الموضوع: استفسارات بخصوص الاونو ...بدئت تعمل معايا حركات نقص ياريت مساعدة

بقي يا راجل أونوي و مش عارف

مشط الكهربا يا معلم ، روح للكيلاني شارع شامبليون هات مشط الكهربا الماجنيت ماريللي حتلاقية 130 جنية تركي و متجبش اي نوع تاني حتلاقي نوع اسمة إية سي إيطالي متجيبوش

نصيحة غير معاة البوجيهات علشان تحس الفرق و هو في الغالب حتلاقي البوجيهات هي اللي عاملة استهلاك البنزين العالي

و متخليش حد يلعبلك في اي حاجة تانية، هي المشكلة في الأتنين دول بالظبط

و اي خدمة يا معلم

لا واحدة واحدة اخوك ميح فى الحاجات دى
مشط الكهربا دا بتاع اية ؟؟؟؟؟؟؟؟؟؟؟؟؟ وهو سبب انها مش راضية تدور يعنى ؟؟؟؟؟؟؟؟
والبوجيهات دى بقة عشان البنزين صح انما ملهاش علاقة ب ان العربية تدور او لا؟؟؟؟؟؟؟؟
وتمن البوجيهات دى كام ؟ وهم اصلا كام واحدة يعنى (لان الاسم جمع مش مفرد)
وشكرا يا حوبى على الاجابة...ومنتظر المساعدة

مشط الكهربا دة مربع كدة شبة البتاع الألومنيوم اللي بيركب بين الفان و بروسيسور الكمبيوتر و بيركب فوق الإستبراتير اي كهربائي يغيرهولك بعشرين جنية، دة وظيفتة انة بياخد الكهربا اللي طالعة من البطارية و يحولها لألاف الفولتات علشان توصل للموتور و تحرق البنزين

البوجيهات بيبقي طقم أربع بوجيهات بيركبوا في الماتور ممكن الميكانيكي يغيرهملك بعشرين او بـ 15 جنية مثلا حتلاقي طقم اسمة ngk واحد شمعة حيعمل حوالي 40 جنية

لما بيحصل اي مشكلة في المشط و في الغالب بيكون نتيجة غسيل الماتور بمية بدون ما تغطي المشط كويس، ممكن العربية تفصل و هي ماشية او متدورش اصلا لما بتبقي حالتة متدهورة قوي

هو علي العموم حاجة بسيطة يعني بس لازم تاخد منها درس علشان تعرفها، انا شخصيا المشط عملها معايا في اسوء مكان في التاريخ علي الكيلو 28 طريق اسكندرية

بالنسبة للبوجيهات هي مسؤلة عن شرارة حرق البنزين، كل ما تبقي شرارتها قوية كل ما تحرق البنزين كويس فالعربية تسحب احسن و توفر بنزين اكتر، في الغالب الإستهلاك العالي بيكون سببة انها تعبت و لما تكشف علي البوجيهات تلاقيها مهببة علشان مش بتحرق كويس

علي اي حال مش عايزك تقلق المشاكل اللي عندك دية بسيطة جدا أنت بس علشان جديد علي الأونو فاكرها مشاكل عويصة، انما بمجرد ما تغير الأتنين حتلاقي الدنيا زي الفل متقلقش

المشاركة الأصلية كتبت بواسطة amrbakly

مشط الكهربا دة مربع كدة شبة البتاع الألومنيوم اللي بيركب بين الفان و بروسيسور الكمبيوتر و بيركب فوق الإستبراتير اي كهربائي يغيرهولك بعشرين جنية، دة وظيفتة انة بياخد الكهربا اللي طالعة من البطارية و يحولها لألاف الفولتات علشان توصل للموتور و تحرق البنزين

البوجيهات بيبقي طقم أربع بوجيهات بيركبوا في الماتور ممكن الميكانيكي يغيرهملك بعشرين او بـ 15 جنية مثلا حتلاقي طقم اسمة ngk واحد شمعة حيعمل حوالي 40 جنية

لما بيحصل اي مشكلة في المشط و في الغالب بيكون نتيجة غسيل الماتور بمية بدون ما تغطي المشط كويس، ممكن العربية تفصل و هي ماشية او متدورش اصلا لما بتبقي حالتة متدهورة قوي

هو علي العموم حاجة بسيطة يعني بس لازم تاخد منها درس علشان تعرفها، انا شخصيا المشط عملها معايا في اسوء مكان في التاريخ علي الكيلو 28 طريق اسكندرية

بالنسبة للبوجيهات هي مسؤلة عن شرارة حرق البنزين، كل ما تبقي شرارتها قوية كل ما تحرق البنزين كويس فالعربية تسحب احسن و توفر بنزين اكتر، في الغالب الإستهلاك العالي بيكون سببة انها تعبت و لما تكشف علي البوجيهات تلاقيها مهببة علشان مش بتحرق كويس

