غيرت الرشاشات وفي مشكلة غريبه حصلت ؟

**sameh_loza** · 14-04-2010 01:38 PM

السلام عليكم ورحمة الله
انا غيرت رشاشات العربية لسببين :
اولا : ان البوجيهات كل ما اغيرها تطلع نصها محروق كويس والنصف الثاني ابيض زي الفل !!!
ثانيا: استهلاك البنزين داخل البلد 8.6 كم / اللتر وخارج البلد 11 كم / اللتر

وبعد ما غيرت الرشاشات وركبت بوجيهات مستعمله للتجربه عليها لقيت العربية ترجج وتنتش معايا الصبح عند التسخين لمدة دقيقة وبعدين يرجع صوتها طبيعي
قالي الميكانيكي ركب وبوجيهات جديدة ونضف الرشاشات بجهاز التنظيف التراسونيك وبالفعل عملت كل اللي قاله ولسه العيب موجود وممكن كمان الاقي ان العربية علي السلانسية بتنتش وترجج معايا فلازم ادوس علي الدبرياج علي طول قبل ما تبطل معايا .
كنت عاوز اعرف من مهندسي المنتدي واهل الخبرة في حل المشكلة وهل في مشكلة عندي مثلا في البوابة بتاعة العربية ولا ممكن تكون المشكلة في الموبينه ؟
العربية ويرا 2004 انجيكشن 1300 cc
تم تغيير فلتر البنزين والهواء منذ 9000 كم
تم تغيير حساس الاوكسجين والتاكد من كفائته من خلال مسح شامل للعربية بالكمبيوتر

افيدوني يا اهل الخبرة ووووووووووووشكراااااااااا اااااااااااااا

**romeo_6887** · 14-04-2010 03:41 PM

تنتيش يعني سلوك بوجيهات عايزه تتغير ده في حاله التأكد ان الموبينه سليمه

**MMamdouh** · 14-04-2010 04:03 PM

انت جبت رشاشات جديدة ولا مستعملة؟
هل المشكلة ظهرت بعد تغيير الرشاشات على طول؟
هل جربت بطقم بوجيهات جديد؟

MMamdouh

**SAMEH_FOUAD** · 14-04-2010 05:27 PM

هى مشكلتك دية كلها بتشير الى بلف الايدل
بس فية حاجة استهلاك البنزين عندك زيادة جدا جدا جدا على ماتور 1300 وال1600 كمان دية ارقام استهلاك بنزين ماتور 2200 سى سى
ممكن تدور المكنة صباحا وتشوف الشكمان هل بيطلع دخان اسود ولا لأ
لو لقيتها بتعمل كدة يبقى نظف الرشاشات بس واضح ان الرشاشات دية مش مظبوطة لان استهلاكها خارج البلد اعلى من داخل البلد ودة معناها انها بترمى بنزين على الفاضى عشان كدة مزود الاستهلاك معاك
يبقى دلوقتى حضرتك هتنظف الرشاشات هية والايدل وتركب بوجيهات جديدة وشوف اية الاخبار

**sameh_loza** · 14-04-2010 05:35 PM

المشاركة الأصلية كتبت بواسطة mmamdouh

انت جبت رشاشات جديدة ولا مستعملة؟
هل المشكلة ظهرت بعد تغيير الرشاشات على طول؟
هل جربت بطقم بوجيهات جديد؟

mmamdouh

بشمهندس / ممدوح معانا يا الف مليون مرحب

-بالنسبة للرشاشات دي انا جبتوهم استعمال خارج مفكوكين من ماتور ويرا بالمسطرة بتعتهم
-المشكلة ظهرت بعد تغيير الرشاشات علي طول
-طبعا انا حطيت بوجيهات جديدة بعد الحركة دي بمعني بعد ما ركبت الرشاشات بيوم وبعد ما ركبت البوجيهات بيوم تاني نظفت الرشاشات بالجهاز.

**sameh_loza** · 14-04-2010 05:38 PM

المشاركة الأصلية كتبت بواسطة mrsailor

اكشف على التقسيمة بتاعه الموتور .. البوبينة .. سلك البوجيهات .. حساس اليديل ..

انا بشكرك علي مشركتك معايا ولكن

اية هو حساس الايديل ومكانه فين بالعربية واكشف عليه ازاى وهل ممكن اكشف علية بالكمبيوتر ؟

**sameh_loza** · 14-04-2010 05:46 PM

المشاركة الأصلية كتبت بواسطة semsem kane

هى مشكلتك دية كلها بتشير الى بلف الايدل
بس فية حاجة استهلاك البنزين عندك زيادة جدا جدا جدا على ماتور 1300 وال1600 كمان دية ارقام استهلاك بنزين ماتور 2200 سى سى
ممكن تدور المكنة صباحا وتشوف الشكمان هل بيطلع دخان اسود ولا لأ
لو لقيتها بتعمل كدة يبقى نظف الرشاشات بس واضح ان الرشاشات دية مش مظبوطة لان استهلاكها خارج البلد اعلى من داخل البلد ودة معناها انها بترمى بنزين على الفاضى عشان كدة مزود الاستهلاك معاك
يبقى دلوقتى حضرتك هتنظف الرشاشات هية والايدل وتركب بوجيهات جديدة وشوف اية الاخبار

بلف الايدل ؟ انا معرفوش بس هاسال علية الميكانيكي ؟
انا بشرح ان من ضمن الاسباب استهلاك البنزين في الرشاشات القديمة بتعمل 160كم في الصفيحه وده اللي خلاني اغير الرشاشات
مفيش اي دخنه سودا ولا حتي دخنه بيضاء بس الغريب ان العربيه كانت في الصبح بتطلع نقط ميه دلوقتي اختفت!!
طب انا معرفتش رائيكم عن البوجيهات اللي كانت خارجه نصفها محروق ونصفها ابيض ودي من ضمن الاسباب لتغيير الرشاشات؟

**MMamdouh** · 14-04-2010 06:55 PM

المشاركة الأصلية كتبت بواسطة sameh_loza

بشمهندس / ممدوح معانا يا الف مليون مرحب

-بالنسبة للرشاشات دي انا جبتوهم استعمال خارج مفكوكين من ماتور ويرا بالمسطرة بتعتهم
-المشكلة ظهرت بعد تغيير الرشاشات علي طول
-طبعا انا حطيت بوجيهات جديدة بعد الحركة دي بمعني بعد ما ركبت الرشاشات بيوم وبعد ما ركبت البوجيهات بيوم تاني نظفت الرشاشات بالجهاز.

لو بعد البوجيهات الجديدة المشكلة لسة موجودة يبقى غالبا طقم الرشاشات دة وحش او بلف تنظيم الضغط بتاع البنزين وحش (بفرض انك ركبت الرشاشات الاستيراد بالمسطرة بتاعتهم)

جرب المسطرة بتاعتك على الرشاشات الاستيراد و شوف ايه النظام

MMamdouh