الله ينور
برنسسسسسسسسسس
رقم العضوية : 25711
تاريخ التسجيل : 20Nov2008
المشاركات : 4,864
النوع : ذكر
الاقامة : 6octoper
السيارة: nissan sunny 2010 ex
السيارة[2]: renult duster 2014 fo
دراجة بخارية: nefssssy
الحالة :
طبعا سمك الزينة هواية اولا قبل مايكون ديكور يعنى لو عاوز تجيب واحد شكل بس ..يبقى بلاش تكمل الموضوع
اما لو عاوز تعمل حوض للمتعة الشخصية والتأمل فية والاهتمام بالسمك وتشوف مراحل حياتة قدامك يبقى كمل الموضوع لانك هاتستمتع جدااا بس قصاد المتعة دى انت هاتتعب شوية ...
هانتكلم الاول عن انواع السمك :
فية نوعين اساسيين
النوع الاول : سمك المياة المالحة (مش هانتكلم عنة دلوقتى وهاتعرفو لية )
النوع الثانى : اسماك المياة العذبة
ودة فية منة اسماك شرسة واسماك مسالمة
بس الاكتر هوة السمك المسالم نظرا لالوانة واشكلة الحلوة ومتطلباتة القليلة
وعموما اسماك المياة العذبة بتتميز بسهولة تربيتها وقلة تكلفتها عن السمك المالح وانتشارها علشان كدة الموضوع هايكون عن السمك العذب..استمتعواااا بالموضوع
-طيب نحب نعرف اية الحاجات الاساسية علشان يكون عندى حوض سمك ناجح :
1- الحوض
2- جهاز اكسجين (o2 pumper)
3-فلتر
4-اضائة
5-ارضية الحوض
6- سخان
7- النباتات
8-الديكورات
9-السمك
يلا نتكلم عن كل حاجة بالتفصيل شوية
1- الحوض:
فية قاعدة اساسية للحوض وكل الى بيربى السمك يعرفها وهيا انة كل ما هاتجيب حوض اكبر كل يكون احسن لان لما الحوض يكبر يعنى ان :
فرصة تربية عدد اكبر من السمك بتزيد
مش هايتوسخ بسرعة
لو فية مرض جة للسمك مش هاينتقل بسرعة وتقدر تلاقى الحل
شكل احلى طبعا
والحوض بيكون لية اشكال كتيييير بس احسن شكل وافضلهم هو المستطيل ..لانة بيدى مساحة اكبر للسمك فى السباحة وواجهة الحوض بتكون اكبر واحلى وبيخلى سطح الماء اكبر ونسبة دخول الاكسجين فية اكتر
وفية نوعيين اساسيين للمادة الى الحوض بيتعمل منها وهما الزجاج والاكريليك (البلاستيك المقوى) بس انا بافضل الزجاج لانة ارخص بكتيييير ومش بيتخدش ولو قدر الله وجزء اتكسر بتغير الجزء المكسور بس ..اما الاكريليك لو اتشرخ الحوض كلة بيبوظ وبعد فترة بتلاقى الحوض اتخربش وبقا شبة الكيس البلاستيك ..