علي اي حال مش عايزك تقلق المشاكل اللي عندك دية بسيطة جدا أنت بس علشان جديد علي الأونو فاكرها مشاكل عويصة، انما بمجرد ما تغير الأتنين حتلاقي الدنيا زي الفل متقلقش

شكرا جدا ليك
على الشرح دا...هى المشكلة انها عملتها معايا اول يوم العيد ومفيش كائن حى فاتح
وجارى الى شافها ليا مش معاه عده عشان يشوف البوجيهات يعنى بس قالى المشكلة مش فى البطارية او الدينمو
هستنى ليوم الاتنين لما يفتحوا الناس بقة او احاول اشوف ميكانيكى زيارة منزليه هههههههههههههههه
واخلى الى يشوفها الاول ميكانيكى ولا كهربائى ؟؟؟؟؟؟
وانا ساكن ناحية المطرية كدا لو تعرف حد فاتح فى الايام دى سواء ميكانيكى او حاجة اروح اجيبة بعربيه تانية بتاعة صاحبى...........
وشكرا بجد ليك

لا انا سكن قريب من وسط البلد و عندي ميكانيكي و كهربائي و سمكري علي بعد 100 متر من البيت فمعنديش مشكلة قوي يعني و ناوي أقدم طلب إنشاء ورشة عفشجي لوزارة التمنية الإدارية قريب

بص يا صاحبي انت كدة من الأخر اتحبست لحد يوم الأتنين معلش ملكش حظ تعيد مع العربية، بص من الأخر انزل يوم الأتنين أكيد حتلاقي الكيلاني فاتح أخبط مشط كهربا ماجنيت ماريللي تركي و معاه 4 بوجيهات NGK واحد شمعة إلكتروني، جنب الكيلاني في ورشة هو حيوديك ليها تركبهم لو العربية لمت الكتاكيت معاك و قدرت تروح المشوار، لو فضلت نايمة اي ميكانيكي يركبلك الأتنين متقلقش و خاصة لو شغال في شاهين و دة معتقدش انة صعب في المطرية أبدا

المشاركة الأصلية كتبت بواسطة amrbakly

لا انا سكن قريب من وسط البلد و عندي ميكانيكي و كهربائي و سمكري علي بعد 100 متر من البيت فمعنديش مشكلة قوي يعني و ناوي أقدم طلب إنشاء ورشة عفشجي لوزارة التمنية الإدارية قريب

بص يا صاحبي انت كدة من الأخر اتحبست لحد يوم الأتنين معلش ملكش حظ تعيد مع العربية، بص من الأخر انزل يوم الأتنين أكيد حتلاقي الكيلاني فاتح أخبط مشط كهربا ماجنيت ماريللي تركي و معاه 4 بوجيهات ngk واحد شمعة إلكتروني، جنب الكيلاني في ورشة هو حيوديك ليها تركبهم لو العربية لمت الكتاكيت معاك و قدرت تروح المشوار، لو فضلت نايمة اي ميكانيكي يركبلك الأتنين متقلقش و خاصة لو شغال في شاهين و دة معتقدش انة صعب في المطرية أبدا

ههههههههههههههههههههههههه ههههههه
والله فكرة حلوة
لا هى مش بتتحرك من قدام البيت خايفة تمشى تتوه ههههههههههههههههههه
هروح اشتريهم وهجيب معايا ميكانيكى يعملهملى وهبقة اقولك اخر الاخبار ان شاء الله

تسلم على تعبك معانا بس انا جديد فى حوار العربيات بس اى حاجة كمبيوترات او شبكات اخوك فى الخدمه

المشاركة الأصلية كتبت بواسطة bode_mw_2005

احمد باشا شكلك متخصص اونو وانا لسه جديييد فيها انا عندى مشكله ان ساعات وانا ماشى لمبه البطاريه بتنور والعربيه تابطل لوحدها هى مش بتعمل كده كتير يعنى مره كل اسبوع مثلا وبالذات وهى بارده تفتكر ده مشط كهربا برضه ولا بطاريه ؟

مسأله البنزين انا عندى نفس المشكله و غيرت تكهات وبقت تجيب حوالى من 10 ل 11 كيلو فى اللتر اعمل ايه ؟

هو انا اسمي عمرو بس ماشي

شوف يا سيدي دية ممكن تبقي كذا حاجة، بس و هي باردة مش مشكلة كبيرة لأن ممكن يكون دة بسبب برودة الماتور إنما غير كدة ممكن تبقي بوجيهات او مشط

بالنسبة للإستهلاك دة استهلاك معقول جوة المدينة، انما في السفر اكيد اللتر حيعمل اكتر من كدة طبعا انا شخصيا العربية بتروح معايا تقريبا لأسكندرية بحوالي 15 لتر بنزين و دة طبعا معدل ممتاز

علي فكرة لو بتحط بنزين 92 حيتحرق اسرع من الـ 90 فنصيحة حط بنزين 90 لأنة هو اصلا بنزينها الـ 92 زيادة عليها، هو مش مضر بس حيتحرق اسرع من الـ 90