ارجو معرفة الفارق بين الاصلي و التقليد

**sidpec** · 25-01-2010 11:20 AM

ارجو يا اخواني افادتي في كيفية التعرف علي نوعية تيل الفرامل الاصلي بالنسبة للسيارة اللانسر البومة حيث انني لسه شاري العربية جديد و حبيت اغير تيل الفرامل لقيت عدة انواع و كل واحد يقول ان النوع ده هو الاصلي ارجو الافادة و شكرا

**turch** · 25-01-2010 02:35 PM

عليك وعلى التوكيل

احسن تيل فرامل ممكن يخدم العربيه وتضمن ان هو الاصلي

الفرامل من الحاجات الحساسه في العربيه ونصيحه مني متحطش غير التيل الاصلي والاصلي مش موجود غير في التوكيل وكل اللي في السوق مضروب تايواني

**sidpec** · 25-01-2010 02:44 PM

ذهبت الى مجدى شاهين فى الاسكندرية والمفروض انه مركز معتمد وغيرلى التيل وبعد مامشيت حسيت ان الفرامل معايا مش كويسه وبعد ايام بسيطة لقيته بيصفر قولت اروح مركز معتمد اخر ذهبت الى المأمون اول ما شاف التيل قالى النوع ده مش اصلى طب فين ياريس الاصلى جابه وشوفت ولقيت ان النوعين مختلفين طب اصدق مين فيهم والمفروض ان هما الاثنين مركز صيانه معتمد.

**mohamedway** · 25-01-2010 03:06 PM

التيل الأصلى فيه منه نوعين فى التوكيل و هاته من التوكيل أحسن لأنك حتى لو لاقيته أصلى فعلا عند محل قطع غيار هيبعهولك أغلى من التوكيل و هو سعره بالضريبه من التوكيل 425 جنيه تقريبا و فيه منه نوعين و الأتنين أصلى:
الأول رقمه mn116604 و نوعه sumitomo ولونه أخضر و ده طبق الأصل اللى نازل فى عربيتك من المصنع و ده اللى بأنصح بيه (رأى شخصى و تجارب عديده ) رغم انه بيخلص أسرع من النوع التانى البديل اللى موجود فى التوكيل.

النوع التانى:
رقمه mn102878 و نوعه ak ولونه رمادى و هو تيل ممتاز بكل معانى الكلمه فى الأداء و عمره أطول من الأول كمان بس عيبه اللى بيخلينى ما أنصحش بيه أى حد بيسألنى إنه جامد قوى بالنسبه لخامة الطنبوره و بيعمل عيوب فى الطنبوره تخليها بعد فتره من الإستخدام تخلى الدركسيون يغربل مع الفرمله و علاج هذا العيب هو خرط الطنابير و بعد عدد معين من الخرطات هتغير الطنابير خالص و لكن النوع الأول ما بيعهملش كده فى الطنبوره بس فيه ناس بتفضل النوع التانى لطول عمره (تقريبا ثلاث أضعاف عمر الأول) ولك الإختيار.

**مصراوي جدا** · 25-01-2010 05:47 PM

مجدي شاهين ليس مركز معتمد من الوكيل مصرية

المركزين المعتمدين في اسكندرية هما الصفوة والمأمون

ودول نوعين التيل اللي المهندس محمد قال عنهم :

واي واحد فيهم سعره 385 ج + 10% والاتنين موجودين في التوكيل

**Haitham10** · 26-01-2010 08:40 AM

عن تجربة فعلا مفيش حل غير التيل الاصلي من التوكيل للانسر خصوصا للمحافظة علي الطنابير اكتر واداء عالي

**turch** · 26-01-2010 09:28 AM

المشاركة الأصلية كتبت بواسطة mohamedway

الأول رقمه mn116604 و نوعه sumitomo ولونه أخضر و ده طبق الأصل اللى نازل فى عربيتك من المصنع و ده اللى بأنصح بيه (رأى شخصى و تجارب عديده ) رغم انه بيخلص أسرع من النوع التانى البديل اللى موجود فى التوكيل.

النوع التانى:
رقمه mn102878 و نوعه ak ولونه رمادى و هو تيل ممتاز بكل معانى الكلمه فى الأداء و عمره أطول من الأول كمان بس عيبه اللى بيخلينى ما أنصحش بيه أى حد بيسألنى إنه جامد قوى بالنسبه لخامة الطنبوره و بيعمل عيوب فى الطنبوره تخليها بعد فتره من الإستخدام تخلى الدركسيون يغربل مع الفرمله و علاج هذا العيب هو خرط الطنابير و بعد عدد معين من الخرطات هتغير الطنابير خالص و لكن النوع الأول ما بيعهملش كده فى الطنبوره بس فيه ناس بتفضل النوع التانى لطول عمره (تقريبا ثلاث أضعاف عمر الأول) ولك الإختيار.

الكلام ده بجد ولا ايه؟؟

يعني ممكن التوكيل يحط تيل يبوظ الطنابير؟

**abdlhameed** · 26-01-2010 09:38 AM

الله يعطيكم العافية ويجعلها في ميزان حسناتكم

**مصراوي جدا** · 26-01-2010 10:36 AM

المشاركة الأصلية كتبت بواسطة turch

الكلام ده بجد ولا ايه؟؟

يعني ممكن التوكيل يحط تيل يبوظ الطنابير؟

ده رأي المهندس محمد ونحترمه انما انا لا أؤيده في الكلام ده ، ده بخلاف ان خرط الطنابير عدة مرات مش هيأثر عليها لأنه فعليا ممكن تسميته مسح للطنابير لأنه بيشيل جزء من المليمتر من سمك الطنبورة

-

الموضوع: ارجو معرفة الفارق بين الاصلي و التقليد

LinkBack

أدوات الموضوع

عرض

-

-

-

-

-

المواضيع المتشابهه

ارجو معرفة سعر هذا المنتج

حد جرب الاختراع دا لتحويل الايفون الاصلي والاندرويد الاصلي لجهاز بخطين؟؟؟

الفانوس الاصلي ب 440 و التقليد بي 330 و الفيرنا الاصلي بي 480و التقليد بي 75 جنيه !!!

مساعدة فى معرفة الاصلى من التقليد : ساعة كاسيو

ارجو معرفة سعر هذة السيارة

الكلمات الدلالية لهذا الموضوع

المفضلات

المفضلات

ضوابط المشاركة