وماتنساش ..هات اكبر حوض تقدر علية
- جهاز اكسجين (o2 pumper)
دة وظيفتة انة يدخل الهواء المشبع بالاكسجين لداخل الحوض وفية منة انواع كتييييير بس معظمة صيينى وكويس .. وفية منة احجام بس عموما فية معادلة معروفة ان الجهاز الى حجمة متوسط (او زى ما المحلات بتسمية ..جهاز اكسجين بروح واحدة ) بيدخل اكسجين كفاية ل 120 لتر من الماء
ولو عاوز تعرف الحوض بياخد كام لتر ماء
طول الحوض بال سم *وطول القاعدة ب السم *ارتفاع الماء ب ال سم /1000
يعنى لو حوض طولة*عرضة *ارتفاع الماء = 100*30*40 /1000= 120 لتر من الماء
وبكدة نقدر نحدد جهاز الاكسجين الى عاوزينة يعنى لو حوضى 300 لتر يبقى هاحتاج 3 اجهزة اكسجين (بروح واحدة )
بس اجهزة الاكسجين عموما فية بروح واحدة وفية بروحين ..فممكن اجيب واحد بروح والتانى بروحين ...(معلش لخبطكوا شوية )
3-فلتر:
وظيفتة انة بينقى ماء الحوض من الشوائب والفضلات ويحجزها داخلة علشان تشوف حوض صافى ونظيف
الانوع برضة كتيييير وفية خارجى وفية داخلى بس الاحسن والارخص واكثرهم عملية ..هوة فلتر باور هيد ودة طريقة عملة اننا بنحطة فى ركن من اركان الحوض ونشغلة بيبتدى يشفط ماء الحوض الى فية شوائب ويعدية على الاسفنجة الى جواة ويخرج الماء من الناحية التانية بدون شوائب لانة بيكون حجزها فى الاسفنجة زى فلتر العربية ..وكل فترة لما نحس ان كفائتة فى التنظيف قلت بنطلع الاسفنجة منة ونغسلها بالماء فقط ونرجعها مكانها ..وبيكون مكتوب علية القدرة بتاعتة وبينظف كام لتر فى الساعة بالطريقة دى
100L30m
يعنى فى النص ساعة بينظف 100 لتر ودة كويس جدااااا وبلاش نجيب واحد قوتة كبيرة علشان تأثيرة لانة بيعمل تيار على السمك والاحسن انك تجيب واحد يقدر ينظف الماء فى حوضك من ساعة : ساعتيين كدة يكون كويس ومعقول اوى
4-اضائة:
طبعا دى مهمة جدااا لانها بتظهر جمال الحوض وفية منها انوع مفيد للسمك بس احسن نوع ومش مضر على السمك وبيظهر الوانهم هوة النيون الابيض
5-ارضية الحوض:
الى هيا الحصى فى قاع الحوض وفية منة الطبيعى والصناعى والى على شكل رمل والى مكون من قواقع مجروشة والى معمول من الجرانيت المجروش والى من زجاج والوااان كتير
ومش وظيفتة انة شكل بس ...لا دة كمان بيعمل كفلتر لانة بيمتص الفضلات الى بتقع فى قاع الحوض والفلتر مش بيلحق ينظفها
والكمية الى هاتحتاجها هيا حوالى 2 سم ارتفاع بس على حسب حجم الحوض يعنى هاتفضل تحط لحد ماتفرش ارضية الحوض بارتفاع 2 سم ودة كفاية اوى
وافضل انوع الى هيا لونها فاتح وحبيباتة حجمها متوسط ...زى حجم حبة الفاصولياء ,طبعا لازم يتغسل كويس اووىىىىى اكتر من مرة قبل ما يتحط لانة ممكن يدمر الحوض نهائيا لو ما اتغسلش اكتر من مرة
6- سخان
طبعا دة وظيفتة انة بيخلى درجة حرارة الماء زى البيئة الطبيعية للسمك ..وانواعة كتيير بس احسنها الى بيكون فية ترموستات بحيث انك بتظبطة على درجة حرارة معينة وهوة بيفصل لما يخلى الحوض بالدرجة دى ولما الحوض يبرد بيسخن تانى وهكذااا وبما اننا بنتكلم عن احواض المياة العذبة وانواع اسماكها كتييير بس متوسط درجة الحرارة هو 35 مئوية مناسب تقريبا لكل انواع السمك
