هوندا vti و لا جيتا هاي لاين

**engco2** · 07-11-2009 10:18 AM

السلام عليكم و رحمة الله و بركاته

أرجو إفادتي في هذه المقارنه؛ بين سيارتين أنا عارف إنهم من فئتين مختلفتين؛ بس تقارب السعر بينهم (20000 فرق تقريبا) يخليني أفكر كتير قبل م أختار؛ بينهم.....ممكن حد يساعدني

**engco2** · 07-11-2009 10:19 AM

إن الجيتا فيها عيب كمان إن الشكل هيتغير السنه اللي جايه

**kemo0o** · 07-11-2009 10:33 AM

الموضوع ده اتناقش كتير والمقارنة دي كمان ولو كنت بحثت في المنتدى كنت هتلاقي الموضوع ده

المهم مقارنة العربيتيتن من ناحية الاداء فالسيفيك اداءها افضل من الجيتا وده ناتج من ان موتور السيفيك يتفوق على موتور الجيتا

الثبات : الاتنين زي بعض ثباتهم ممتاز وبوجود ال VSA في السيفيك ال vti فتتفوق على الجيتا في مسألة الثبات في المنعطفات

الاعتمادية : الشركتين معروف اعتماديتهم وجودتهم بس من ناحية الصيانة فان فولكس اغلى من هوندا

الوكيل : هوندا تتفوق على وكيل فولكس في مصر

رأيي الشخصي : سيفيك بجدارة تتفوق على الجيتا
بس الجيتا ليها ناسها برضه (عشاق الالماني)

**engco2** · 07-11-2009 01:15 PM

مشكور يا كبير علي ردك؛ طيب و رأيك إيه؛ السيفك vti تستاهل فلوسها؟؟ خصوصاً مع وجود نظام ال vsa و لا لأ؟

أنا كمان بفكر إني لو هجيب السيفك؛ أركب الدي في دي اللي موجود عند التوكيل...إنت إيه رأيك بما إنك زي م لاحظت هونداوي أصيل :)

**Fadi Ezzat** · 07-11-2009 01:26 PM

إنت إيه رأيك بما إنك زي م لاحظت هونداوي أصيل :)

كيمو الكبير بتاعنا فى قسم الهوندا اى حاجة تسالة هو الاول
وانا هسيبة يكمل ردة عليك

**hlmnz** · 07-11-2009 01:51 PM

وبعدين فين المشرفين لازم الموضوع يتشال من هنا ويتحط في قسم المقارنات صبح صبح يا عم الحج

**kemo0o** · 07-11-2009 02:08 PM

المشاركة الأصلية كتبت بواسطة engco2

مشكور يا كبير علي ردك؛ طيب و رأيك إيه؛ السيفك vti تستاهل فلوسها؟؟ خصوصاً مع وجود نظام ال vsa و لا لأ؟

أنا كمان بفكر إني لو هجيب السيفك؛ أركب الدي في دي اللي موجود عند التوكيل...إنت إيه رأيك بما إنك زي م لاحظت هونداوي أصيل :)

بصراحة مافيش عربية في مصر تستاهل فلوسها ولا سيفيك ولا جيتا ولا حتى S-Class
يعني انت عندك CIVIC SI تمنها 20 الف دولار يعني حوالي 100 الف وشوية ودي طبعا برقبة السيفيك اللي عندنا !! فسيبك من نقطة تستاهل فلوسها دي

موضوع الــ DVD بقى ان شاء الله لما تشتري انت بس ابقى كلمني

**عبد الرحمن اسامه** · 07-11-2009 03:12 PM

انا معرفش مواصفات الاتنين بصراحة انا من ملاك السيات ليون و من عشاق الاماني موضوع إن الموتور ضعيف علي العربية ده حقيقي لأن السيارات دي بتنزل بمواتير ٢٠٠٠ سي سي بره و هنا ١٦٠٠ عشان الجمارك فالموتور هيبقي اضعف من الهوندا، بس انا لو مكانك كنت برده هشتري الجيتا بس عشان الماني.

**M.Osman** · 07-11-2009 04:15 PM

المشاركة الأصلية كتبت بواسطة hlmnz

يا باشا ريح نفسك وخد جيتا طالما قارنتها بالسيفيك فانت تعلن انك جزء من الشعب المصري
فابعد نفسك عن السيفيك

تخيل يا باشا ... الأمريكان بيقارنوا السيفيك و الجيتا بالسيراتو ؟؟

مش عارف اقول عليهم اية... ناس وحشة اوي

حد يقارن عربية بعربية برضه؟؟

امال لو كنا بنتكلم عن هوندا اكورد كان اية اللي ممكن يحصل؟؟

الموضوع: هوندا vti و لا جيتا هاي لاين

LinkBack

أدوات الموضوع

عرض

-

-

-

المواضيع المتشابهه

جيتا هاي لاين خليجي ولا باسات بيز لاين وكيل

هوندا سيتي هاي لاين أو النيسان تيدا الهاي لاين السيدان(الاتوماتيك)

ايهما أفضل فورد فوكس هاي لاين ام هوندا سيفيك هاي لاين

مقارنة بين جيتا هاي لاين، اوكتافيا فانتازيا و سيفيك هاي لاين

تشترى سيفيك هاى لاين ولا جيتا هاى لاين

الكلمات الدلالية لهذا الموضوع

المفضلات

المفضلات

ضوابط المشاركة