Blazer 4x4

**mantoros** · 28-04-2010 01:29 PM

مينا باشاانا جربتها في صحراء حدائق الاهرام عندنا..........دخلت بيها في جزء كبير لسة مش مبني و كله رملة و تلال صغيرة من الرمال و مساحة كانت غرقانة مياه و كلها طينة بتغرس فيها العربيات ....انا عارف انه مش رالي الفراعنة بس دي كانت تجربة علي السريع و علي قدي ......بس المهم انها وريتني العربية دي عاملة ازاي مبدأيا ....و الله أعلم...
بس انا اتمزجت اوي أوي و فعلا أحتقرت حاجة اسمها شيروكي
البليزر متسمعش موتورها خالص جوة العربية و انت سايق....و قوة موتور بجد خرافية....العربية بتتلكك عشان تطلع امريكاني من أقل دوسة بنزين و الله و بتفحت الارض تحتيها...

اللي شفتها استخدام هيئة دولية و صيانة توكييل و مفيهاش اعطال علي الكمبيوتر خالص و مفهاش مصاريف و متغير ليها عفشة كاملة أصلية جديدة ........مطلوب فيها 85000

ربنا يكرم

**M!NA** · 28-04-2010 03:23 PM

المشاركة الأصلية كتبت بواسطة mantoros

مينا باشاانا جربتها في صحراء حدائق الاهرام عندنا..........دخلت بيها في جزء كبير لسة مش مبني و كله رملة و تلال صغيرة من الرمال و مساحة كانت غرقانة مياه و كلها طينة بتغرس فيها العربيات ....انا عارف انه مش رالي الفراعنة بس دي كانت تجربة علي السريع و علي قدي ......بس المهم انها وريتني العربية دي عاملة ازاي مبدأيا ....و الله أعلم...
بس انا اتمزجت اوي أوي و فعلا أحتقرت حاجة اسمها شيروكي:b4_556:
البليزر متسمعش موتورها خالص جوة العربية و انت سايق....و قوة موتور بجد خرافية....العربية بتتلكك عشان تطلع امريكاني من أقل دوسة بنزين و الله و بتفحت الارض تحتيها...

اللي شفتها استخدام هيئة دولية و صيانة توكييل و مفيهاش اعطال علي الكمبيوتر خالص و مفهاش مصاريف و متغير ليها عفشة كاملة أصلية جديدة ........مطلوب فيها 85000

ربنا يكرم

طبعا مع احترامي لحضرتك... بس الرمال بتاعت البناء و الطين العادي و كل ده... ممكن يخلي عربية صغيرة تغرز... لكن من أول النص نقل أو البيجو 504 - 505 مش هتغرز (و لو غرزت سهل تطلعها بشوية سياسة)

لكن لو عايز تقول على عربية فعلا انها خاضت الرملة و اجتازت الحتت الصعبة.. أقل واجب لازم تجربها في رملة غرز بجد... و ديه مش متوفرة في القاهرة و الجيزة....

عموما ... رجوعا الى موضوع البليزر,,,, قبل ما تشتري شوف قطع غيارها عند مين... حاجات الموتور و الأجزاء الميكانيكية... (مش الخوارج - الفوانيس و الاكصدامات و الكلام ده)

**mantoros** · 28-04-2010 07:28 PM

المشاركة الأصلية كتبت بواسطة ahmed_eng2001

ربنا يكرمك ان شاء الله و يوفقك فيها , على فكرة فيه عربيتين على كونتكت كار سعرهم اقل من كدة و موديل 1997

المشاركة الأصلية كتبت بواسطة ahmed_eng2001

انت طمنتنى على البليزر بشكل عام
بس انا بسأل على االاند كروزر موديلات التمانينات و ال فيتارا , بالاضافة للبليزر ان شاء الله

اللاند كروزر مفهمش فيها
الفيتارا شكلها طول عمرها بناتي أوي

البليزر مو 1997 سعرها لا يقل عن 80 الف لأنها موازية للجراند شيروكي و السياراة علي كونتكت صاحبها كاتب جنيه و طالب فيها لما كلمته 85 الف جنيه و السيارة الاخري مش موجودة أصلا ,تقريبا اشتغالة أو صاحبها باعها مزنوق او حاجة معرفش ؟!!

و بالنسبة لرد مينا باشا.......يا باشا أنا مش قدك و لا بطلع صحراء و سفاري بس مش انا و لا أي حد تاني اللي دلوقتي محتاجين نعلق علي البليزر لأن العربية سمعتها حلوة on and off road و انا سألت علي حاجتها الاساسية و المهمة و موجودة ان شاء الله و في "عبد اللطيف" اللي في شامبليون متخصص فيها قطع غيار جديدة و عندي واحد تاني كمان بتاع استيراد بس مش فاكر اسمه دلوقتي.... و كمان عندي سنتر كبير فتح في حدائق الاهرام متخصص في الامريكاني كهرباء و ميكانيكا و تكييف و كار كير....يعني متظبطة شكلها..
و كمان الفكرة مش غرز و بس...الفكرة ان بنزينها أقل بكتيييير من الشيروكي و اللاند روفر و ركوبتها حلوة ما شاء الله و مريحة جدا لي و لمن معي....ده غير انها واسعة بشكل مخييييييييف

و ربنا يكرم يا رب
و الله الموفق

**ahmed_eng2001** · 30-04-2010 01:03 AM

انا كنت اتصلت بـ واحد كان بيبيع بليزر 1997 و كان بيبيع بـ 70 الف , معلش يا دوكتور شامل نمرته ضاعت منى , بس هو كان عارض عربيته على كونتاكت كار