7- النباتات
فية منها نوعيين رئيسيين النباتات الطبيعية والنباتات الصناعية
والصناعى وظيفتة شكل بس
اما الطبيعى بيساعد على انة الدورة البيولوجية فى الحوض تبقى سليمة بس مشكلتة انة بيحتاج عناية فائقة اكتر من السمك وفية انوع تنفع مع سمك معين وانواع ماتنفعش وعاوز موضوع طويييل ف ها نخلية قدام شوية
8-الديكورات
الديكورات هاتلاقيها فى كل محلات السمك وممكن تستخدم حاجات عندك فى البيت كديكور
ممكن مج شاى او قهوة مش محتاجة او مشروخ او ايدة مكسورة او زجاجة برفان فاضية ننظفها ونحطها او... او حاجات كتييير
بس القاعدة الاساسية فى الديكور انة كل مايكون اخف يكون احسن ومايكونش بيتحلل فى الماء ولا لية حواف حادة
9-السمك :
اولا كمية السمك المناسبة لحوضك بتكون 2 لتر لكل سم يعنى لو السمكة طولها 10 سم يبقى عايزة 20 لتر ماء
...كدة الحوض مش هايكون زحمة وهايكون مناسب جدااا
قلنا ان فية منة نوعين ..شرس ومسالم
بس قاعدة عامة برضة حتى لو السمكتين كانوا مسالمين لو فية سمكة فى حجم فم واحدة اكبر منها تبقى فريسة ليها
الاسماك الشرسة : دى بلاش نبتدى بيها لانها هاتحتاج عناية واكل وبروتيين و اهم انواعها فى مصر :
سمك البيرانا
وسمك الاوسكار
وعائلة اسماك السيكلد الافريقية
الاسماك المسالمة : انواعها كتيير بس لو فية واحدة اكبر من التانية بكتيير هاتكلها ماتنسوش
يعنى لما تختار السمك هات الى يكون حجمة متقارب
بس خلى بالك ان السمك الى لية زعانف طويلة ورشيقة بيكون عرضة لان السمك التانى ياكل زعانفة
دى من نوع الجولد فيش شوفوا زعانفة رقيقة اوى
ممكن تربية بس فى حالة ان السمك الى عندك يكون كلة جولد فيش
فالاحسن اننا نجيب سمك يكون لية زعانف قوية او بمعنى اصح ماتكونش رقيقة زى دى زعانفها مش رقيقة اوى
سمك المولى
وفية نوعين تانى من السمك دول عدوانيين تجاة السمك التانى حتى من نفس جنسهم وبيتروا لوحدهم زى
الفايتر
الجورامى
والفايتر والجورامى فية منهم الوان كتييير يعنى نخلى بالنا
دلوقتى بقا الخطوات الى هانعملها علشان نشغل الحوض :
1- نغسل الحصى بتاع الارضية كويس جداااااااااااااااااااااا ودة اهم حاجة
2- نحط الحصى ونركب كل الاجهزة الى جبناها فى ركن من الحوض
3- نضيف الماية بالراحة علشان مانبوظش الترتيب
4- نخلى الحوض شغال بكل اجزتة ونشغل كل حاجة لمدة 3 ايام قبل ما نجيب السمك علشان نطلع الكلور الى فى الماء او ممكن نجيب حاجة اسمها مزيل كلور ونحطها ومش لازم نستنى 3 ايام
5- قبل ما تجيب السمك هات سمكتين كتجربة وسيبهم فى الحوض لمدة 5 ايام علشان لو فية خلل فى نظام الحوض يبان والخسارة تبقى فى السمكتين دول بس
ازاى تضيف السمك للحوض :
انت طبعا لما بتشترى السمك بتاخدة فى كيس مملؤ ماية
تروح وتحط الكيس زى ماهو مقفول على سطح ماء الحوض لمدة 10 دقائق علشان تخلى السمك يكتسب درجة حرارة الحوض الى عندك لانة لو اتحط فجأة ممكن ياخد صدمة ويموت
وبعدين تفتح الكيس وتنزل السمك بلطف ..
