الموضوع: المختصر المفيد في الإيبيزا 2006-2008

الإيبيزا في مصر
الإيبيزا موتور 1400 سي سي
تسارع 11.9
نسبة انضغاط 10.5
قدرة حصانية 85 حصان
محرك أربع سلندر على شكل v
وزن العربية 1028
الإيبيزا هي سيارة سيات الأصغر و الأكثر شهرة في مصر و هي البولو ( من حيث الشاسية و الموتور)بس عندها جنسية إسبانية
و تعد القرطبة هي العربية السيدان بتاعت الإيبيزا
وكيل الإيبزا في مصر هي الشركة الهندسية و هي وكيلة بورش و هارلي
المقر الرئيسي للوكيل و كذلك مركز الصيانة في أرض اللواء (دي ميزة لإنه قريب)و يتميز الزكيل بكثرة فروعه أهمها في شارع رمسيس في وسط البلد
الإيبيزا نازلة مصر بخمس ألوان و هم
الأسود(black)
النبيتي(rubyreb)أنا شايفه أحسن لون
الأزرق الغامق (dark blue)أنا شايفه أسوء لون
الفضي(silver)
الفيراني (gray)
سعر الإيبيزا المانويل الكاملة 95 ألف عند الوكيل
من أشهر الموزعين المعتمدين أوتو ماجد

الإيبيزا نظرة عامة
من حيث الشكل الخارجي :
تميز في التصميم و روعة في التفاصيل و اهتمام كبير بالشكل الجمالي للعربية
1-شكل الكابوت جميل مع ارتفاع في وسط الكابوت على شكل حرف(v)مقلوب
2-سبويلر خلفي شكله جميل جدا و لايق على العربية
3- فوانيس خلفية مرتفعة و شبيه بفوانيس المازدا على شكل دوائر
4-جنوط مقاس 16 موزعة على زوايا العربية مما يوسع قاعدة العجلات
5-فوانيس أمامية على شكل دوائر شكلها جميل جدا
6-الشنطة مقوسة تضيف شكل جمالي للعربية
6- شبكة أمامية لائقة جدا مع الألوان السوداء و النبيتي والفيراني
7-مرايا جانبية من البلاستيك القاسي
8- في مبالغة في المطاط المحيط بالزجاج (حجمه كبير ) كان أحسن يصغروه شوية
9-للأسف لا يوجد عتب رياضي كان هيكمل الصورة الجمالية للعربية
10-طبعا يوجد مطاط ماص للصدمات على جانبي العربية
11-وجود اريال خارجي

