتكفي كتير وأحسن نوع زيت k&n

**tompina** · 13-10-2009 06:30 PM

طب دا بيتباع عادي وللا لازم أخبط مشوار لكار فور ـ أنا ساكن في المنيا ! ـ وبعدين هو لازم الزيت دة يتحط عليه أصلاً ؟

-

الموضوع: غسلت الفلتر بالمية .. عادي يعني !

LinkBack

أدوات الموضوع

عرض

غسلت الفلتر بالمية .. عادي يعني ! - انشر الموضوع فى :

-

-

-

-

-

المواضيع المتشابهه

استفسار هام للسادة المهندسين في المنتدي و اللي مش المهندسين برضه عادي يعني :)

غسلت الفلتر بماء و صابوون

جولد وينج العملاق....................ولايفرق معانا عادي يعني

عايزة أبقى عادي كده يعني

إلحقوني .. ملأ الشكمان بالمية !

الكلمات الدلالية لهذا الموضوع

المفضلات

المفضلات

ضوابط المشاركة