مشكلة في ياريس yaris

**mizo91** · 26-11-2009 11:08 PM

فيه واحد زميلي إشترى عربية yaris من أقل من سنة و العربية المفروض كويسة بس ييجي يدورها ساعة مبتدورش معه والموضوع حصل كذا مرة و راح للتوكيل كذا مرة و قلوله أيوا د مشكلة في كل عربيات ال- yaris we و بعد ما تتصلح ترجع تبوظ تاني في خلال شهر ولا حاجة
هو دلوقتي عايز يبلغ الشكرا الأم في اليابان على إلمهزلة إلي بتحصل دي. فحد يعرف ازاي يبلغ؟
أي ايميل أو رابط يا جماعة أرجو المساعدة.

**kareemhisham** · 27-11-2009 12:52 AM

يعنى ايه بتحصل فى كل العربيات الياريس ؟؟

انا اول مرة اسمع عن المشكلة دى .. و العربية ماشية فى البلد زاى الفل و محدش اشتكى من موضوع زاى دى ..

خليه يروح فرع تانى و يجرب ..

**pharonicking** · 27-11-2009 03:19 AM

ياريت توضح المشكلة اكتر لان الكلام مش مفهوم؟

**a7mode** · 27-11-2009 06:08 AM

مش بتدور ازاى ؟ هيا البطاريه فيها حاجه ؟

**monmonmon** · 27-11-2009 06:41 AM

المارش او البطارية او الاتنين.. و مقدرش افيدك فى موضوع ال email لكن ممكن تدخل على تويوتا و تشوف Contact

بس مفيش حاجه اسمها المشكلة دى موجودة فى ياريس ده اسمه استهبال.. لان حتى الدايو لانوس استحالة تلاقى فيها المشكلة دى حتى بعد 10 سنين

**Sharky** · 27-11-2009 09:06 PM

انا معايا ياريس موديل 2007 و ماشية حتى الان 28 الف كم و محصليش العيب دا !

ياريت حضرتك توضح لنا الأتى :
1- أنهى فرع من التوكيل اللى قالوا انه عيب معروف قى الياريس
2- التوكيل قاله دا عيب فى انهى جزء للسيارة اللى بيصلحوا كل شويه و يرجع يبوظ تانى !
3- ممكن تفاصيل عن سيارة صاحبك (كم ، الاوبشن ، موديل )

**hero** · 29-11-2009 12:43 PM

هو ممكن يكون بيحاول يدورها ...وما تدورش معاة من اول مرة ....دي ساعات بتحصل معايا ....بس السبب عندي اني ساعات كتير قوي ما بكونش دايس علي الدبرياش جامد...المفروض يوصل دواسة الدبرياش للاخر..

لو المشكلة ايلي عندة مختلفة.....يروح لفرع العباسية...اواي فرع من فروع تويوتا ايجيبت....مش فروع الشركات المعتمدة...لان دول بالكتير بيعميلوا الصيانات الدورية