الموضوع: ارجو معرفة الفارق بين الاصلي و التقليد

المشاركة الأصلية كتبت بواسطة مصراوي جدا

ده رأي المهندس محمد ونحترمه انما انا لا أؤيده في الكلام ده ، ده بخلاف ان خرط الطنابير عدة مرات مش هيأثر عليها لأنه فعليا ممكن تسميته مسح للطنابير لأنه بيشيل جزء من المليمتر من سمك الطنبورة

عندى توضيح بس للمشكله من وجهة نظرى:

أنا لست ضد عملية الخرط للطنابير و الطنابير مصممه على أنها تقبل عدد معين من الخرطات و بيبقه مكتوب عليها الMinimum thickness للطنبوره و طول ما الطنبوره ما وصلتش للthickness ده مفيش مشكله و فعلا التوكيل و اى حد بيخرط مزبوط بيشيل جزء صغير جدا من المليمتر (مسح الطنبورة)

المشكلة تكمن فى ظهور العيب بسرعه مع التيل الAK خصوصا مع شخص بيستخدم الفرامل كتير زيى و لو هذا التيل مثلا هيقعد فى العربيه 30000كم يبقه هتحتاج تخرط الطنابير مثلا كل 10000كم (أى ثلاث مرات خلال عمر التيل الAK) ....... يعنى وجع دماخ و إنتظار فى التوكيل و لو هتخرط بره وجع دماغ فك و تركيب و ذهاب للخراط و العيب هيروح و هيرجع تانى ثلاث مرات على مدار عمر التيل و كل الخرطات ده بردو من عمر الطنبوره حتى لو بيتشال منها جزء صغير جدا بس مع كثرة الخرط هتوصل للحد الأدنى للسمك و هتحتاج تغيرها ب1000 جنيه تقريبا...........العيب مش فى التيل لأن التيل قوى بس العيب على الطنبورة إنها مش مستحمله التيل.............

مثال مقارنه بين إستخدام نوعين التيل (بفرض مسافة تشغيل 30000كم نعمل عليها دراسه)

أولا: إستخدام الSUMITOMO:

1- هتحتاج ثلاثة أطقم تيل SUMITOMO خلال ال30000كم
2- الطنبورة مش هتحتاج خرط ولا مره و لا حتى بعد ال30000كم دول
3- هتبقه مستريح من ظهور عيب غربلة الدركسيون مع الفرمله ومش هتشغل دماغك بالعيب ده خالص.
4- ثمن الثلاث أطقم تيل 1275 جنيه


ثانيا: إستخدام الAK:

1- هتحتاج طقم تيل واحد يعيش معاك كل المسافة 30000كم
2- الطنبورة هتحتاج تتخرط 3 مرات و ربما 4 مع الإستخدام العنيف للفرامل كتير
3- كل شوية هيظهر عيب الغربلة مع إستخدام الفرامل و تبقه عاوز تخرط الطنابير عشان العيب يروح لأنه مالوش حل تانى غير خرط الطنابير

4- ثمن طقم التيل 425جنيه يضاف إليها 75 جنيه X 3 مرات حق الخرط فى التوكيل =650 جنيه
5- لو فرضنا إن الطنبورة هتترمى بعد 10 خرطات و غالبا أقل من كده و تمنها تقريبا 1000 جنيه يبقه لازم نضيف لل650 جنيه 300 جنيه إهلاك 3 خرطات للطنبورة يبقه المبلغ 950 جنيه

(طبعا انا مش بتكلم عن الشخص اللى ناوى يركب الAK و يتعايش مع غربلة الدركسيون من غير ما يخرط و لا حاجه و مش فارقه معاه بس أحب أقول لهذا الشخص ان العغربلة ده هتقصر عمر العفشه بردو ففهو لردو خسران)


يبقه الخلاصة أن تكلفة تشغيل الفرامل 30000كم بال SUMITOMO=1275

و تكلفة تشغيل الفرامل 30000كم بال AK = 950

يبقه مع الSUMITOMO أنا دافع فلوس زيادة فى ال30000كم مقدارها 325 جنيه يعنى 108 جنيه لكل 10000كم و دول ثمن راحة البال و عدم المشى بالعربيه لحظه واحده بعيب الغربله..


أنا كنت ممكن أركب الAK فى حالة واحده و هى إن الطنبورة تحتاج للخرط مع نهاية عمر التيل الAK و يبقه الموضوع خرط و تركيب تيل جديد كل 30000كم مثلا و لكن اللى بيحصل انى ممكن أفك و أخرط و أوجع دماغى فى الخرط و أروح التوكيل و التيل لسه مليان؟؟؟؟؟؟!!!!! ثلاث مرات!!!!

الطنبورة خامتها المفروض تكون احسن من كده و طنبورة الانسر مشهورة بهذا العيب و الكلام ده مش من عندى و كان المفروض شركة متسوبيشى بدل ما تنزل العربيه بالطنبورة ديه و معاها التيل الSUMITOMO اللى بيتغير على 10000كم فقط كانت تنزل التيل الAK و تنزل معاه طنبورة مناسبه أضعف الإيمان إنها تتحمله بدون عيوب لغاية ميعاد تغييره و تبقه تحتاج خرط ساعتها مش مشكله و هيبقه كله من ضمن صيانه واحده للعربيه.