من حيث الشكل الداخلي:
أنا هجاول أكون دقيق على أد ما قدر
1-العفشة غامقة جدا و ليها لون واحد في كل الألوان و هو الأسود الممزوج بالرمادي في الوسط مع قليل من الخطوط العرضية
2-خامات التابلوه جامدة جدا
3- و الخلفيين عاديauto4ازاز كهربه 2الأماميين
4- مرايات كهربه و زرار للزجاج الحراري
5-أربع فتحات تكييف على شكل دوائر مع طريقة غلق كل فتحة عن طريق لف الجزء الأوسط للفتحة
6-طبعا كاسيتcd +أربع سماعات
7-أماكن تخزين قليلة جدا و هي عبارة عن أدراج في الأبواب+حامل أحواب جنب السائق+مكان لتخزين الفلوس جنب الولاعة مغطى بغطاء بلاستيك
8-درج التابلوه كبير و مقسم (مكان للقلم و مكان للورق و مكان للأدوات الصغيرة)ا
9-كراسي قابلة للحركة في أبع اتجاهات
10 - الطارة قابلة للإرتفاع و الإنخفاض
11-الشامستين فيهم مرايا +عاكس في مراية الصالون
12- لا يوجد ضوء في الصالون الخلفي بس طبعا في ضوء (عادي جدا)في الصالون الأمامي
13-تحكم بإضاءة التابلوه (درجات الأحمر) لكن حتى في أقصى درجات الإضاءة بيكون الضوء خفيف ده بيدي احساس رياضي
13- تحكم في درجة الضوء العالي
14-مساحات أمامية و خلفية
15-الكنبة الخلفية فيها ارتفاع في الوسط (اسمها كبة على ما أظن) مما يقلل مساحة الكنبة أكثر
16-لايوجد مفتاح للشنطة أو مفتاح للبنزين
من حيث الشنطة :
1- واسعة جدا بالنسبة للهاتشباك
2-فيها رباط لطفاية الحريق
3-فيها الإستبين و الكوريك(في اليارس أسفل الكرسي الأمامي)وكمان العدة
من حيث المواصفات العامة:
أنا لي ملاحظات كتيييييييييييير على العربية بالخير و بالشر
1-العفشة ناشفة إذا ما قورنت باليارس أو الإلنترا بس أنعم من الصني هي قريبة من عفشة الميجان ( من حيث النعومة)بس العربية هتلين مع الإستخدام
2-الكنبة الخلفية ضيقة نسبيا
3-صوت المحرك قريب من صوت أزير الأسد مما يدفعك لتهور بالعربية فقط للإستمتاع بهذا الصوت
4- سحب العربية حقيقة توقعت أكتر من كده العربية سحبها أقل بكتيير من اليارس و الانسر
5-ثبات العربية مذهل و إن كنت أديها 9\10 علشان أقدر أدي الميجان 9.5\10
6-العربية أبعادها سهلة جدا و دي أســـــــــــــــــــــهل عربية سقتها في حياتي بلا مبالغة (اسهل من اليارس -التيدا- اللانسر-الإلنتر-الميجان-الباراتي- )و
7- المرايا الجانبية أبعادها أقل من اليارس و المراية اليمين رؤيتها متوسطة
8-و دي أول مرة أشوفهاEPC التحكم الإلكتروني بالمحرك مجودق على شكل
9-المارشدير بيجي عن طريق الضغط للأسفل ثم إلى مجرى مجاور للنقلة الأولى
10 البنزين و الفرامل و الدبرياش كلهم موجودين على أقصى اليمين ده مخلي شمال العتبة الأمامية فاضي خالص (مش فاهم إيه الحكمة)1
11-الباور بتاع العربية مش زي اليارس بس جميل و بيثبت على السرعات العالية
12-في فساحة في كرسي السواقة ده بيخلي السواقة أسهل بكتيير
13-استهلاك العربية للبنزين متوسط بس مش قليل
14-الفرامل مع الزمن بلاحظ إنها بتستجيب أحسن بكتتير حقيقة الفرامل جامدة
15- الأر بي إم أخره عند 7 يعني 7000 لفة للموتور
16- أخر العداد 220 بس لا أعتقد العربية ممكن تجيبه
17- من حيث عمر العربية أكيد العربية معمرة جدا لإنها أسباني( ملك فولكس)والدليل هو انتشار الموديلات القديمة للإيبيزا و البولو

من الأخر
العربية جميلة و فيها مميزات كتيير بس سعرها عالي جدا بالنسبة لإمكانياتها العربية دي بتعتمد على اسمها و اقترانها بصغيرة الفولكس (البولو)أنا شايف العربية ممكن تعمل مبيعات كويسة لو التوكيل اهتم بالجانب التسويقي
طبعا موديل 2007 هو نفسه موديل 2008 يبقى الكلام ينطبق على العربيتين
====
علشان تكتمل الصورة الإيبيزا واخذة 4 نجوم في اختبارات الأمان الأوروبية
و الموديل المصري فيه 2 air bags
================================
تم دمج الرد

ادارة المنتدى

al new ibiza feeha abs w esp w ebd al kalam dh areto fi a3lan 3mlo al twkell leiha









IBIIIIIIIIIIIIIIIIIIIIIIIIIIIIIIIIIZZZZZZZZZZZZZZZ ZZZZZZZZZAAAAAAAAAAAAAAAAA FOR EVER