أعرف منين ان الزيت ده بيقعد كم كيلو

**thedeveloper87** · 24-01-2010 01:19 PM

السلام عليكم ورحمة الله وبركاته

إزاي أقدر أعرف أي نوع زيت بيقعد كام كيلو؟ (بغض النظر عن كلام الناس أو كلام بتوع البنزينة)

على سبيل المثال: بالنسبة لجركن شيل الأصفر ، فيه ناس بتقولك بيقعد 3000 وناس بيقولوا 3500 وناس تانية بتقول 4000؟

أنا عايز اعرف كلام الصانع نفسه بينصح بتغييره على قد ايه؟؟؟؟؟

**د.محمود صلاح** · 24-01-2010 04:59 PM

حسب الكتالوج , بس كل 5 الاف كيلو معقول وموجود فى أغلب الكتالوجات بتاع العربيات ,كما إنه فيه زيوت تخليقية بتقعد 10 الاف كيلو

**ahmedyehia515** · 24-01-2010 08:41 PM

المشاركة الأصلية كتبت بواسطة thedeveloper87

شكرا لرد حضرتك يا دكتور. بس مابيبقاش مكتوب على عبوة الزيت نفسها؟

انت فتحت موضوع اتفتح قبل كده و مفتكرش ان حد عرف يجيبله حل فى الآخر

بص يا سيدى، انا اتعميت تدوير على عبوة موبيل 1 عشان ألاقى أى ذكر لموضوع ال10000 ده ملقتش خالص و بعدين لقيت ناس بتقول ده يقعد 8000 بس و فى محطة موبيل الراجل بيدينى حاجة كده تتعلق عشان افتكر لقيته عمله بعد 13000 و حاولت أدور على موقع موبيل برده مفيش حاجة و نفس الكلام بالنسبة لشل أو توتال.

و كمان فى ناس جابت مقالات انو الزيت اللى أصلاً بيقعد 10000 ممكن يقعد 20000 و واحد جاب صورة من كتالوج بى أم مكتوب أنو " يمكن تغيير الزيت بعد 25000 كم" و حط 1000 خط تحت يمكن لإنه مش واضح هو يمكن ده الحد الأقصى ولا الأدنى. و فى ناس قالن انو موضوع تغيير الزيت كل حاجة قليلة كده ده عشان يحقق مكاسب خرافية للشركات زى موبيل و شل و كده و كان فى موضوع انو كل حاجة فى العربية بتتطور يعنى دلوقتى فى تيل فرامل بيقعد أرقام مهولة قبل ما يتاكل و فى بوجيهات بتوصل ل100000 طب ازاى الزيت هوه هوه من ييجى 10 سنين طب ازاى

اللى انا قررت أعمله، بحط زيت موبيل 1 و بغير الفلتر و بتابع معاه المستوى و اللون و الملمس. فى العادى العربية بتحتاج بتاخد 1/4 كج زيادة كل8000-10000 كم على حسب الجو و المشى و حاجات كتير. الزيت لازم يبقى أسود عشان عى ده شغلته, معنى انو الزيت لسه ذهبى بعد 5000 انو مش بيخش دورته صح بس اللون الأسود بعد فترة مناسبة علامة صحية و بعد 10000 ببتدى اركز مع الملمس و صوت الموتور. فى عربيتى ال1400 موبيل 1 بيعمل حوالى 13000 و بعد كده ببتدى أسمع صوت الموتور ابتدى يعلى، الزيت فقد جزء كبير من لزوجته. ساعتها ببتدى أحط فى الخطة تغيير الزيت و طبعاً الفلتر.

انا كستريح مع الموضوع ده و بعمله بقالى 3 سنين و طبعاً مقدرش أقولك تأثيره إيه عشان الحاجات ده تاثيرها طويل المدى بس ربنا يستر

**thedeveloper87** · 24-01-2010 10:34 PM

تمام يعني بيتحدد باللزوجة تقريبا؟

**ahmedyehia515** · 25-01-2010 10:13 AM

المشاركة الأصلية كتبت بواسطة thedeveloper87

تمام يعني بيتحدد باللزوجة تقريبا؟

والله على حد علمى اللزوجة هى العامل الأساسى فى موضوع الزيت عشان اصلاً الزين بيتحط عشان تليين الحركة بين الحديد و بعضه، فمتهيالى أيوه الحاجة الأساسية فى الموضوع هى اللزوجة.

و على حد علمى الفرق بين الزيت اللى بيقعد 3000 و اللى بيقعد 10000 انو اللزوجة بتاعت 3000 أقل بمراحل من اللزوجة بتاعت 10000 بس الكلام ده غير صحيح عشان اللزوجة بتاعت الزيوت التخليقية كلها قريبه من بعض بس الفرق بيكون فى سرعة فقدان هذه اللزوجة

و الله أعلم

**ahmed1981** · 25-01-2010 11:18 PM

المشاركة الأصلية كتبت بواسطة thedeveloper87

على سبيل المثال: بالنسبة لجركن شيل الأصفر ، فيه ناس بتقولك بيقعد 3000 وناس بيقولوا 3500 وناس تانية بتقول 4000؟

ليس أقل من 5000 كلم
بمعنى أصح من 5000 كلم إلى 8000 كلم حسب تقييم الكشف عليه
طيب الكشف عليه مش أي حد يعرف يعمله
يبقى خليك في الأمان وبالنسبة لزيت شيل الأصفر متخليهوش يقعد أكثر من 5000 كلم
أقل من كده إهدار للمال

**ابو حسين** · 26-01-2010 12:01 AM

المشاركة الأصلية كتبت بواسطة ahmed1981

ليس أقل من 5000 كلم
بمعنى أصح من 5000 كلم إلى 8000 كلم حسب تقييم الكشف عليه
طيب الكشف عليه مش أي حد يعرف يعمله
يبقى خليك في الأمان وبالنسبة لزيت شيل الأصفر متخليهوش يقعد أكثر من 5000 كلم
أقل من كده إهدار للمال