ازاى تنظف الحوض :
1- الحوض بنغير ربع الماء بتاعة كل 3 شهور وكل الماء كل سنة (الكلام دة لو التزمنا بالفلتر المناسب وكمية السمك المناسبة ) والفلتر بيتغسل كل ما نحس ان كفائتة قلت وغالبا بيكون مرة اسبوعيا
2- الحصى كمان بيتنظف كل 3 شهور وطريقة تنظيفة باننا بنطلع السمك فى جردل او وعاء خارجى ونحط فية ماء من الحوض وخرطوم الاكسجين بس
ولما نتأكد ان الحوض فاضى من السمك نبتدى نرفع الحصى باى اداة مناسبة (انا باستخدم كوباية كبيرة) ونحطة تحت ماء جارى لحد ما ينظف بدون استخدام صابون
وبنرجع نحطة تانى وبعدين نحط السمك زى ما كان
معلومات هامة
1- قبل ما تحدد مجموعة اسماكك انزل المحلات ودور على النت واعرف خصائص كل نوع
2- ماتستعجلش ابداااااا فى انشاء حوضك
3- لما تعرف الانواع الى انت عاوزها شوف الاكل المناسب ليها واسال فى محلات الاسماك واعرف كل نوع بيفضل انة ياكل اية لانة فية انوع بتفضل تعيش قريب من السطح ف بنحطلها اكل بيطفوا وانواع بتحب تبقى فى القاع ودى بتاكل انواع بتغطس
4- حاول ان الحوض يكون فى مكان بعيد عن الدخان والمبيدات والبرفانات ويكون قريب من ضوء الشمس بس مش مباشر لية
5- قبل ما تشترى من محل اتاكد ان السمك نضيف ونشيط والحوض نضيف
6- قارن الاسعار ولف ودور قبل ما تشترى
7- بالنسبة للاجهزة لازم تجربها فى المحل قبل ما تاخدها
8- السمك بياكل مرتين فى اليوم ومش كل مرة هانغرقة اكل دول يدوب كام حباية بس
دول تقريبا المعلومات المهمة علشان تقدروا تعملوا حوض سمك كويس ....وانا معاكم لو عاوزين اى استفسار بخصوص الانواع او التربية او الاسعار او اماكن البيع ...
الموضوع مش منقول وحصرى للمنتدى ومش مسامح اى حد ينقلة بدون ذكر المصدر
واعزرونى لو فية غلطات كتابية لان نظارتى اتكسرت وباكتب وانا تقريبا مش شايف حاجة ولو انا ناسى حاجة ياريت حد يفكرنى ..وشكرا ليكم
رقم العضوية : 4677
تاريخ التسجيل : 21Jan2008
المشاركات : 1,518
النوع : ذكر
الاقامة : الهرم
السيارة: fiat 127 83
السيارة[2]: dacia nova 99
دراجة بخارية: لايوجد
الحالة :
الله ينور
برنسسسسسسسسسس
[gdwl][gdwl]( ربنا افتح بيننا وبين قومنا بالحق وانت خير الفاتحين )[/gdwl][/gdwl]
رقم العضوية : 511
تاريخ التسجيل : 07May2007
المشاركات : 2,481
النوع : ذكر
الاقامة : Alexnadria
السيارة: Verna
السيارة[2]: Saba Saipa
دراجة بخارية: No
الحالة :
تسلم إيدك
موضوع فوق الرائع
مهندس أحمد سمير
رقم العضوية : 3233
تاريخ التسجيل : 16Nov2007
المشاركات : 4,415
النوع : ذكر
الاقامة : El Haram
السيارة: FSO Polonez 1990
السيارة[2]: Hyundai Verna 2008 LS
الحالة :
كلام حلو جدا و منظم بس اضيف حيه اضافات بحكم اني بربي سمك بقالي ييجي 5 سنين
