اتفرجت على بونتو 95 وده سعرها ادخل وساعدنى من فضلك

**m000dy** · 26-12-2009 12:17 PM

بسم الله
ياجماعة الخير
انا اتفرجت على عربيه بونتو 95 وصاحبها بيقول انها صيانة توكيل
ومافيهاش غير تكييف وجنوط والتكييف هو اللى مركبه
العربيه كحاله عامه جميله بصراحه لكن هو طالب فيها 33 الف نزلت ل 30 الف بالعافيه هل السعر ده كويس
مع انى شفت عربيات فابريكه بره وجوه واول كلام فيها 27 الف
حد يقوقى ايه رينج سعر العربيه دى ويكسب فيا ثواب لحسن انا معايا 28 وهاستلف الالفين
فهل تستاهل لان ده سعرها ولا كده غالى

**eng_ahesham** · 26-12-2009 03:43 PM

بص يا ريس لو العربيه فابريقه دواخل والحاله العامه جيدا جدا و كل حاجه فيها شغاله توكل علي الله
وبرضه ممكن تروح للاسطي صابر بتاع امبابه هو يبصلك عليها ويقولك إذا كان فيها حاجه ولا ايه ولو هيه تمام توكل علي الله
بس نصيحه وديها لحد بيفهم في البونتو بالتحديد
والف مبروك مقدما

**fouady** · 26-12-2009 03:52 PM

انا مش عرف السعرها إيه استنه ردود الناس اللي معاها العربية ديه

**A.Saad** · 26-12-2009 05:17 PM

بص على كار 100100 او كونتاكت وانت تعرف رنجها ايه
واكشف عليها كويس لانها عربية محبوبة للشباب

**mada_mada81** · 28-12-2009 10:39 AM

المشاركة الأصلية كتبت بواسطة m000dy

ماهو انا شايف الاسعار بس مش عارف حالة العربيات المعروضه دى ايه لانى مش شايفها
الاسعار مابين 26 الف لحد حاجه وتلاتين
بالله عليكم اللى يعرف اسعارها ورينجها كام يقول

انا بدور على بونتو وكان فى عربيات جامدة على 27 و 28 وحالتها ممتازة بره وجوه بس الفلوس معايا مكملتش حاول تنزل معاه شويه لان فى ناس من كتر مهوا حاسس ان عربيته كويسه بيغالى فى تمنها وفى ناس رغم ان عربيتهم تكون زيها بس بيكونوا وقعيين وعارفين سعرها فى السوق يعنى ممكن تكون انت اول واحد اوتانى واحد يحاول يشتريها لكن لو كان عرضها من مدة من شهر او اتنين هتلقيه واقعى فى السعر
واخيرا كل اللى انا قولته دا ولا حاجه لانك اللى شوفت العربية وعارف ان كانت تستاهل ولا لا انا بس بديك خبرة 5 اشهر فى اللف على البونتو

**mada_mada81** · 28-12-2009 03:42 PM

المشاركة الأصلية كتبت بواسطة mada_mada81

انا بدور على بونتو وكان فى عربيات جامدة على 27 و 28 وحالتها ممتازة بره وجوه بس الفلوس معايا مكملتش حاول تنزل معاه شويه لان فى ناس من كتر مهوا حاسس ان عربيته كويسه بيغالى فى تمنها وفى ناس رغم ان عربيتهم تكون زيها بس بيكونوا واقعيين وعارفين سعرها فى السوق يعنى ممكن تكون انت اول واحد اوتانى واحد يحاول يشتريها لكن لو كان عرضها من مدة من شهر او اتنين هتلقيه واقعى فى السعر
واخيرا كل اللى انا قولته دا ولا حاجه لانك اللى شوفت العربية وعارف ان كانت تستاهل ولا لا انا بس بديك خبرة 5 اشهر فى اللف على البونتو

**m000dy** · 28-12-2009 06:00 PM

هو قافش على ال 30 وكبيره قوى ينزله خمسميايه وده اخره مش هاينزل اكتر من كده وبعد مناهده كمان
انا بصراحه حاولت اطلع حاجه فى العربيه انزل بيها فلوس مالقيتش لدرجة انى اتحججت باليرفيس بتاع العربيه اللى هو البوجيهات وسير الكاتينه فنزل ال 500 جنيه دول
كده حلوه ياخونا اشيل ولا ايه عشان معادى معاه الاربع باذن الله هاروح ادفع واشيل

**m000dy** · 28-12-2009 06:03 PM

يعنى ممكن تكون انت اول واحد اوتانى واحد يحاول يشتريها

هى دى المشكله ان انا اللى رحتله اما شفت العربيه وعرضت عليه اخدها لانى بجد تعبت من كتر اللف فى السوق وكل ماشوف عربيه تكون محتاجه حاجه فقلت اتصرف فى الف ونص ولا الفين الفرق واريح بالى بدل ماجيب عربيه عاوزه حاجه اجى اعملها تاخد منى اكتر مانا كنت حاسبها

**mada_mada81** · 31-12-2009 04:31 PM

المشاركة الأصلية كتبت بواسطة m000dy

هى دى المشكله ان انا اللى رحتله اما شفت العربيه وعرضت عليه اخدها لانى بجد تعبت من كتر اللف فى السوق وكل ماشوف عربيه تكون محتاجه حاجه فقلت اتصرف فى الف ونص ولا الفين الفرق واريح بالى بدل ماجيب عربيه عاوزه حاجه اجى اعملها تاخد منى اكتر مانا كنت حاسبها

اخى العزيز والله نفسى المشكلة عندى بس انا واخد على كدا ما اغير عربية الصبر والهدوء وعدم الاستعجال هما الحل وفى النهاية مفيش عربية مستعمله مش هيتصرف عليها بس فى عربيات بيتصرف عليها قليل وعربيات كتير استخير ربنا كدا وانشالله خير وحاول تاخد لفة كمان فى السوق قبل ما تقرر وعلى العموم سوق البيع نايم يعنى العربية مش هتطير خصوصا بالسعر اللى مطلوب فيها