تشترى سيفيك هاى لاين ولا جيتا هاى لاين

**abo samra** · 08-04-2009 09:27 PM

لو قدامك اختيار ما بين الجيتا الهاى لاين فيها كل الكماليات ماعدا فرش الجلد
ب 186 الف خليجى
والسيفيك هاى لاين اللى فيها تكييف تانش وفتحة سقف ومثبت سرعه و vsc و4 وسائد هوائيه وجنوط 16 ب 176 الف جنيه
المقارنه دى انا بعملها لواحد صاحبى محتار بينهم انا نصحته بالجيتا وهو نفسه فى السيفيك بس خايف يجيبها يندم انه ما جابش الجيتا خصوصا انها فى كماليات اكثر وشكلها احلى والمانى وبريستيج اعلى
فى نفس الوقت السيفيك سحبها افضل وده اللى بيخليه يميل شويه ناحية السيفيك
الثبات انا ما جربتش الجيتا قبل كدا على سرعات عاليه ولكن جربت السيفيك واعتقد ان الجيتا هتكسب السيفيك فى الثبات ولا ايه رايكم

وعلى فكره هو فى قمة الحيره جدا وانا هخليه يسجل فى المنتدى علشان ممكن يستفاد اكتر

**Fadi Ezzat** · 08-04-2009 09:53 PM

انا من رايى السفيك افضل لشاب لكن الجيتا سحبها ممل شوية بطى شوية
لكن السييك جميلة جدا فى السحب خصوصا ف الغيار التالت يعنى من 110 او 120 الى 170
بالنسبة للكماليات الجيتا تكسب بس برضة هو شاب مش محتاج للكلام دة خالص

**Fadi Ezzat** · 08-04-2009 11:16 PM

بص بقى
اولا انا فعلا مجرب السفيك كتير بتاعة عمى ومجرب الباسات مش الجيتا كتير بتاعة نفس العم
المهم الجيتا طبعا اثبت من السيفيك على سرعة تتفوق 200
بالنسبة للبرستيج فا السيفيك ليها برستيج عالى اوى والجيتا ليها برستيج عالى اوى
بس لو مش لشاب تبقى الجيتا لو لشاب تبقى السيفيك لانها اكثر شكلا من الجيتا فى الهجومية
كما فى مثلث الرعب سيفيك ولانسر ومازدا3

**Ahmed Samy** · 09-04-2009 03:43 AM

السيفيك أفضل
ثبات مكافيء للجيتا
كماليات مناسبة
تسارع أفضل
ضمان الوكيل و الصيانة متوفرة
سعر أقل
شكل جميل

بس صاحبك في الآخر هايجيب جيتا
أصل علامة فولكس بتعمل تنويم طاغطاطيسي بجد
الجيتا مغرية جدا

**CryptonX** · 09-04-2009 12:04 PM

بلاش تقوله جيتا و لا سيفيك ..

للناس الي بتقول ان الجيتا اقل شبابية و مش عارف ايه

الجيتا هي جولف سيدان :)

الجولف شبابية ولا ايه ؟

ايه فرق الجيتا عن الجولف ؟ غير الخلفية ؟

شفتوا بقى ؟

طبعا الجيتا :)

مع كامل الاحترام للسيفيك .

السيفيك اختاراها لو قارنتها بالانسر و الكورولا و المازدا3 .