اولا اول مره تحط سمك في الخوض متتخصش لان المياه هتتعكر و هذا مايسمي بالانفجار البكتيري " متعملش اي حاجه و لا تغير المياه " ده بيقعد يومين و بيروح لوحده
ثانيا لو مبتدا ابعد عن الشرس تماما لانه محتاج متطلبات خاصه و دقيقه في "اختيار الانواع المتناسبه مع بعض "
ثالثا السمك مبيعرفش الشبع فتجنب ان تاكله كتير كفايه مرتين في اليوم و تحطلهم الكميه الي يخلصوها في 5 دقايق
4 يفضل تغيير جزء من المياه كل اسبوعين لتنشيط السمك
ده الي في بالي دوقت و لو في اي سؤال انا بالخدمه
رقم العضوية : 6280
تاريخ التسجيل : 23Feb2008
المشاركات : 2,284
النوع : ذكر
الاقامة : Alexandria
السيارة: TOYOTA Corrola 2007
السيارة[2]: KIA Cerato SX 2010
دراجة بخارية: N/A
الحالة :
موضوع متميز جداً
أنا كنت لسة بفكر أجيب حوض سمك عشان ابني بيحبهم جداً
طب حضرتك ماتعرفش محل كويس في الحاجات دي هو إلي يزبط الموضوع كله
رقم العضوية : 25711
تاريخ التسجيل : 20Nov2008
المشاركات : 4,864
النوع : ذكر
الاقامة : 6octoper
السيارة: nissan sunny 2010 ex
السيارة[2]: renult duster 2014 fo
دراجة بخارية: nefssssy
الحالة :
w-m-a
شكرا على زرقك
ahmedsamir79
ان شاء الله يكون الموضوع عجبك
Nile_Storm
شكرا لتذكيرى بموضوع تعكر المياة مع السمك الجديد والباقى انا ذكرتة فوق
hobiko
ممكن نعرف حضرتك ساكن فين ؟
او لو تقدر تروح رمسيس فية هناك محل مشهور اسمة (عزيز انطوان تقريبا) تقدر تلاقى الحاجات دى عندة
وشكرا لردودكم التشجيعية
رقم العضوية : 48080
تاريخ التسجيل : 28Sep2009
المشاركات : 3,879
النوع : ذكر
الاقامة : 6 اكتوبر
السيارة: مفيش
السيارة[2]: مرسيدس
دراجة بخارية: لا يوجد
الحالة :
ايه ده والله برافو عليك
سامح البقري
المحامي
رقم العضوية : 53767
تاريخ التسجيل : 23Nov2009
المشاركات : 1,794
النوع : ذكر
الاقامة : Egypt
السيارة: لا يوجد
السيارة[2]: لا يوجد
دراجة بخارية: لا يوجد
الحالة :
موضوع جميل جدا تسلم ايدك وجزاك الله كل خير
رقم العضوية : 43904
تاريخ التسجيل : 24Jul2009
المشاركات : 6,322
النوع : ذكر
الاقامة : القناطر الخيرية
السيارة: مفيش
السيارة[2]: kia-sephia 99
دراجة بخارية: كريم منير لسه هايشترلى واحد
الحالة :
اكتووووووووووووووووو
برافووووووووووووووو
:b4_388::b4_388::b4_388::b4_388:
مفيش توقيع
عشان تتبسط :D
رقم العضوية : 624
تاريخ التسجيل : 12May2007
المشاركات : 2,860
النوع : ذكر
الاقامة : cairo
السيارة: corolla 07 - wife's
السيارة[2]: megane 05
دراجة بخارية: none
الحالة :
موضوع مرتب جدا و سهل القراءة شكرا جزيلا ..
هل فيه أماكن ممكن يتباع فيها كل المشتملات دي ?
لو عاوز أعمل حوض كويس براق كده يا ترى الكلام في حدود مبلغ قد إيه ?
و شكرا ليك قوي
Tyler_durden سابقا
المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب
المفضلات