**sava** · 03-05-2010 01:18 PM

المشاركة الأصلية كتبت بواسطة ahmed_eng2001

انا كنت اتصلت بـ واحد كان بيبيع بليزر 1997 و كان بيبيع بـ 70 الف , معلش يا دوكتور شامل نمرته ضاعت منى , بس هو كان عارض عربيته على كونتاكت كار

70000

كتير جدا جدا طبعا
انا شفت الاعلان ده على كونتاكت كار و ضحكت لما شبعت
هي صحيح موديل حديث شويه بس برضو كتيييير

**mantoros** · 04-05-2010 04:09 PM

المشاركة الأصلية كتبت بواسطة sava

70000

كتير جدا جدا طبعا
انا شفت الاعلان ده على كونتاكت كار و ضحكت لما شبعت
هي صحيح موديل حديث شويه بس برضو كتيييير

بنا يسعدك كمان و كمان بس الواقع ان اسعار البليزر شاسيه طويل اوتوماتيك موديل 1997 لا يقل عن 85 الف و هي نفس تصنيف الجراند شيروكي عالميا و محليا لمن يفهم في السيارات....
و اتصلت من يومان بمعرض كبير في مدينة نصر و حاولت ان أعرف لغة السوق في هذه السيارة و المعرض قال لي بوضوح شديد: البليزر 97 سيارة فخمة جدا و لا يقل ثمنها عن 85-90 و طلب مني ان أعرض السيارة للبيع عنده أو يدخلها في سيارة أخري بنفس السعر (علي أساس انني أفهمته انني امتلك بليزر و اريد بيعها)...

من الواضح طبعا ان بهذا 70 الف ليس سعر غالي يدفع الي الضحك الشديد؟!!!
و في الأخر السوق عرض و طلب و السيارة حالة قبل كل شيء...و كل واحد حر في رأيه.
و انا شخصيا أدفع 80 الف في سيارة محترمة امريكاني اصلي بليزر 97 ركوبة و وسع و شياكة و لا ادفعهم في شيروكي موديل 2000 مجمعة محليا و ركوبة مؤرفة مثل الميكروباص!!! و لا أدفع 50 الف في رانجلر موديل 98 أقرب ما تكون الي سيارة تجميع تحت السلم مخصصة للتجار و العصابات!!!
و كلها أذواق....

و بالحق....كل قطع غيار البليزر موجودة في شامبليون و التوفيقية جديدة و استيراد و برخص التراب...

و السلام عليكم

**sava** · 04-05-2010 11:31 PM

المشاركة الأصلية كتبت بواسطة mantoros

بنا يسعدك كمان و كمان بس الواقع ان اسعار البليزر شاسيه طويل اوتوماتيك موديل 1997 لا يقل عن 85 الف و هي نفس تصنيف الجراند شيروكي عالميا و محليا لمن يفهم في السيارات....
و اتصلت من يومان بمعرض كبير في مدينة نصر و حاولت ان أعرف لغة السوق في هذه السيارة و المعرض قال لي بوضوح شديد: البليزر 97 سيارة فخمة جدا و لا يقل ثمنها عن 85-90 و طلب مني ان أعرض السيارة للبيع عنده أو يدخلها في سيارة أخري بنفس السعر (علي أساس انني أفهمته انني امتلك بليزر و اريد بيعها)...

من الواضح طبعا ان بهذا 70 الف ليس سعر غالي يدفع الي الضحك الشديد؟!!!
و في الأخر السوق عرض و طلب و السيارة حالة قبل كل شيء...و كل واحد حر في رأيه.:u_thin1[1]:
و انا شخصيا أدفع 80 الف في سيارة محترمة امريكاني اصلي بليزر 97 ركوبة و وسع و شياكة و لا ادفعهم في شيروكي موديل 2000 مجمعة محليا و ركوبة مؤرفة مثل الميكروباص!!! و لا أدفع 50 الف في رانجلر موديل 98 أقرب ما تكون الي سيارة تجميع تحت السلم مخصصة للتجار و العصابات!!!
و كلها أذواق....

و بالحق....كل قطع غيار البليزر موجودة في شامبليون و التوفيقية جديدة و استيراد و برخص التراب...:s_thum1[1]:

و السلام عليكم

العربيه اللي انا شفت الاعلان باتعها كانت شاسيه قصير باب واحد و كانت اقل من 97
اما من ناحبه ان قطع غيارها متوفره في شارع شامبليون و برخص التراب
فدي معلومه جديده بالنسبالي
انا اعرف ان قطع غيار الامريكاني متوفره في دمنهور بس دي كلها موديلات قديمه و قطع الغيار في الكروسليه و العفشه لكن مش في الموتور لانهم بيشيلوا الموتور و يحطوا موتور ديزل

**sava** · 03-05-2010 01:15 PM

البليزر ملهاش قطع غيار متوفره في مصر
غالبا بيعملوا تعديل في الموتور او بيسيلوه و يحطوا موتور ديزل فعلا
العربيه ال 2 باب فعلا عربيه كويسه اما الشاسيه الطويل ف دي عاوزه صحرا تمشي فيه

**ahmed_eng2001** · 16-05-2010 10:29 PM

دكتور شامل ,

انا لقيت اعلان فى مصراوى عن واحد بيبيع بليزر 1997 4 باب فول اوبشن , لونها ابيض , عاملة 190,000 كم و طالب فيها 65,000 الف جنيه , و على حسب كلامه العربية حالتها كويسة و رقم تليفونه 0127745301