الموضوع: Blazer 4x4

انا لقيت عربية بليزر موديل 1980 ( k 5 ) عليها موتور ديزل ديهاتسو , 4 سلندر , 2400 سى سى 5 نقلات , مفيهاش كومريسور تكييف و مفيهاش فتيس غرز , الراجل عاوز فيها 23 الف جنيه , ايه رأيكم ؟؟!!!!!

على فكرة , العربية دى لسة الراجل شاريها من شهرين فاتوا و عاوز يبيعها !!!!

كنت بتفرج على عربيات بليزر فى المعادى و اضفت الى معلوماتى التالى( نقلا عن الميكانيكى ) :-

استهلاك البنزين :-
k5 موديلات الثمانينات الـ 8 سلندر بتعمل 90 كم فى الصفيحة ........ يا بلاش.. ده الى اسمه خراب البيوت المستعجل
s 10 موديلات اوائل التسعينات الـ 6 سلندر بتعمل 130 كم فى الصفيحة .....
s 10 موديلات اواخر التسعينات الـ 6 سلندر بتعمل 150 كم فى الصفيحة ..... مفرقتش كتير

الحجم :-

الـ s 10 حجمها كويس جدا , الـ 2 doors و 4 doors , البودى بتاعها كله صاج من جوه , مفيهوش اجزاء بلاستيك او فيبر

الـ k5 الـ 2 doors الشاسية القصير ...... حجمها..... حلمنيشى بوعبولى ..... كبيرة اوى و عالية اوى , تركبها كدة تحس انك قاعد فى صالون بيتكم ... شرحة و برحة كدة و تحسسك بالراحة النفسية
على فكرة , صاجها مش جامد اوى زى ما كنت فاكر , زى صاج الـ 132 و الـ 125 ... مش زى صاج اللادا ولا الفولفو

قطع الغيار :-
متوفرة لكل البليزر فى شارع شامبليون و مش غالية اوى
المحرك الـ 8 سلندر استيراد يعمل حوالى 6000 جنيه و الـ 6 سلندر يعمل 4000 جنيه

انا سألت على محركات الديزل , الميكانيكى قالى ان اغلب العربيات دى بتقلب غاز طبيعى و العربيات زى الفل و هو قالى انه فتح الموتور من جوة و مفيش تأثير على غرف الحريق نتيجة استخدام الغاز الطبيعى