الريجاتا بتطبل معايا عند سرعة 80 تحديدا

**hamaza81** · 30-03-2010 03:59 PM

السلام عليكم
انا عندي مشكلة في عربيتي ريجاتا نوفا s85 موديل 1989
ولسة شاريها ومغير سير كاتينا وفلتر زيت وفلتر بنزين
كانت ماشية ببنزين 80 حطيتلها بنزين 90
وكانت بتبطل عند سرعة 60

رحت للميكانيكي قالي محتاج تنضف الكاربراتير، نضفه والعربية بقت بتفصل عند سرعة 80

رحت للميكانيكي تاني قالي محتاج تغير طرمبة البنزين عشان ضعيفة، غيرتها ولا اي شيئ حصل العربية برضه بتفصل عند سرعة 80

اخر مرة رحتله قالي يبقى انت كدة عندك بكات في الكاربراتير عايزة تتغير
مش عارف بقى اكمل معاه واللا اشوف سكة تاني
برجاء الإفادة

**abadawy** · 30-03-2010 04:09 PM

اعتقد بك السرعه فى الكربراتير مابيفتحش فى السرع العاليه دى مشكله
كربراتير

**Ahmed Galal** · 30-03-2010 04:47 PM

لو لقيت كربراتير جديد او استيراد يبقا احسن من اللف ورا الكربراتير القديم هايتعبك

**mahamedaraby** · 30-03-2010 04:56 PM

الاول حاول تشوف حد بيفهم يشتغل فى عربيتك بدل اللى عامل يفتى ده

واحتمال كبير يكون الكربراتير او الرداخ بتاع البنزين مش هيخرج منه الحاجتين دول

**Atrees** · 30-03-2010 05:01 PM

طيب بتبطل وانت ممور وبتزود بنزين ؟

يعني جرب تكبس بنزين وانت ممور وشوف حتبطل ولا لاء

**hamaza81** · 30-03-2010 07:19 PM

المشاركة الأصلية كتبت بواسطة abadawy

اعتقد بك السرعه فى الكربراتير مابيفتحش فى السرع العاليه دى مشكله
كربراتير

جزاك الله خيرا
فعلا الميكانيكي قال كدة وقالي نغير البك ونغسل تانك البنزين وبكدة نكون ظبطنا دورة البنزين بالكامل

المشاركة الأصلية كتبت بواسطة agmgranturismo2006

لو لقيت كربراتير جديد او استيراد يبقا احسن من اللف ورا الكربراتير القديم هايتعبك

جزاك الله خيرا
بس انا ماعنديش استعداد من أولها كدة اغير كاربراتير خصوصا انه تقريبا مش هايبقى أقل من 500جنية استيراد

المشاركة الأصلية كتبت بواسطة mahamedaraby

واحتمال كبير يكون الكربراتير او الرداخ بتاع البنزين مش هيخرج منه الحاجتين دول

جزاك الله خيرا
يعني مش ممكن تكون مشكلة كهرباء؟ في واحد صاحبي قالي ممكن تكون موبينة او حاجة زي كدة؟

المشاركة الأصلية كتبت بواسطة atrees

طيب بتبطل وانت ممور وبتزود بنزين ؟
يعني جرب تكبس بنزين وانت ممور وشوف حتبطل ولا لاء

جزاك الله خيرا
جربت اكبس بنزين وانا ممور شغالة زي الفل، أول ما ازود لحد ما اوصل لسرعة 80 ألاقي العربية فصلت ومحتاجة تدور تاني من المفتاح.
بس هي الحركة اللي انت بتقول عليها دي بتحصل أول ما بدور العربية بعد ما اكون راكنها يوم او اثنين مثلا، ادور العربية ، في الأول ما تدورش غير لما ادوس بنزين مع المارش وأول ما تدور وادوس بنزين تفصل، أدور تاني وأصبر عليها دقيقتين مثلا كدة دايرة بعد كدة أزود بنزين بتشتغل عادي.

**mtageldeen** · 30-03-2010 09:09 PM

المشاركة الأصلية كتبت بواسطة hamaza81

جزاك الله خيرا
يعني مش ممكن تكون مشكلة كهرباء؟ في واحد صاحبي قالي ممكن تكون موبينة او حاجة زي كدة؟

لو مشكلة موبينة ستظهر معك عندما تكون العربية سخنة أو عملت بها مشوار ولو وضعت يدك علي الموبينة ستجدها ساخنة وليس لها علاقة بالسرعة

بمعني لو طفيت العربية في إشارة مثلاً بعد مشوار والموبينة فيها مشكلو لن تدور بسهولة وربما لن تدور حتي تصبر عليها دقائق لتبرد.

رأي نظف بيك السرعة لأنه أسهل وأرخص حل وممكن تعمله بنفسك.

**hamaza81** · 31-03-2010 01:46 PM

رأي نظف بيك السرعة لأنه أسهل وأرخص حل وممكن تعمله بنفسك.

دا اللي هاعمله ان شاء الله، الميكانيكي قالي نغير بك السرعة أو البكات كلها ونغسل تانك البنزين بحيث تكون دورة البنزين كدة سليمة ( غيرنا فلتر البنزين ، غيرنا طلمبة البنزين)
وربنا يسهل

**amro1965** · 07-04-2010 07:56 PM

السلام عليكم ورحمه الله وبركاته
من صاحب ريجاتا منذ 6 شهور
تغيرالوقود من 80 الى 90 يجب تظبيط الكهرباء على الوقود الجديد
من وجه نظرى البسيطة انك محتاج طقم كهرباء كامل
ابلاتين وكوندنسر وطقم بويجيهات وانشاء الله تكون تمام
واتمنى ان يهديك الله الى ميكانيكى مابيفتيش مثل صاحبك